ಹಸಿರೇ ಉಸಿರು.

ಕಚ ಪಚ ಕಚ ಪಚ ಕಚ ಪಚ

2011-03-26T20:18:00.000+05:30

ಕಚ ಪಚ ಕಚ ಪಚ ಕಚ ಪಚ

ಅಂತಾ ತಿನಕೋಂತಾ$$$

ಪಿಜ್ಜಾ ತಿನಕೋಂತಾ$

ಕಚ ಪಚ ಕಚ ಪಚ ಕಚ ಪಚ

ಅಂತಾ ತಿನಕೋಂತಾ$$$

ಪಿಜ್ಜಾ ತಿನಕೋಂತಾ $

ಅತ್ತ ರೋಗಾನೂ ಬರದು

ಇತ್ತ ಆರೋಗ್ಯನೂ ಇರದೂ

ಊಟಾ ಆದಂಗೂ ಇರದು

ಹೊಟ್ಟೆ ಹಸಿವೂ ತೀ$ರದೂ

ಕಚ ಪಚ ಕಚ ಪಚ ಕಚ ಪಚ

ಅಂತಾ ತಿನಕೋಂತಾ$$$

ಪಿಜ್ಜಾ ತಿನಕೋಂತಾ$

ಪಿಜ್ಜಾ$ ತಿನಕೋಂತಾ$ || ಪ ||

!$€೬£]}\{[@

!@€೬{£}\$[]

!$€೬£]}\{[@

!@€೬{£}\$[]

ಬರ್ಗರ್‌ನಾ$ ಟೇಸ್ಟು

ಸಬ್‌ವೇಯಾ$ ವಾಸ್ನೇ

ಪೆಪ್ಸೀಯ ಗುಟುಕು

ಚಿಪ್ಸೀನ ಚುಟುಕು

ಬೇಡಾ ಅನ್ನೋಕೂ ಬಿಡದೂ

ಬೇಕೂ ಅನ್ನೋಕೂ ಬಿಡದೂ

ಗೋದಿ$ ಬ್ರೆಡ್ಡಲ್ಲಿ

ಮಾಡೋ ಫುಡ್ಡಲ್ಲೀ$

ಹಸಿಹಸಿ ತರಕಾರಿ

ನಮ್ಮಾ ಹೊಟ್ಟೇ ಸೇರಿ$

ಹೆಚ್ಚು ತಿನ್ನೋಕೂ ಆಗದು

ಕಮ್ಮಿ ತಿನ್ನೋಕೂ ಬಿಡದು

ಖಾಲಿಯಾತೂ ಕಾಸು ಜೇಬೊಳಗೆ

ದಿ€೬ನಾ ದಿ£$ನಾ ದಿ£$ನಾ

ತುಂಬ್ತು ಗ್ಯಾಸೂ ಹೊಟ್ಟೆ ಒಳಗೆ

ದಿ€೬ನಾ ದಿ£$ನಾ ದಿ£$ನಾ

ಕಚ ಪಚ ಕಚ ಪಚ ಕಚ ಪಚ

ಅಂತಾ ತಿನಕೋಂತಾ$$$ || ಪ ||

!$€೬£]}\{[@

!@€೬{£}\$[]

!$€೬£]}\{[@

!@€೬{£}\$[]

ಗರಿಸನಿಸಾ ಗಾರಿ$ನಿಸಾ$

ಗರಿಸನಿಸಾ$ಸಾ$$ ಗಾರಿ$ನಿಸಾ$

ಹೊಟ್ಟೆ ಹಸಿವಲ್ಲಿ

ಪಿಜ್ಜಾ ಕಾರ್ನರ್ ಇದೆ ಪಕ್ಕದಲ್ಲಿ

ಒಂದ್ ಫೋನ್ ಕಾಲ್‌ಲ್ಲಿ

ಪಿಜ್ಜಾ ಬಾಯ್ ಎದುರಲ್ಲಿ$$

ಅತ್ತ ಪೆಪ್ಸೀನೂ ಶರಣು

ಇತ್ತ ಕೋಲಾನೂ ಶರಣು

ಹೊಟ್ಟೆಗೆ ಹೊತ್ತಿಲ್ಲ

ಹಸಿವಿಗೆ ತಡೀ$ಯಲ್ಲ

ಫೋನ್‌ ಕಾಲಿಗೆ ಲೇಟಿಲ್ಲ

ಪಿಜ್ಜಾ ಬಾಗಿಲಿಗೆ ಬಂತಲ್ಲಾ$

ಪಿಜ್ಜಾ ನಮ್ಮನ್ನು ಬಿಡದೂ

ನಾವು ಪಿಜ್ಜಾನ ಬಿಡೆವು

ಚಕ ಚಕ ಎಣಿಸಿ ಬಾಗಿಲೊಳಗೆ

ದಿರನನಾ$$ ದಿರನನಾ$$

ಕ್ಷಣದಲಿ ಪಿಜ್ಜಾ ಹೊಟ್ಟೆಯೊಳಗೆ

ದಿರನನಾ$$ ದಿರನನಾ$$

ಕಚ ಪಚ ಕಚ ಪಚ ಕಚ ಪಚ

ಅಂತಾ ತಿನಕೋಂತಾ$$$

ಪಿಜ್ಜಾ ತಿನಕೋಂತಾ$ || ಪ ||

=============================================================
ಏನೂ ಅರ್ಥವಾಗಲಿಲ್ಲವಾ?

ಕೆಳಗಿನ ವಿಡಿಯೋ ನೋಡಿ

ಆಮೇಲೆ ಮತ್ತೆ ಓದಿ...

================================================

ಮೂಲ ಸಾಹಿತ್ಯ & ಸಂಗೀತ: ಸಂಗೀತ ಬ್ರಹ್ಮ ಹಂಸಲೇಖ

ಚಿತ್ರ : ರಸಿಕ

ಇನ್ನೂ ಅರ್ಥವಾಗಲಿಲ್ಲವಾ?

ಮತ್ತೆ ವಿಡಿಯೋ ನೋಡಿ

ಆಮೇಲೆ ಮತ್ತೆ ಓದಿ...

.

.

.

ಮತ್ತೆ ಮತ್ತೆ ಪ್ರಯತ್ನಿಸಿ.

ಜಪಾನ್ ಸುನಾಮಿ

2011-03-17T17:45:00.000+05:30

ಕಡಲಾಳದಿ ಭೂಮಿಯ ಕಂಪನ

ದಡದಲ್ಲಿ ಸುನಾಮಿ ಅಲೆಗಳ ರುಧ್ರನರ್ತನ

ಮನೆ-ಮಾಳಿಗೆಗಳೆಲ್ಲಾ ನೆಲ ಸಮ

ಬೀದಿಗೆ ಬಂದಿದೆ ಜಪಾನಿನ ಜನ-ಜೀವನ

ಫಸರುತಿದೆ ಈಗ ರೇಡಿಯೋ ವಿಕಿರಣ

ಜಾಗತಿಕ ಅರ್ಥವ್ಯವಸ್ಥೆಯೂ ಸಂಕೀರ್ಣ

ಕಡಲಾಳದ ಭೂಕಂಪನ, ಇದಕೆಲ್ಲಾ ಕಾರಣ

ದೂಷಿಸದಿರಿ ಅದಕಾಗಿ ಪೂರ್ಣ-ಚಂದ್ರನ

ಅಲ್ಲಿರುವವರೂ ನಮ್ಮವರೇ ಜನ

ಅವರಿಗಾಗಿ ಮರುಕಿತು ಮನ

ಸಾಧ್ಯವಾದರೆ ನೀಡಿ ಸಹಾಯ ಧನ

ಮೂಡಲಿ ಭರವಸೆಗಳ ಹೊಸ ಆಶಾಕಿರಣ

ಇಲ್ಲಿದೆ ನೋಡಿ ಇದೆಲ್ಲದರ ಚಿತ್ರಣ

ಲೋಹಿತ್

elektro magnetik waves

2011-01-09T17:46:00.004+05:30

ನಾಲ್ಕಾರು ತಿಂಗಳುಗಳ ಹಿಂದೆ ಸಂಪಾದಿಸಿದ್ದು. ಕೆಲವು ಅನ್ಯ ಚಾನೆಲ್‌ಗಳ ಮೂಲಕ ನೀವೀಗಾಗಲೇ ಓದಿದ್ದರೂ ಓದಿರಬಹುದು. ಈಗ ಮತ್ತೇನೂ ಬದಲಾವಣೆಗಳನ್ನು ಮಾಡದೇ ಯಥಾವತ್ ನನ್ನ ಬ್ಲಾಗಿನಲ್ಲಿ ಪ್ರಕಟಿಸುತ್ತಿದ್ದೇನೆ. ವಂದನೆಗಳು. [ಪೂರ್ಣ ವಿರಾಮ]

ರೇಡಿಯೋ ಅಲೆಗಳು.

ವಿದ್ಯುತ್ಕಾಂತೀಯ ಅಲೆಗಳ ಬಗ್ಗೆ ಆಸಕ್ತಿ ಆರಂಬವಾದದ್ದು ಮ್ಯಾಕ್ಸ್‌ವೆಲ್‌ ಎಂಬ ಬ್ರಿಟೀಷ್ ಮೂಲದ ವಿಜ್ಞಾನಿಯ ಮೂಲಕ. ಸುಮಾರು 1870ರ ದಶಕದ ಆಸುಪಾಸಿನಲ್ಲಿ ಇವರು ವಿದ್ಯುತ್ಕಾಂತೀಯ ಅಲೆಗಳ ಅಸ್ಥಿತ್ವದ ಬಗ್ಗೆ ಮೊಟ್ಟಮೊದಲ ಬಾರಿಗೆ ಸುಳಿವು ನೀಡಿದ್ದರು. ಇವರು ಸಿದ್ದಪಡಿಸಿದ ಮಾಹಿತಿಯಿಂದ ಪ್ರೇರೇಪಿತರಾದ ಕೆಲವು ವಿಜ್ಞಾನಿಗಳು ಹೆಚ್ಚಿನ ಪ್ರಯೋಗಗಳಿಗೆ ತೊಡಗಿಕೊಂಡರು. ನಂತರದ ದಶಕಗಳಲ್ಲಿ ವಿವಿದ ದೇಶಗಳಲ್ಲಿ ಕೆಲವು ವಿಜ್ಞಾನಿಗಳು ತಮ್ಮ ಪ್ರಯೋಗಗಳಲ್ಲಿ ಯಶಸ್ವಿಯನ್ನು ಕಂಡರು.

ವಿದ್ಯುತ್ಕಾಂತೀಯ ಅಲೆಗಳನ್ನು ಪ್ರಾಯೋಗಿಕವಾಗಿ ಪ್ರದರ್ಶಿಸಿದವರಲ್ಲಿ ಭಾರತದವರೇ ಆದ ಜಗದೀಶ್ ಚಂದ್ರ ಬೋಸ್, ಇಟಲಿಯವರಾದ ಮಾರ್ಕೊನಿ, ಅಮೇರಿಕದ ಟೆಲ್ಸಾ ಇನ್ನೂ ಕೆಲವು ವಿಜ್ಞಾನಿಗಳು ಮೊದಲಿಗರು. ವಿದ್ಯುತ್ಕಾಂತೀಯ ಅಲೆಗಳು ಪ್ರಸಾರವಾಗಲು ಯಾವುದೇ ವಿದ್ಯುತ್‌ವಾಹಕ ತಂತಿಗಳ ಸಹಾಯ ಬೇಕಿಲ್ಲ ಎಂಬ ಜ್ಞಾನವನ್ನು ಈ ವಿಜ್ಞಾನಿಗಳು ತಮ್‌ತಮ್ಮ ಪ್ರಯೋಗಗಳ ಮೂಲಕ ಪ್ರದರ್ಶಿಸಿರುವರು. ಈ ಅಲೆಗಳ ಈ ವಿಶಿಷ್ಟ ಗುಣವೇ ಮುಂದೆ ಮಾನವನ ಜೀವನ ಪದ್ದತಿಯನ್ನೇ ಬದಲಿಸಿದ ತಂತ್ರಜ್ಞಾನಕ್ಕೆ ಚಾಲನೆನೀಡಿತು.

ವಿದ್ಯುತ್‌ಕಾಂತೀಯ ಅಲೆಗಳ ಮೊದಲ ಜನಪ್ರಿಯ ಕೊಡುಗೆ "ರೇಡಿಯೋ". ರೇಡಿಯೋ ಸಾಧನಗಳಲ್ಲಿರುವ ತಂತ್ರಜ್ಞಾನ ತೀರಾ ಸರಳವಾಗಿ ಅರ್ಥಮಾಡಿಕೊಳ್ಳಬಹುದು..

೧) ವಿದ್ಯುತ್‌ಕಾಂತೀಯ ಅಲೆಗಳಿಗೆ ಕೆಲವು ನಿರ್ದಿಷ್ಟ ಸಂಖ್ಯೇತಗಳನ್ನು ಬೆರೆಸಿ ಅಂಟೇನಾ ಮೂಲಕ ಬಿತ್ತರಿಸಲಾಗುತ್ತದೆ.

೨) ನಿಮ್ಮ ಮನೆಗಳಲ್ಲಿರುವ ರೇಡಿಯೋ ರಿಸೀವರ್‌ಗಳು ಈ ಅಲೆಗಳನ್ನು ಗ್ರಹಿಸಿಕೊಂಡು, ಅವುಗಳಲ್ಲಿ ಅಡಕವಾಗಿರುವ ಸಂಖ್ಯೇತಗಳನ್ನು ಬೇರ್ಪಡಿಸುತ್ತವೆ.

೩) ಈ ಸಂಖ್ಯೇತಗಳನ್ನು ಧ್ವನಿಯಾಗಿ ಪರಿವರ್ತಿಸಿ, ನಂತರ ಸ್ಪೀಕರ್ ಮೂಲಕ ಈ ಧ್ವನಿಯನ್ನು ಹೊರಹಾಕುತ್ತವೆ. ನಾವು ಆಲಿಸಿಕೊಳ್ಳುತ್ತೇವೆ.

೪) ಅದು ಕ್ರಿಕೆಟ್ ಮ್ಯಾಚ್ ವೀಕ್ಷಕ ವಿವರಣೆ ಇರಬಹುದು, ನಿಮ್ಮ ನೆಚ್ಚಿನ ಗಾಯಕರು ಹಾಡಿರುವ ಜಾನಪದ ಗೀತೆಯಾಗಿರಬಹುದು, ಅಥವ ನಿಮ್ಮ ನೆಚ್ಚಿನ ಚಿತ್ರಗೀತೆಯಾಗಿರಬಹುದು ಅಥವ ಕೃಷಿಗೆ ಸಂಬಂದಿಸಿದ ಮತ್ತೋರ್ವ ತಜ್ಞರ ಜೊತೆಗಿನ ಚರ್ಚೆಯೇ ಆಗಿರಬಹುದು ಅಥವ ಇನ್ನಾವುದೇ ಕಾರ್ಯಕ್ರಮವಿರಬಹುದು.

ಎಲ್ಲಾ ರೀತಿ ಧ್ವನಿಗಳನ್ನೂ ಸಂಖ್ಯೇತಗಳಾಗಿ ಬಿತ್ತರಿಸಲು ಹಾಗೂ ನಂತರ ಆ ಸಂಕ್ಯೇತಗಳನ್ನು ಗ್ರಹಿಸಿಕೊಂಡು ಪುನಃ ಧ್ವನಿಯಾಗಿ ಪರಿವರ್ತಿಸಿ ಆಲಿಸಿಕೊಳ್ಳಲು ಮೇಲೆ ತಿಳಿಸಿದ ನಾಲ್ಕು ಅಂಶಗಳನ್ನು ಪಾಲಿಸಲೇಬೇಕು.

ಧಾರವಾಡ ಕೆಂದ್ರದಿಂದ ಈಗ ೬೦೦೦ ಕಂಪನಾಂಕದಲ್ಲಿ ಕನ್ನಡ ಪ್ರಾದೇಶಿಕ ವಾರ್ತೆಗಳು ಪ್ರಸಾರವಾಗಲಿದೆ. ಓದುತ್ತಿರುವವರು ಪ್ರಸಾದ್... ಈ ರೀತಿಯ ಪ್ರಕಟಣೆಗಳನ್ನು ತಾವೂ ಸಹ ತಮ್ಮ ಹಳೆಯ ರೇಡಿಯೋಗಳಲ್ಲಿ ಈ ಹಿಂದೆ ಆಲಿಸಿದ್ದಿರಬಹುದು. ಮೊದಲೆಲ್ಲಾ ಕೇವಲ ಎ.ಎಮ್‌.ರೇಡಿಯೋಗಳು ಮಾತ್ರ ಹೆಚ್ಚು ಜನಪ್ರಿಯವಾಗಿದ್ದವು. 19ನೇ ಶತಮಾನದ ಆರಂಭದಲ್ಲೇ ಇಂತಹ ಎ.ಎಮ್‌.ರೇಡಿಯೋಗಳು ಬೆಳಕಿಗೆ ಬಂದವಾದರೂ 1920 ರವರೆಗೆ ಇವುಳಿಗೆ ನಿರ್ದಿಷ್ಟ ಪರಿಮಿತಿಯನ್ನು (ರೇಂಜ್) ನಿಗದಿ ಪಡಿಸಿರಲಿಲ್ಲ. ನಂತರ 1930ರ ಆರಂಭದಲ್ಲಿ ಎ.ಎಮ್‌.ರೇಡಿಯೋಗಳ ಕಂಪನಾಂಕ ಬ್ಯಾಂಡನ್ನು 535 kHz to 1,700 kHz ಎಂದು ನಿಗದಿ ಮಾಡಲಾಯಿತು.

೧೯೩೦ರ ಆಸುಪಾಸಿನಲ್ಲಿ ಎಪ್.ಎಮ್. ರೇಡಿಯೋಗಳು ಬೆಳಕಿಗೆ ಬಂದವು. ಆದರೆ ಜನಪ್ರಿಯವಾಗಲು 1960ರ ವರೆಗೆ ಕಾಯಬೇಕಾಯಿತು. 1960ರ ನಂತರ ಎಪ್.ಎಮ್ ರೇಡಿಯೋಗಳ ಬ್ಯಾಂಡನ್ನು 88 MHz to 108 MHz ಎಂದು ನಿಗದಿ ಮಾಡಲಾಯಿತು. ಬೆಂಗಳೂರಿನಲ್ಲಿ ಅದೆಷ್ಟೋ ಅನೇಕ ಎಪ್.ಎಮ್. ರೇಡಿಯೋ ಚಾನೆಲ್‌ಗಳಿವೆ. ಇವುಗಳೆಲ್ಲವೂ ತಮ್ಮ ಅಲೆಗಳ ಕಂಪನಾಂಕವನ್ನು ಕೇವಲ 88 MHz to 108 MHz ರ ಒಳಗೆ ನಿರ್ದಿಷ್ಟಗೊಳಿಸಿವೆ. ಇದನ್ನು ನೀವೂ ಸಹ ಈಗಾಗಲೇ ಗಮನಿಸಿರ ಬಹುದು. ಎಪ್.ಎಮ್.ರೇಡಿಯೋಗಳು ಸದ್ಯಕ್ಕೆ ಕೇವಲ ದೊಡ್ಡ ದೊಡ್ಡ ನಗರಗಳಿಗೆ ಮಾತ್ರ ಸೀಮಿತವಾಗಿವೆ. ಆದರೆ ಸಣ್ಣ-ಪುಟ್ಟ ನಗರಗಳನ್ನು ತಲುಪುವಲ್ಲಿ ಇನ್ನೂ ಹಿಂದೆ ಬಿದ್ದಿವೆ.

ಅಲೆಗಳನ್ನು ತರಂಗಾಂತರ, ಆವೃತ್ತಿ ಹಾಗೂ ಅವುಗಳ ಶಕ್ತಿಗಳಿಗನುಗುಣವಾಗಿ ವಿವಿದ ಉದ್ದೇಶಗಳಿಗೆ ಬಳಸಿಕೊಳ್ಳಲಾಗುತ್ತದೆ. ರೇಡಿಯೋ ಅಲೆಗಳ ತಂತ್ರಜ್ಞಾನವು ಟೀವೀ, ಮೋಬೈಲ್ ಪೋನ್, ಜಿಪಿಎಸ್, ಏರ್ ಟ್ರಾಪಿಕ್ ಕಂಟ್ರೋಲ್‌ ಮುಂತಾದ ದೂರಸಂಪರ್ಕ ಮಾದ್ಯಮದಲ್ಲಷ್ಟೇ ಅಲ್ಲದೇ ಮೈಕ್ರೋಓವನ್, ರಿಮೋಟ್ ಕಂಟ್ರೋಲ್ಟ್ ಆಟಿಕೆಗಳು, ರ್ಯಡಾರ್‌ಗಳು ಹೀಗೇ ಇನ್ನೂ ಹಲವು ಕ್ಷೇತ್ರಗಳಿಗೆ ಪ್ರಯೋಜನಕಾರಿಯಾಗಿದೆ. ಚಿತ್ರವನ್ನು ಗಮನಿಸಿ.

2ಜಿ ತಂತ್ರಜ್ಞಾನದಲ್ಲಿ ಅಲ್ಪ ವ್ಯಾಪ್ತಿಯಲ್ಲಿ ಈ ಅಲೆಗಳನ್ನು ಬಳಸಿಕೊಳ್ಳಲಾಗುತ್ತಿದೆ. ಮೋಬೈಲ್‌ ಪೋನ್‌ಗಳಲ್ಲಿ ಅಲೆಗಳ ಮೂಲಕ ಮಾಹಿತಿ ರವಾನೆಯ ದರ ಸಾಧಾರಣ ಮಟ್ಟದ್ದಾಗಿದ್ದು. ಇದೀಗ ಪ್ರಪಂಚದ ಹಲವು(ಅಂದಾಜು ೫೦) ರಾಷ್ಟ್ರಗಳಲ್ಲಿ 3ಜಿ ಸೇವೆಯನ್ನು ಆರಂಬಿಸಲಾಗಿದೆ. ಪ್ರಮುಖವಾಗಿ ಧ್ವನಿ ಪ್ರಸಾರಕ್ಕಷ್ಟೇ ಸೀಮಿತವಾಗಿದ್ದ ಮೋಬೈಲ್‌ಪೋನ್‌ಗಳು ಈಗ, ಇನ್ನು ಮುಂದೆ ಮತ್ತಷ್ಟು ಹೆಚ್ಚಿನ ವಿವಿದ ಸೇವೆಯನ್ನೊದಗಿಸಲು ಶಕ್ತವಾಗಿವೆ(ವಾಗಲಿವೆ). 2ಜಿ ಸೇವೆಗಳಿಗಿಂತ ಇನ್ನೂ ಅಧಿಕ ವೇಗದಲ್ಲಿ ಮಾಹಿತಿ ರವಾನೆಯು ಸಾದ್ಯವಾಗಲಿದೆ.

3ಜಿ ತಂತ್ರಜ್ಞಾನವು ಸಂಪೂರ್ಣ ಹೊಸದೇನೂ ಅಲ್ಲ. ಇಸವಿ 2000ದ ಆರಂಬದಲೇ ಮೊಟ್ಟಮೊದಲ ಬಾರಿಗೆ ಜಪಾನಿನ ಡೋಕೋಮೋ ಕಂಪನಿಯು 3ಜಿ ಸೇವೆಗಳನ್ನು ಯಶಸ್ವಿಯಾಗಿ ಆರಂಬಿಸಿತ್ತು. ಈಗಾಗಲೇ ಯುರೋಪ್‌, ಅಮೇರಿಕ, ಚೀನಾ, ಜಪಾನ್‌, ನಿವ್‌ಜಿಲ್ಯಾಂಡ್, ಆಸ್ಟ್ರೇಲಿಯಾ ಇನ್ನೂ ಮುಂತಾದ ರಾಷ್ಟ್ರಗಳಲ್ಲಿ ಹಲವಾರು ಗ್ರಾಹಕರು 3ಜಿ ಸೇವೆಯನ್ನು ಬಳಸುತ್ತಿದ್ದಾರೆ. ಇದೀಗ ಭಾರತವೂ ಸಹ ಮೋಬೈಲ್‌ ಗ್ರಾಹಕರಿಗೆ 3ಜಿ ಸೇವೆಯನ್ನು ಒದಗಿಸಲು ಮುಂದಾಗಿರುವುದು ನಮಗೆಲ್ಲಾ ಸಂತಸದ ಸಂಗತಿ. ಕೇವಲ 3ಜಿ ಸ್ಪೆಕ್ಟ್ರಮ್‌ನ ಹರಾಜಿನಿಂದಲೇ ನಿರೀಕ್ಷೆಗೂ ಮೀರಿದ ಸುಮಾರು 70 ಸಾವಿರ ಕೋಟಿ ಹಣವನ್ನು ನಮ್ಮ ಭಾರತ ಸರ್ಕಾರವು ತನ್ನ ಬೊಕ್ಕಸಕ್ಕೆ ತುಂಬಿಸಿ ಕೊಂಡಿದೆ. ಇನ್ನು ಕೆಲವೇ ತಿಂಗಳುಗಳಲ್ಲಿ ಭಾರತದಲ್ಲಿಯೂ ಸಹ 3ಜಿ ಸೇವೆಗಳು ಆರಂಬವಾಗಲಿವೆ ಎಂಬ ಮಾಹಿತಿ ಭಾರೀ ನಿರೀಕ್ಷೆಯನ್ನೇನೋ ಹುಟ್ಟಿಸಿದೆ. ಆದರೆ ಎಷ್ಟು ಪ್ರಮಾಣದ ಜನರಿಗೆ ತಲುಪಲಿದೆ ಎಂಬುದೇ ಈಗಿರುವ ಪ್ರಶ್ಣೆ.

ಭಾರತದಲ್ಲಿ ೩ಜಿ ಸೇವೆಯನ್ನೊದಗಿಸಲು ಭಾರ್ತಿ ಏರ್‌ಟೆಲ್, ವೋಡಾಪೋನ್, BSNL, MTNL ಹೀಗೇ ಹತ್ತಕ್ಕಿಂತಲೂ ಅಧಿಕ ಸೇವಾಧಾರರು ಭಾರಿ ಶುಲ್ಕವನ್ನು ತೆತ್ತು ಸರ್ಕಾರದಿಂದ ಪರವಾನಿಗಿ ಗಿಟ್ಟಿಸಿ ಕೊಂಡಿವೆ. ಆದರೆ ಇಷ್ಟೊಂದು ಅಧಿಕ ಶುಲ್ಕವನ್ನು ನೀಡಿರುವ ಈ ಕಂಪನಿಗಳು ಉತ್ತಮ ಗುಣಮಟ್ಟದ ಸೇವೆಯನ್ನು ಭಾರತದ ಮೂಲೆ ಮೂಲೆಗಳಿಗೂ ತಲುಪಿಸಲು ಯಶಸ್ವಿಯಾಗ ಬಲ್ಲವೇ? ಎಂದ ಪ್ರಶ್ಣೆ ಈಗ ಕಾಡತೊಡಗಿದೆ. ಸರ್ಕಾರವು ಅಪಾರ ಲಾಭಗಳಿಸುವ ಉದ್ದೇಶವನ್ನೇನೋ ಈಡೇರಿಸಿಕೊಂಡಿದೆ. ಆದರೆ ಬಳಕೆದಾರರಿಗೆ ಅಧಿಕ ಶುಲ್ಕ ತೆರಬೇಕಾದ ಸಂಕಟ ಎದುರಾದರೆ ಆಗ ಏನು ಗತಿ? ಎಂಬುದನ್ನು ಇನ್ನೂ ಕಾದು ನೋಡ ಬೇಕಿದೆ.

ಈಗಾಗಲೇ 3ಜಿ ಸೇವೆಗಿಂತಲು ತುಸು ಹೆಚ್ಚಾದ ಸೇವೆಗಳನ್ನು ಸ್ಟೀಡನ್‌ ದೇಶವು ತನ್ನ ಗ್ರಾಹಕರಿಗೆ ಒದಗಿಸುತ್ತಿರುವ ವರದಿಗಳೂ ಇವೆ. ಇವುಗಳು 4ಜಿ ಸೇವೆಗಳು ಎಂದು ಕರೆಸಿಕೊಳ್ಳಲ್ಪಡುತ್ತಿವೆ. ಡೋಕೋಮೋ ಹಾಗೂ ಸ್ಯಾಂಸಂಗ್‌ ಕಂಪನಿಗಳು ಈಗಾಗಲೇ ೪ಜಿ ತಂತ್ರಜ್ಞಾನದ ಬಗ್ಗೆ ಸಾಕಷ್ಟು ಪ್ರಯೋಗಗಳನ್ನು ಆರಂಭಿಸಿಯಾಗಿದೆ.

ರೇಡಿಯೋ ಅಲೆಗಳು ಮಾನವನ ಜೀವನದ ದಿಕ್ಕನ್ನೇ ಬದಲಾಯಿಸುವಷ್ಟು ಗಣನೀಯ ಪ್ರಮಾಣದ ಕ್ರಾಂತಿಗೆ ಕಾರಣವಾಗಿರುವುದು ಅಕ್ಷರಶಹ ಸತ್ಯ. ಆದರೆ ಈ ರೇಡಿಯೋ ಅಲೆಗಳು ಪರಿಸರದ ಮೇಲೆ ದುಷ್ಪರಿಣಾಮಗಳನ್ನು ಬೀರುತ್ತಿವೆ ಎಂಬ ಆತಂಕವೂ ಆಗಾಗ ಕೇಳಿಬರುತ್ತಿರುತ್ತದೆ. ಕೆಲವು ಜೀವ ಸಂತತಿಗಳನ್ನೇ ಈ ಅಲೆಗಳು ಆಹುತಿ ಪಡೆದುಕೊಂಡಿವೆ ಎಂಬ ಆರೋಪಗಳನ್ನು ನೀವೂ ಸಹ ಕೇಳಿರದೇ ಇರುವುದಿಲ್ಲ.

---

ಚಿತ್ರಗಳ ಹಕ್ಕುಗಳು ಆಯಾ ಮಾಲಿಕರದ್ದು.

ಮಂಜುಗಡ್ಡೆಯಲ್ಲಿ ಅರಳಿದ ಕಲೆ

2010-12-16T19:59:00.001+05:30

ಚಿತ್ರದ ಮೇಲೆ ಕ್ಲಿಕ್ ಮಾಡಿ ಮತ್ತಷ್ಟು ಇಂತದೇ ಚಿತ್ರಗಳನ್ನು ವೀಕ್ಷಿಸಬಹುದು

ಪದ ಆವೃತ್ತಿ 2.5 ಹಾಗೂ ಕನ್ನಡ ವಿಕ್ಷನರಿ

2010-12-03T03:31:00.001+05:30

ಪದ ಆವೃತ್ತಿ 2.5 ಈಗ ಹೊರಬಂದಿದೆ.

ಈ ಆವೃತ್ತಿಯ ಬಹು ಮುಖ್ಯ ಬೆಳವಣಿಗಳೆಂದರೆ

* ನೀವು ಬಯಸಿದ ಪದಗಳ ಅರ್ಥವನ್ನು ನೇರವಾಗಿ ಕನ್ನಡ ವಿಕ್ಷನರಿಯಿಂದ ತಿಳಿದುಕೊಳ್ಳಬಹುದಾಗಿರುತ್ತದೆ. ಇದಕ್ಕೆ ನೀವು ಮಾಡಬೇಕಾಗಿರುವುದಿಷ್ಟೇ, ನೀವು ಅರ್ಥ ತಿಳಿದುಕೊಳ್ಳಬೇಕೆಂದಿರುವ ಪದವನ್ನು ಟೈಪಿಸಿ ಅದರ ಮೇಲೆ ರೈಟ್ ಕ್ಲಿಕ್ ಮಾಡಿ* "Search In Wiktionary" ಎಂದು ಮೂಡುವ ಮೆನುವನ್ನು ಆಯ್ಕೆಮಾಡಿಕೊಳ್ಳಿ. ಅಷ್ಟೇ.
ಸೂಚನೆ : ಈ ಸೌಕರ್ಯಕ್ಕೆ ನೀವು ನಿಮ್ಮ ಗಣಕವನ್ನು ಇಂಟರ್ನೆಟ್ಗೆ ಕನೆಕ್ಟ್ ಮಾಡಿರಬೇಕಾಗಿರುತ್ತದೆ.

* ಅಕ್ಷರಗಳನ್ನು ಅವುಗಳ ಗಾತ್ರವನ್ನು ತಗ್ಗಿಸದೇಯೇ ಅಥವಾ ಹಿಗ್ಗಿಸದೇಯೇ ಜೂಮ್ ಮಾಡಿ ನೋಡಬಹುದಾಗಿದೆ.

ಈ ವಿವರಣೆಗಳನ್ನು ಕೆಳಗಿನ ಚಿತ್ರಗಳು ಮತ್ತಷ್ಟು ಸ್ಪಷ್ಟವಾಗಿ ತಿಳಿಸುತ್ತವೆ.

ಅನಾನುಕೂಲಗಳು ಅಥವಾ ಅನುಮಾನಗಳು ಎದುರಾದರೆ ದಯವಿಟ್ಟು ತಿಳಿಸಿ.ಅಥವಾ ಏನೇ ಪ್ರತಿಕ್ರಿಯೆ ಹಾಗೂ ಅನಿಸಿಕೆಗಳನ್ನು ತಿಳಿಸಬೇಕೆಂದಿದ್ದರೂ ದಾರಾಳವಾಗಿ ತಿಳಿಸಬಹುದು.

ಇಲ್ಲಿಂದ ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.
http://lodyaashi.com

ಧನ್ಯವಾದಗಳೊಂದಿಗೆ

ವಿಜಯದಶಮಿಯ ಹಾರ್ದಿಕ ಶುಭಾಶಯಗಳು

2010-10-16T17:41:00.000+05:30

ಶ್ರೀಕೃಷ್ಣನಿಗೆ ಚಕ್ರವಿದ್ದಂತೆ,

ಅರ್ಜುನನಿಗೆ ಗಾಂಢೀವವಿದ್ದಂತೆ

ಕರ್ಣನಿಗೆ ವಿಜಯ ಧನಸ್ಸಿದ್ದಂತೆ

ಶರವೇಗದಲ್ಲಿ ಮುನ್ನುಗ್ಗುತ್ತಿರುವ ಐಟಿಲೋಕದಲ್ಲಿ

ಸಾಫ್ಟೇರ್‌ಎಂಬ ಈ ಕುರುಕ್ಷೇತ್ರ ಯುದ್ದದಲ್ಲಿ,

ನನಗೆ ಆಯುಧವಾಗಿರುವ

ಹೆಮ್ಮೆಯ ಓ ನನ್ನ ಲ್ಯಾಫ್‌ಟಾಪೇ,

ಅರ್ಜುನನ ಅಕ್ಷಯತೂಣಿರದಂತೆ,

ನಿನ್ನ ಬ್ಯಾಟರೀ ಸದಾ ಭರ್ತಿಯಾಗಿರಲಿ,

ಶ್ರೀಕೃಷ್ಣನ ಸಾರಥ್ಯವಿದ್ದಂತೆ,

ಇಂಟರ್ನೆಟ್ ಸದಾ ಜೊತೆಯಿರಲಿ.

ಕರ್ಣನಿಗೆ ಕವಚಕುಂಡಲಗಳ ರಕ್ಷಣೆ ಇದ್ದಂತೆ

ವೈರಸ್, ಮಾಲ್‌ವೇರ್, ಸ್ಪೈವೇರ್ಗಳಿಂದ

ನಿನಗೆ ೨೪/೭ ರಕ್ಷಣೆ ಇರಲಿ

ಅಶ್ವತ್ತಾಮನ ಹಣೆಯ ಮಣಿಯಂತೆ

ಅತ್ಯಾಧುನಿಕ ಸಾಫ್ಟೇರ್‌ಗಳು ಹಾಗೂ ಅವುಗಳ ಲೈಸೆನ್ಸ್ಗಳು

ಸದಾ ತುದಿಬೆರಳಿನಲ್ಲಿರಲಿ.

ನಲ್ಮೆಯ ನನ್ನ ಎಲ್ಲಾ ಸನ್ ಮಿತ್ರರಿಗೂ

ಟೀಕಿಸುವ, ನಿಂದಿಸುವ ಹಾಗೂ ಶಪಿಸುವ

ಸಮ್ ಅದರ್‌ ಮಿತ್ರರಿಗೂ

ಸರ್ವರಿಗೂ

ಆಯುಧ ಪೂಜೆ ಹಾಗೂ

ವಿಜಯದಶಮಿಯ ಹಾರ್ದಿಕ ಶುಭಾಶಯಗಳು.

ಲೋದ್ಯಾಶಿ

ಕಾಮನ್ ವೆಲ್ತ್ ಗೇಮ್ಸು

2010-09-21T19:30:00.004+05:30

ಕಾಮನ್ ವೆಲ್ತ್ ಗೇಮ್ಸು
ಕಾಮನ್ ವೆಲ್ತ್ ಗೇಮ್ಸು
ಉಳಿದಿದೆ ಲೆಸ್ದ್ಯಾನ್ ಲೆವೆನ್ ಡೇಯ್ಸು

ಸಿದ್ದವಾಗಿಲ್ಲ ಎಲ್ಲಾ ಸ್ಟೇಡಿಯಮ್ಸು
ಪೂರೈಸಿಲ್ಲ ಫ್ಲೋರಿಂಗ್ಸು

ಸರ್ಯಾಗಿಲ್ಲ ಸೀಲಿಂಗ್ಸು

ನೆಟ್ಟಗೆ ನಿಲ್ತಿಲ್ಲ ಪಿಲ್ಲರ್ಸು

ದೊಪ್ಪನೆ ಬೀಳ್ತಿವೆ ಬ್ರಿಡ್ಜಸ್ಸು
ಕೆಳಗಿದ್ದವರ ಕೈಕಾಲ್ಗಳು ಬ್ರೇಕಿಂಗ್ಸು
ಆಮೇಲೇ ಆಸ್ಪತ್ರೆ ಸೇರ್ಸಿಂಗ್ಸು
ಹಣ ಪಡೆದವರಿಗಿದೆಯ ಇದರ ಪೀಲಿಂಗ್ಸು???

ಕಾಮನ್ ವೆಲ್ತ್ ಹಳ್ಳಿ
ಸಿದ್ದವಾಗಿದೆ(/ಲ್ಲ) ಡೆಲ್ಲಿ
ಅಲ್ಲಿ ತುಂಬಿದೆ ಫಿಲ್ತು
ಸುತ್ತ ಇಲ್ಲ ಚೂರು ಹೆಲ್ತು
ಎಲ್ಲಾ ಬರೀ ಫಾಲ್ತು ಫಾಲ್ತು

ಆಯೋಜಿಸಿದವರಿಗೆ ಮಾತ್ರ ಬಂದಿದೆ ವೆಲ್ತೋ ವೆಲ್ತು

Gmail Priority Inbox

2010-09-03T12:49:00.001+05:30

- The Gmail Team, sent me this personal email. ;)

Priority Inbox^Beta

Welcome to Priority Inbox! By automatically separating out your most important messages, Priority Inbox makes it easy for you to read and respond to the messages that matter.

Get through your email faster

Try reading and replying to the messages in the "Important and Unread" section first. Mark anything that requires follow-up with a star, then go through the "Everything Else" section. If you leave Priority Inbox, you can return to it by clicking the link next to Inbox on the side navigation of Gmail.

How it works

Gmail's servers look at several types of information to identify the email that's important to you, including who you email and chat with most, how often you email with these people, and which keywords appear frequently in the emails you read.

Train Priority Inbox

If Priority Inbox makes a mistake, you can use the buttons to correctly mark a conversation as important or not important, and Priority Inbox will quickly learn what you care about most.

And more...

Customize Priority Inbox: You can change what type of email you see in each section (like switching the "Important and Unread" section to just "Important"). Just click on the section headers or visit the Priority Inbox tab under Settings to customize.

Use filters to guarantee importance: If you want to be absolutely sure that some messages are always marked as important (like email from your boss), you can set up a filter and choose "Always mark it as important."

Search by importance: If you want to see all the messages that have been marked as important, both read and unread, do a Gmail search for "is:important."

Switching back to your old inbox: If Priority Inbox isn't for you, you can easily switch back to your normal inbox by clicking "Inbox" on the left or hide Priority Inbox altogether from Gmail Settings.

To learn more about managing your email with Priority Inbox, check out the Gmail Help Center.

- The Gmail Team

ಹಳ್ಳಿಯಾದರೇನು ಡಿಲ್ಲಿಯಾದರೇನು...

2010-08-29T16:58:00.001+05:30

ಮೂಲ ಪದ್ಯ
ಚಿತ್ರ : ಬೆಂಕಿಯ ಬಲೆ,
ಹಾಡಿದವರು: ಎಸ್‌ಪಿಬೀ.
ಸಂಗೀತ: ರಾಜನ್‌ ಮತ್ತು ನಾಗೇಂದ್ರ,
ಸಾಹಿತ್ಯ : ಉದಯಶಂಕರ್
(ಕ್ಷಮೆಇರಲಿ)
---------------------------------------------------------------

ಟಡಿನ್‌ಟಡಿನಟಾ... ..ಇ.. ಣ.. ನಿ.. ನಾ. .ನ.....ಣ....ಣಿ....ಟಾನಡಿಟನ್‌ಡಿಟ

ಹಳ್ಳಿಯಾದರೇನು$ ಡಿಲ್ಲಿಯಾದರೇನು$
ಹಳ್ಳಿಯಾದರೇನು$ ಡಿಲ್ಲಿಯಾದರೇನು$
ಜೊತೆಯಾಗಿ ಇಂದೂ$$$ ತ್ರೀಜೀ(3G) ಬರುತ್ತಿಲ್ಲವೇನು$$$
3G ಫೋನ್ ನನ್ನ ಜೀವಾ$$$ ಎಂದಿಗೂ$$
ಹಳ್ಳಿಯಾದರೇನು ಡಿಲ್ಲಿಯಾದರೇನೂ$$$
ಹಳ್ಳಿಯಾದರೇನು$$$$$$$$

ಟಡಿನ್‌ಟಡಿನಟಾ... ..ಇ.. ಣ.. ನಿ.. ನಾ. .ನ.....ಣ....ಣಿ....ಟಾನಡಿಟನ್‌ಡಿಟ

ಈಗಾ ಸಿಗ್ನಲ್‌ ಸಿಗುತ್ತಿಲ್ಲವೇನು$
ನೆಟ್‌ವರ್ಕ್‌ ಪ್ರಾಬ್ಲಮ್ ಇದೆಏನು$
ಈಗಾ$$ ಸಿಗ್ನಲ್‌ ಸಿಗುತ್ತಿಲ್ಲವೇನು$
ನೆಟ್‌ವರ್ಕ್‌ ಪ್ರಾಬ್ಲಮ್ ಇದೆಏನು$
ತ್ರೀಜೀ(3G) ಬಂದ ಮೇಲೆ ಎಲ್ಲಾಕಡೆಗೂ ಸ್ಪೀಡಾ(speed)ದ ಇಂಟರ್ನೆಟ್‌ ಸಿಗದೇ ಇರುವುದೇನೂ?$$$

ಟಡಿನ್‌ಟಡಿನಟಾ... ..ಇ.. ಣ.. ನಿ..

ಟೂಜೀ ಸ್ಕ್ಯಾಮ್‌(scam) ಆಗಿದ್ದರೇನು$
ಸಿಡಬ್ಲೂಜಿ ಸ್ಕ್ಯಾಮ್‌ ಆದರೇನು$
ನಿನ್ನತ್ರ ದುಡ್ಡಿದ್ರೆ, 3Gಪೋನ್‌ ಕೊಂಡು(buy)ಕೊಂಡ್ರೆ
ವಿಡಿಯೋಕಾಲ್‌(videocall) ಮಾಡಬಹುದಲ್ಲವೇನು$$$
3ಜೀ ಇದ್ದರೇ
ಇಂಟರ್ನೆಟ್‌ ಟೀವೀ
ನೋಡಬಹುದಲ್ಲವೇನು!

ನ.....ಣ....ಣಿ....ಟಾನಡಿಟನ್‌ಡಿಟ

ಹಳ್ಳಿಯಾದರೇನು ಡಿಲ್ಲಿಯಾದರೇನೂ$$$$
ಹಳ್ಳಿಯಾದರೇನು$$$

ಟಡಿನ್‌ಟಡಿನಟಾ... ..ಇ.. ಣ.. ನಿ.. ನಾ. .ನ.....ಣ....ಣಿ....ಟಾನಡಿಟನ್‌ಡಿಟ

ಬಿಎಸ್‌ಎನ್‌ಎಲ್‌(BSNL) ಸಿಗದಿದ್ದರೇನು$
ಏರ್‌ಟೆಲ್‌ ಅಥವಾ ವೋಡಾಪೋನ್ ಸಿಗುತ್ತಲ್ಲವೇನು$
ಬಿಎಸ್‌ಎನ್‌ಎಲ್‌(BSNL) ಸಿಗದಿದ್ದರೇನು$
ಏರ್‌ಟೆಲ್‌ ಅಥವಾ ವೋಡಾಪೋನ್ ಸಿಗುತ್ತಲ್ಲವೇನು$
ಟಚ್‌ಸ್ಕ್ರೀನ್‌ಡಿವೈಸ್‌(Touchscreen Device) ಕೈನಲ್ಲಿದ್ದರೆ ಎಲ್ಲೆಂದರಲ್ಲಿ, ಈಸಿ(Easy)ಯಾಗಿ,
ಇಂಟರ್ನೆಟ್ ಬ್ರೌಸ್(browse) ಮಾಡಬಹುದು
ಬಿಡು ನೀನು ಚಿಂತೆಯನ್ನೂ$$$

ಇ.. ಣ.. ನಿ.. ನಾ. .ನ.....ಣ....ಣಿ....ಉ..ಣ...ನಿ...ಡ..ಟ..ಪ..ಮ.. ಇ.. ಣ.. ನಿ.. ನಾ.

ಯಾರೇನೇ ಅಂದರೇನು, ಯಾವೂರೇ(any village) ಆದರೇನು$
ಗ್ರಾಮೀಣಭಾಗದಲ್ಲೂ ನೆಟ್‌ವರ್ಕ್‌ ಸಿಗುತ್ತೆ ಎಂದು ಭರವಸೆಯ ನೀಡಿಲ್ಲವೇನೂ$$$
ಕೊರಗದೇ$ ಹೆದರದೇ$ 3ಜೀ ಟಚ್‌ಸ್ಕ್ರೀನ್‌ ಫೋನ್‌ ಬಯ್(Buy)ಮಾಡು ನೀನು$$$

ಹಳ್ಳಿಯಾದರೇನು ಡಿಲ್ಲಿಯಾದರೇನು
ಹಳ್ಳಿಯಾದರೇನು ಡಿಲ್ಲಿಯಾದರೇನು$$$$$$$$$$$

-----------------------------------------
ಸಿಡಬ್ಲೂಜಿ = CWG=Common Wealth Games
ಟೂಜೀ = 2G = 2G Spectrum
ಟಚ್‌ಸ್ಕ್ರೀನ್‌ = Touch screen
ಇಂಟರ್ನೆಟ್‌ ಟೀವೀ = Internet TV
---------------------------------------

-ಲೋದ್ಯಾಶಿ

ಮುಗ್ಗರಿಸಿದ ಮುಂಗಾರು

2010-08-17T22:34:00.003+05:30

ಈ ಕೃಷ್ಣಪ್ಪ ಅವರ ನಿರ್ಮಾಣದ ಮೊದಲ ಹಾಗೂ ಯೋಗರಾಜ್‌ ಭಟ್ಟರ ನಿರ್ದೇಶನದ ಮೂರನೇ ಚಿತ್ರ ಮುಂಗಾರುಮಳೆ. ಚಿತ್ರಕ್ಕೆ ಈ ಹೆಸರನ್ನು ಸೂಚಿಸಿದ್ದೇ ಈ ಕೃಷ್ಣಪ್ಪನವರು. ಯಾಕೆ ಈ ಹೆಸರು ಕೊಟ್ಟಿದ್ದು ಎಂಬುದನ್ನೂ ಈ ರೀತಿ ವಿವರಿಸುತ್ತಾರೆ. "ಮುಂಗಾರು ಮಳೆ ಸಾಮನ್ಯವಾಗಿ ನಮ್ಮ ರೈತರಿಗೆ ಯಾವತ್ತೂ ಕೈಕೊಡಲ್ಲ. ಚಿತ್ರದಲ್ಲಿಯೂ ಸಹ ಮಳೆಯ ಸನ್ನಿವೇಶಗಳು ಸಾಕಷ್ಟಿವೆ. ಆದುದರಿಂದ ಈ ಚಿತ್ರಕ್ಕೆ ಮುಂಗಾಳುಮಳೆ ಅಂತಾನೇ ಹೆಸರಿಡೋಣ. ಚಿತ್ರವೂ ಗೆಲ್ಲುತ್ತದೆ ಎಂಬ ಭರವಸೆ ಇದೆ". ಅವರ ಆಶಯದಂತೆ ಚಿತ್ರವು ಗೆದ್ದು ಕನ್ನಡಚಿತ್ರರಂಗದಲ್ಲಿಯೇ ದಾಖಲೆಯನ್ನು ಸೃಷ್ಟಿಸಿದ್ದು ನಮಗೆಲ್ಲಾ ತಿಳಿದೇ ಇದೆ.

ಈ ಕೃಷ್ಣಪ್ಪರವರ ಎರಡನೇ ಚಿತ್ರ ಮೊಗ್ಗಿನಮನಸ್ಸು. ಯುವ ನಿರ್ದೇಶಕ ಶಶಾಂಕ್‌ ನಿರ್ದೇಶನದ ಈ ಚಿತ್ರವೂ ನಿರ್ಮಾಪಕರ ಜೇಬು ತುಂಬಿಸಿತು. ಈ ಎರಡು ಯಶಸ್ವೀ ಚಿತ್ರಗಳ ನಂತರ ಈ ಕೃಷ್ಣಪ್ಪ ಅವರು ಮೂರನೇ ಕೊಡುಗೆ "ಮತ್ತೆಮುಂಗಾರು". ಚಿತ್ರದ ಹೆಸರು ಕೇಳಿದಾಗ, ಕೃಷ್ಣಪ್ಪನವರು ತಮ್ಮ ಮೊದಲಚಿತ್ರದ ಹೆಸರಿನ ಸೆಂಟಿಮೆಂಟ್‌ನಿಂದ ಪ್ರೇರೇಪಿತರಾಗಿ ಈ ಹೆಸರು ಸೂಚಿಸಿರಬಹುದೇ ಎನ್ನುವ ಅನುಮಾನ ಮೂಡಿತ್ತು.

ಈ ಚಿತ್ರದ ಕಥೆ ಮೊದಲೆರಡು ಚಿತ್ರಗಳ ಹಾಗೇ ಕೇವಲ ಕಥೆಯಲ್ಲ. ಒಬ್ಬ ಭಾರತೀಯ ಅದರಲ್ಲೂ ನಮ್ಮ ಕನ್ನಡಿಗ, ಹೆಸರು ನಾರಾಯಣ ಮಂಡಗದ್ದೆ, ಆಕಾಸ್ಮಾತ್‌ ಆಗಿ ಭಾರತದ ಗಡಿದಾಟಿ ಪಾಕಿಸ್ತಾನವನ್ನು ಸೇರಿಬಿಡುತ್ತಾರೆ. ಆಮೇಲೆ ಅವರು ತಿಳಿಯದೇ ಮಾಡಿದ ತಪ್ಪಿಗೆ 21 ವರ್ಷ ಪಾಕಿಸ್ತಾನದ ಕತ್ತಲ ಜೈಲಿನಲ್ಲಿ ಶಿಕ್ಷೆ ಅನುಭವಿಸುತ್ತಾರೆ. ಅನೇಕ ವರ್ಷಗಳ ನಂತರ ಬಿಡುಗಡೆಯಾಗಿ ಮತ್ತೆ ತಮ್ಮ ತಾಯ್ನಾಡಿಗೆ ಹಿಂದಿರುಗುತ್ತಾರೆ. ಅವರು ಕಳಕೊಂಡಿದ್ದ ಸ್ವತಂತ್ರ ಜೀವನವನ್ನು ಮತ್ತೆ ಕಂಡುಕೊಳ್ಳುತ್ತಾರೆ.

ಇಂತಹ ಒಂದು ಶುಷ್ಕಕಥೆಯನ್ನು ಒಂದು ಚಿತ್ರಕಥೆಯಾಗಿ ಎಣೆದು, ಪರದೆಯ ಮೇಲೆ ತಂದು ಚಿತ್ರವನ್ನು ವೀಕ್ಷಿಸುವ ಪ್ಪ್ರೇಕ್ಷಕನಿಗೆ ಎರಡೂವರೆ ಗಂಟೆ ಎಲ್ಲೂ ಬೋರಾಗದಂತೆ ಒಂದು ಚಿತ್ರವನ್ನು ನಿರ್ಮಿಸುವುದು ಅಷ್ಟು ಸುಲಭದ ಮಾತಲ್ಲ. ಕಾರ್ಗಿಲ್‌ ಯುದ್ದವಾದ ಮೇಲೆ ಅದರ ಆಧಾರದ ಮೇಲೆ ಕಥೆಯನ್ನು ಎಣೆದು ನಾಲ್ಕಾರು ಭಾಷೆಗಳಲ್ಲಿ ನಾಲ್ಕಾರು ಚಿತ್ರಗಳು ಬಂದವು. ಹಿಂದಿಯ ಮಿಷನ್ ಕಾಶ್ಮೀರ್, ಕನ್ನಡದ ಸೈನಿಕ ಹೀಗೆ ಪ್ರಯತ್ನಗಳು ನಡೆದಿದ್ದವು. ಅದೇ ರೀತಿ ಹೆಮ್ಮೆಯ ಸ್ವತಂತ್ರ ಹೋರಾಟಗಾರ ಭರತ್‌ಸಿಂಗ್ ಅವರ ಬಗ್ಗೆಯೂ ಕೆಲವು ಚಿತ್ರಗಳು ತೆರೆಕಂಡಿದ್ದವು. ಆದರೆ ಇಂತಹ ನೈಜಘಟನೆಗಳನ್ನ ಆಧರಿಸಿ ಬಂದ ಚಿತ್ರಗಳು ಅಷ್ಟು ಯಶನ್ನುಗಳಿಸದೇ ಹೋದವು.

ಈಗ ತೆರೆಕಂಡಿರುವ ಮತ್ತೆಮುಂಗಾರು ಚಿತ್ರವೂ ನಿರಾಶಾದಾಯಕವಾಗಿ ಸಾಗಿದೆ ಎಂದು ಕೇಳಿದಾಗ ಏಕೋ ಬೇಸರವಾಯಿತು.
ಇಂತಹ ಚಿತ್ರಗಳನ್ನು ನಿರ್ಮಿಸಲು ಚಿತ್ರತಂಡದವರು ಪ್ರೇಕ್ಷಕರನ್ನು ಸೆಳೆದಿಟ್ಟುಕೊಳ್ಳುವಂತಹ ಅಂಶಗಳನ್ನೂ ಸಹ ಸಾಕಷ್ಟು ಪ್ರಮಾಣದಲ್ಲಿ ಬೆರೆಸದೇ ಹೋದರೇ, ಚಿತ್ರ ಗೆಲ್ಲುವುದು ಕಷ್ಟಸಾಧ್ಯ ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು. ಉದಾಹರಣೆಗೆ "ಟೈಟಾನಿಕ್‌" ಚಿತ್ರ. ಎಷ್ಟು ಶುಷ್ಕಕಥೆಯದು? ಆದರೆ ಚಿತ್ರವನ್ನು ನೋಡುವಾಗ ಎಲ್ಲಿಯೂ ಬೋರ್ ಹೊಡೆಸದಂತೆ, ಮಸಾಲೆ ಅಂಶಗಳನ್ನೂ ಸೇರಿಸಿಕೊಂಡಿದ್ದರಿಂದ ಚಿತ್ರ ದಾಖಲೆಯ ಪ್ರಮಾಣದಲ್ಲಿ ಯಶಸ್ಸುಗಳಿಸಿತ್ತು. ಇಂತಹ ಉದಾಹರಣೆಗಳನ್ನು ಗಮನದಲ್ಲಿಟ್ಟು ಕೊಂಡಾದರೂ ನಮ್ಮ ಕನ್ನಡ ನಿರ್ದೇಶಕರು ಮುಂದಿನ ಬಾರಿ ಮತ್ತೊಂದು ಪ್ರಯತ್ನವನ್ನು ಮಾಡಿ ಯಶನ್ನು ಗಳಿಸಲಿ ಎಂದು ಆಶಿಸೋಣ.

ನಂಬಿದರೆ ನಂಬಿ ಬಿಟ್ಟರೇ ಬಿಡಿ.

1. ನಾರಾಯಣ ಮಂಡಗದ್ದೆಯವರು ಎಷ್ಟು ವರ್ಷಗಳು ಪಾಕಿಸ್ತಾನ ಜೈಲಿನಲ್ಲಿ ಶಿಕ್ಷೆ ಅನುಭವಿಸಿದರು?
ಮೊನ್ನೆ ಚಿತ್ರದ ಬಿಡುಗಡೆಯ ದಿನ, ಸ್ವತಃ ನಾರಾಯಣರವರೇ ನೇರಪ್ರಸಾರ ಕಾರ್ಯಕ್ರಮದಲ್ಲಿ ಮಾತಾಡ್ತಾ ಇದ್ದರು. ಆಗ ಇವರು 21 ವರ್ಷ ಜೈಲಿನಲ್ಲಿದ್ದೆ ಎಂದು ಹೇಳಿದ್ದನ್ನು ಕೇಳಿದ ನೆನಪಿತ್ತು. ಆದರೂ ನಿನ್ನೆಯ ವಿ.ಕ ಲವಲವಿಕೆಯಲ್ಲಿ ಬಂದಿದ್ದ ಲೇಖನವನ್ನೊಮ್ಮೆ ಓದಿ ಮಾಹಿತಿಯನ್ನು ಗಟ್ಟಿಮಾಡಿಕೊಳ್ಳೋಣದೆಂದು ನೋಡಿದಾಗ ಆಶ್ಚರ್ಯೊಂದು ಕಾದಿತ್ತು.
ಮಹೇಶ್ ದೇವಶೆಟ್ಟಿ ಹಾಗೂ ಎ. ಆರ್, ರಘುರಾಮ್ ಎಂದು ಇಬ್ಬರು ಪ್ರತ್ಯೇಕವಾಗಿ ಇದೇ ವಿಷಯವಾಗಿ ಒಂದೇ ಪುಟದಲ್ಲಿ ಅದೂ ಅಕ್ಕಪಕ್ಕದಲ್ಲಿ ಪ್ರಕಟಿಸಿರುವ ಈ ಲೇಖನದ ಚಿತ್ರವನ್ನು ಗಮನಿಸಿ.

ಗಮನಿಸಿದಿರಾ? ಒಬ್ಬರು 15 ವರ್ಷ ಜೈಲು ಶಿಕ್ಷೆ ಮತ್ತೊಬ್ಬರು 21 ವರ್ಷ ಜೈಲು ಶಿಕ್ಷೆ ಅಂತ ಬರ್ದಿದ್ದಾರೆ. ಎಡಗಡೆಯ ಮಾಹಿತಿ ಮಹೇಶ್ ದೇವಶೆಟ್ಟಿಯವರದು, ಎಡಗಡೆಯದು ಎ,ಆರ್,ರಘುರಾಮ್‌ಅವರದು...ಪೂರ್ತಿ ಲೇಖನವನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್‌ ಮಾಡಿ. ಈಗ ಇದರಲ್ಲಿ ಯಾವುದು ಸರಿ, ನೀವೇ ಹೇಳಿ.

2. ಇನ್ನೂ ಒಂದು ವಿಷಯವಿದೆ. ನೇರಪ್ರಸಾರ ಕಾರ್ಯಕ್ರಮದಲ್ಲಿ ಸ್ವತಃ ನಾರಾಯಣ ಮಂಡಗದ್ದೆಯವರು ಮಾತಾಡುತ್ತಿರುವಾಗ, ತಾವನುಭವಿಸಿದ ಕಹಿ ಘಟನೆಗಳ ಬಗ್ಗೆ ವಿವರಿಸಿದರು. ಕಡೆಗೆ ಕಾರ್ಯಕ್ರಮದ ಸಂದರ್ಶಕರು ನೀವು ಚಿತ್ರದ ನಾಯಕ ನಟ ಕಿಟ್ಟಿಯವರನ್ನು ನೇರವಾಗಿ ಭೇಟಿಯಾಗಿದ್ದೀರ? ಎಂದು ಪ್ರಶ್ನಿಸಿದರು. ಆಗ ನಾರಾಯಣ್‌ ಅವರು, ಇಲ್ಲ ಇನ್ನೂ ನೇರವಾಗಿ ಭೇಟಿಯಾಗಿಲ್ಲ. ಆದರೆ ಇವತ್ತು ಚಿತ್ರದ ಮೊದಲ ಪ್ರದರ್ಶನವನ್ನು ವೀಕ್ಷಿಸಲು ಅವರೂ ಬರುತ್ತಿದ್ದಾರೆ. ಆಗ ಅವರನ್ನೂ ಭೇಟಿಯಾಗುತ್ತಿದ್ದೇನೆ. ಎಂದು ಉತ್ತರಿಸಿದ್ದರು. ಆದರೆ ಇದೇ ಮೇಲಿನ ಎ.ಆರ್, ರಘುರಾಮ್‌ರವರು ಲವಲವಿಕೆಯ ಆರನೇ ಪುಟದಲ್ಲಿ ಏನೆಂದು ಬರೆದಿದ್ದಾರೆ ಎಂದು ಕೆಳಗಿನ ಚಿತ್ರದಲ್ಲಿ ನೀವೇ ವೀಕ್ಷಿಸಿ.

ಪೂರ್ಣ ಮಾಹಿತಿಗೆ ಇಲ್ಲಿ ಕ್ಲಿಕ್ಕಿಸಿ. ಇದಕ್ಕೇನೇಳ್ತೀರಿ? ಕೇವಲ 10 ದಿನಗಳ ಹಿಂದೆ ನೇರಪ್ರಸಾರ ಕಾರ್ಯಕ್ರಮದಲ್ಲಿ ಸ್ವತಃ ನಾರಾಯಣ್‌ ಅವರೇ ತಿಳಿಸಿದ್ದರು, ನಾನಿನ್ನೂ ಕಿಟ್ಟಿಯವರನ್ನು ಭೇಟಿಯಾಗಿಲ್ಲ ಎಂದು, ಆದರೆ ಇಲ್ಲಿ ನೋಡಿದರೆ, ಒಂದು ವರ್ಷದ ಭಾರೀ ಆತ್ಮೀಯತೆ ಅಂತೆಲ್ಲಾ ಬರ್ದಿದ್ದಾರೆ. ಯಾವ್ದ್ ಸರಿ, ಯಾವ್ದ್ ತಪ್ಪು?

ನಿಮ್ಮ ಅನಿಸಿಕೆಯನ್ನು ಕಾಮೆಂಟ್‌ ಮೂಲಕ ತಿಳಿಸಬಹುದು.

ಮೇಲಿನ ಈ ಎರಡು ಗೊಂದಲಗಳನ್ನು ಪಕ್ಕಕ್ಕಿಡೋಣ. ಇಂತಹ ವಿಭಿನ್ನ ಪ್ರಯತ್ನದ ಚಿತ್ರಗಳಿಗೆ ನಾವು ಪ್ರೋತ್ಸಾಹಿಸಬೇಕಾಗಿದೆ. ಈಗಲೂ ಸಮಯಮೀರಿಲ್ಲ, ಹೋಗಿ, ಚಿತ್ರವನ್ನು ವೀಕ್ಷಿಸಿಬನ್ನಿ, ಚಿತ್ರತಂಡಕ್ಕೆ ಪ್ರೋತ್ಸಾಹಿಸಿ.

ಹಾಲಿವುಡ್ To ಬಳ್ಳಾರಿದುಡ್

2010-08-15T18:25:00.000+05:30

"ಪೋಗೋ ಕನ್ನಡ ಡಬ್ಬಿಂಗು ಹೋಗೋ" ಪೋಸ್ಟ್ ನ ಮುಂದುವರಿದ ಭಾಗ.

ಡಬ್ಬಿಂಗ್‌ಗೆ ಕನ್ನಡದಲ್ಲಿ ಅವಕಾಶ ಕೊಡುವುದಕ್ಕೆ ಅನಿವಾರ್ಯತೆ ಎದುರಾಗಿದೆ. ಈ ಅನಿವಾರ್ಯತೆಗೆ ಪ್ರಮುಖ ಕಾರಣಗಳೇನಿರಬಹುದು ಎಂದು ಅವಲೋಕಿಸಿದಾಗ ನಮಗೆ ಎದುರಾದ ಕೆಲವು ಆಂಶಗಳು ಈ ರೀತಿ ಇವೆ.

1. ಮನರಂಜನೆಯ ಬಹುದೊಡ್ಡ ಸೋರ್ಸ್ ಎಂದರೆ ಚಿತ್ರರಂಗ ಹಾಗೂ ಕಿರುತೆರೆ.
2. ಈ ಮಾದ್ಯಮಗಳ ಕಾರ್ಯಕ್ರಮಗಳಲ್ಲಿ ಗುಣಮಟ್ಟವನ್ನು ಕಾಯ್ದುಕೊಳ್ಳುವುದು ನಮ್ಮೆಲ್ಲರ ಹೊಣೆ.
3. ಆದರೆ ಆ ನಿಟ್ಟಿನಲ್ಲಿ ಈಗ ನಾವು ಹಿಂದೆ ಬಿದ್ದಿದ್ದೇವೆ.
3. ಇಂದು ಹಳ್ಳಿ ಹಳ್ಳಿಗಳಲ್ಲಿ ತೆಲುಗು, ತಮಿಳು, ಹಿಂದಿ, ಆಂಗ್ಲ ಚಿತ್ರಗಳು ಜನಪ್ರಿಯತೆ ಗಳಿಸುತ್ತಿವೆ.
4. ಕನ್ನಡದ ಕಂಪು ಹರಡ ಬೇಕಿದ್ದ ಕಡೆಗಳಲ್ಲಿ ಇಂದು ಅನ್ಯಭಾಷೆಗಳು ಆವರಿಸಿಕೊಳ್ಳುತ್ತಿವೆ.
5. ಈ ಪರಿಸ್ಥಿತಿ ಹೀಗೇ ಮುಂದುವರೆದರೆ ಕನ್ನಡ ಒಂದು ಸೀಮಿತಭಾಷೆಯಾಗಲಿದ್ದು ಬರಬರುತ್ತಾ ಅವನತಿ ಮಾರ್ಗಹಿಡಿಯುತ್ತಿದೆ.
6. ಅನ್ನಕೊಡುವ ಭಾಷೆಯಾಗದ ಹೊರತು ಕನ್ನಡಕ್ಕೆ ಉಳಿಗಾಲವಿಲ್ಲ.
7. ಮಕ್ಕಳಲ್ಲಿ ಮಾತೃ ಭಾಷೆಯ ಮೇಲಿನ ಪ್ರೀತಿ, ಗೌರವ, ಉತ್ಸಾಹವನ್ನು ಉಳಿಸಿ ಅದು ನಮ್ಮ ಮುಂದೆ ಪೀಳಿಗೆಗೆ ಪ್ರಸಾರವಾಗುವಂತೆ ನಾವು ಕ್ರಮಗಳನ್ನು ರೂಪಿಸಬೇಕಿದೆ.
8. ಹಳ್ಳಿಹಳ್ಳಿಗಳಲ್ಲಿರುವ ಪ್ರತಿ ಕನ್ನಡಿಗರಿಗೆ ಮನರಂಜನೆ, ವಿಜ್ಞಾನ ತಂತ್ರಜ್ಞಾನವನ್ನು ತಮ್ಮ ಮಾತೃಭಾಷೆಯಲ್ಲಿಯೇ ತಲುಪಿಸಬೇಕು.
9. ಕನ್ನಡಭಾಷೆಯಲ್ಲಿ ಎಲ್ಲವೂ ಸಾಧ್ಯ ಎಂಬುದನ್ನು ನಿರೂಪಿಸಿ ತೋರಿಸಬೇಕು.
10. ಇದೆಲ್ಲಕ್ಕೆ ಈಗ ಬಹುಮುಖ್ಯವಾಗಿ ಕೂಡಲೇ ತೆಗೆದುಕೊಳ್ಳಬೇಕಾಗಿರುವ ಕ್ರಮವೆಂದರೆ, ಅನ್ಯಭಾಷೆಯಲ್ಲಿ ಪ್ರಸಾರವಾಗುವ ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮಗಳನ್ನು ಹಾಗೂ ಉತ್ತಮ ಗುಣಮಟ್ಟದ ಚಲನಚಿತ್ರಗಳನ್ನು ಕನ್ನಡಕ್ಕೆ ಡಬ್‌ಮಾಡಲು ಅವಕಾಶ ನೀಡಬೇಕು.

ಹೌದು, ಕನ್ನಡ ಭಾಷೆಯ ವ್ಯಾಪ್ತಿಯ ಪರದಿಯನ್ನು ನಾವು ಹಿಗ್ಗಿಸಬೇಕಿದೆ. ಕಾಲಕ್ಕೆ ತಕ್ಕಂತೆ, ತಂತ್ರಜ್ಞಾನದ ಸದುಪಯೋಗ ಪಡೆದುಕೊಂಡು ನಮ್ಮ ಜೀವನಮಟ್ಟವನ್ನು ಸುಧಾರಿಸಿಕೊಳ್ಳಬೇಕಿದೆ. ಇಲ್ಲದೇ ಹೋದರೇ ಡಾರ್ವಿನ್‌ನ ವಿಕಾಸವಾದದ ಸಿದ್ದಾಂತದಂತೆ ಬಲಿಷ್ಟ ಹಾಗೂ ದುರ್ಬಲರ ಮಧ್ಯೆ ಸಂಘರ್ಷವಾಗಿ ಕಡೆಗೆ ದುರ್ಬಲವಾದದು ಕಾಲದ ವೇಗಕ್ಕೆ ಪ್ರತಿಸ್ಪರ್ದಿಸಲಾಗದೆ ಇತಿಹಾಸವನ್ನು ಸೇರಬೇಕಾಗುತ್ತದೆ.

1. ಸುಮಾರು ಹದಿನೈದು ವರ್ಷಗಳ ಹಿಂದಿನ ಪರಿಸ್ಥಿತಿ ಹೇಗಿತ್ತು ಎಂದು ಮೆಲುಕು ಹಾಕೋಣ.
ಹಳ್ಳಿಗಳಲ್ಲಿ ಜನರು ಒಂದು ಟೆಲಿಪೋನ್‌ ಕನೆಕ್ಷನ್‌ ಬೇಕೆಂದು ಆಸೆಪಟ್ಟರೆ ಆಗ ಅದಕ್ಕೊಂದು ಅಪ್ಲಿಕೇಶನ್ ಭರ್ತಿ ಮಾಡಿ ಕೊಡಬೇಕಿತ್ತು. ಅಪ್ಲಿಕೇಶನ್ ಭರ್ತಿಮಾಡಿ ಮುಂಗಡವಾಗಿ ಹಣಪಾವತಿಸಿ ಅದನ್ನು ಸೂಕ್ತ ಅಧಿಕಾರಿಯ ಕೈಗೆ ಸಲ್ಲಿಸಿದ ನಂತರ, ಅದು ಕಛೇರಿಯ ಅನೇಕ ಟೇಬಲ್‌ಗಳನ್ನು ಹತ್ತಿ ಇಳಿಯ ಬೇಕಿತ್ತು. ಈ ಹತ್ತಿ ಇಳಿಯುವ ಹಾವು ಏಣಿ ಆಟದಲ್ಲಿ ಅನೇಕ ಬಾರಿ ಅಪ್ಲಿಕೇಶನ್ ಕಳೆದೇ ಹೋಗಿರುತ್ತಿತ್ತು. ಅಧಿಕಾರಿಗಳು ಒಂದು ಭಾರ ತಪ್ಪಿತು ಎಂಬಂತೆ ಅದನ್ನು ಮರೆತು ಆಯಾಗಿರುತ್ತಿದ್ದರು. ಆಮೇಲೆ ಮೂರ್ನಾಲ್ಕು ತಿಂಗಳು ಕಾದು ಕಾದೂ ...ಏನೂ ಬೆಳವಣಿಗೆ ಕಂಡುಬರದ ಕಾರಣ ಆ ಹಳ್ಳಿಯಿಂದ ಬಂದ ವ್ಯಕ್ತಿ ತನ್ನ ಅಪ್ಲಿಕೇಶನ್ ಈಗ ಏನಾಗಿದೆ ಎಂದು ಪ್ರಶ್ನಿಸಿದನೆಂದರೆ ಆಗ ಅಧಿಕಾರಿಗಳು ನಾಲ್ಕು ನಿಮಿಷ ತಲೆಕೆಡಿಸಿಕೊಂಡು, ಕಡೆಗೆ ಸ್ವಾಮೀ, ಇನ್ನೊಂದು ಅಪ್ಲಿಕೇಶನ್ ಭರ್ತಿಮಾಡಿಕೊಡಿ, ನೀವು ಸಲ್ಲಿಸಿದ್ದ ಅಪ್ಲಿಕೇಶನ್ ಎಲ್ಲೋ ಕಳೆದುಹೋಗಿದೆ ಎಂದು ಏನೂ ತಿಳಿಯದವರಂತೆ ಹಾರಿಕೆಯ ಉತ್ತರಕೊಟ್ಟು ಪಾರಾಗುತ್ತಿದ್ದರು. ಏನೂ ಪ್ರಶ್ನಿಸದೇ ಆ ಹಳ್ಳಿಗರು ಮತ್ತೊಮ್ಮೆ ಅಪ್ಲಿಕೇಶನ್ ಕೊಟ್ಟುಬರಬೇಕಿತ್ತು.

ಈ ಪ್ರಕ್ರಿಯೆ ಕನಿಷ್ಟ ಪಕ್ಷ ನಾಕ್ಕು ತಿಂಗಳಿಂದ ಒಂದು ವರ್ಷವಾದರೂ ಸಮಯ ತೆಗೆದುಕೊಂಡು ಕಡೆಗೊಮ್ಮೆ ಎಲ್ಲವೂ ಕೈಗೂಡಿ ಹಳ್ಳಿಗರ ಮನೆಗೆ ಟೆಲಿಪೋನ್‌ ಬರುತ್ತದೆ ಎಂದು ಇಟ್ಟುಕೊಳ್ಳಿ. ಈಗ ಮತ್ತೊಂದು ಸಮಸ್ಯೆ. ಅದೆಂದರೆ ಸ್ವಲ್ಪ ಹೆಚ್ಚುಗಾಳಿ ಬೀಸಿದರೆ ಸಾಕು ರಸ್ತೆಬದಿಯ ಯಾವುದೋ ಮರದ ಕೊಂಬೆ ಮುರಿದು ಟೆಲಿಪೋನ್‌ ತಂತಿಯ ಮೇಲೆ ಬಿದ್ದು ಎಲ್ಲವೂ ಅಸ್ತವ್ಯಸ್ತವಾಗುತ್ತದೆ. ಆಗ ಆ ವ್ಯಾಪ್ತಿಯಲ್ಲಿ ಬರುವ ಹಳ್ಳಿಗಳ ಟೆಲಿಪೋನ್‌ಗಳೆಲ್ಲವೂ ಸತ್ತುಬೀಳುತ್ತವೆ. ನಂತರ ಅನೇಕ ಬಾರಿ ಟೆಲಿಪೋನ್ ಎಕ್ಸ್‌ಚೇಂಜ್ ಆಫೀಸ್‌ಗೆ ಓಡಾಡಿದ ಬಳಿಕ ಒಂದು ತಿಂಗಳೊಳಗಾಗಿ ಸರಿ ಪಡಿಸುತ್ತೇವೆ ಎನ್ನುವ ಭರವಸೆ ಸಿಕ್ಕುತ್ತದೆ. ಅದಾದ ಎರಡು ತಿಂಗಳಲ್ಲಿ ಮತ್ತೆ ಪೋನ್‌ ಚಲಾವಣೆಯಲ್ಲಿ ಬರುತ್ತದೆ. ಅಷ್ಟರಲ್ಲಿ ಮತ್ತೆ ಗಾಳಿ ಮಳೆ ಏನಾದರೂ ತೊಂದರೆ ಕೊಟ್ಟರೆ ಮತ್ತದೆ ಸತ್ತು ಬಿದ್ದ ಪೋನ್‌, ಸರಿ ಪಡಿಸುತ್ತಿದ್ದೇವೆ ಎನ್ನುವ ಅಧಿಕಾರಿಯ ಭರವಸೆಯ ಮೇಲೆಯೇ ಜನ ಕಾಯುತ್ತಿರಬೇಕಿತ್ತು.

ಇನ್ನು ರೇಡಿಯೋ ಬೇಕೆನಿಸಿದರೆ ತಟ್ಟನೇ ತರಬಹುದಿತ್ತು. ಆದರೆ ಅದರಲ್ಲಿ ಮಾತೃಭಾಷೆಯಲ್ಲಿ ಬರುವ ಕಾರ್ಯಕ್ರಮಗಳು ಸೀಮಿತವಾಗಿದ್ದವು .

ಇನ್ನು ಟೆಲಿವಿಷನ್ ಬಗ್ಗೆ ಹೇಳಬೇಂಕೆಂದರೆ, ಸರ್ಕಾರದ ಡಿಡಿ1 ಬಿಟ್ಟರೆ ಬೇರೆ ಚಾನಲ್‌ ಇರುತ್ತಿರಲಿಲ್ಲ. ಅಂದಿನ ಕಾಲದಲ್ಲಿ ನಮ್ಮ ಹಳ್ಳಿಗರಿಗೆ ಬಾಹ್ಯಪ್ರಪಂಚದ ಆಗುಹೋಗುಗಳ ಬಗ್ಗೆ ಒಂದು ಭರವಸೆಯ ಮಾದ್ಯಮವೊಂದಿದ್ದರೆ ಅದು ಕೇವಲ ದಿನಪತ್ರಿಕೆಗಳು ಮಾತ್ರ ಆಗಿದ್ದವು.

ಇದೆಲ್ಲಾ ಯಾಕೆ ಹೇಳಬೇಕಾಗಿದೆ ಎಂದರೆ ಅಂದಿನಕಾಲದಲ್ಲಿ ಹಳ್ಳಿಜನರ ಬಗ್ಗೆ ಎಷ್ಟು ನಿರ್ಲಕ್ಷೆವಿತ್ತು ಎಂಬುದನ್ನು ನಾವು ಮನಗಾಣಬೇಕಾಗಿದೆ. ಅವರು ಕೂಲಿಕೆಲಸಕ್ಕೆ ಹಾಗೂ ಕೃಷಿಗೆ ಬಿಟ್ಟು ಬೇರೇ ಯಾವುದಕ್ಕೂ ನಾಲಾಯಕ್ಕು ಎನ್ನುವಂತೆ ಅಲಿಖಿತ ಶಾಸನಗಳು ಜಾರಿಯಲ್ಲಿದ್ದವು.
ಹಳ್ಳಿಜನಕ್ಕೆ ವಿದ್ಯುತ್‌ ಇಲ್ಲದಿದ್ದರೇನೆಂತೆ?
ಟೀವಿ, ರೇಡಿಯೋ ಇಲ್ಲದಿದ್ದರೇನಂತೆ?
ಟೆಲಿಪೋನ್‌ ಯಾವ ಕೆಲಸಕ್ಕೆ?
ಹೊಲದಲ್ಲಿ ದುಡಿಯುವ ಅವಿಧ್ಯಾವಂತರಾದ ಅವರಿಗೆ ಇಷ್ಟೆಲ್ಲಾ ಸವಲತ್ತುಗಳ ಅವಶ್ಯಕತೆ ಏನಿದೆ?
ಈ ಸವಲತ್ತುಗಳನ್ನು ಪಡೆದು ಅವರು ಏನನ್ನು ಸಾಧಿಸಬೇಕಾಗಿದೆ??
ಎನ್ನುವಂತಹ ಪರಿಸ್ತಿತಿ ದಟ್ಟವಾಗಿತ್ತು. ಆಗಿನ ಹಳ್ಳಿಜನಗಳ ಮನೋಭಾವನೆಯೂ ಈ ನಿರ್ಲಕ್ಷೆಕ್ಕೆ ತಕ್ಕಂತೆಯೇ ಇದ್ದಿತು. ನಮ್ಮದೇನಿದ್ದರೂ ಇಷ್ಟೇ! ನಾವು ಪಡೆದುಕೊಂಡು ಬಂದದ್ದು ಇಷ್ಟೇ!
ಪಾಲಿಗೆ ಬಂದದ್ದನ್ನು ಅನುಭವಿಸಬೇಕು ಎಂಬಂತೆ, ಯಾವ ಮನರಂಜನೆಗೂ ಒತ್ತುನೀಡದೇ, ತಾವಾಯಿತು ತಮ್ಮ ಹೊಲದ ಕೆಲಸಗಳಾದವು ಎಂಬಂತೆ ಈ ಎಲ್ಲಾ ಸವಲತ್ತುಗಳಿಂದ ದೂರವಾಗತೊಡಗಿದರು.

2. ಈಗ ಪರಿಸ್ತಿತಿ ಏನಾಗಿದೆ???
ಈಗ ಟೆಲಿಪೋನ್‌ ಅಪ್ಲಿಕೇಶನ್ ಕೊಟ್ಟು ಬಂದು ತಿಂಗಳುಗಟ್ಟಲೇ ಕಾಯುವುದು ಅಥವಾ ಗಾಳಿ ಮಳೆಗೆ ಟೆಲಿಪೋನ್‌ ತಂತಿ ಕಟ್ಟಾಗಬಹುದು, ಪೋನ್ ಸಾಯಬಹುದು ಎಂಬ ಆತಂಕವೂ ಇಲ್ಲ. ಕೈಯಲ್ಲಿ ಸಾವಿರ ರೂಪಾಯಿ ಇದ್ದರೆ ಅರ್ಧಗಂಟೆಯಲ್ಲಿ ಕಾರ್ಯನಿರತ ಮೋಬೈಲ್ ಪೋನ್‌ ನಿನ್ನ ಕೈಸೇರುತ್ತದೆ. ಅದಕ್ಕೆ ಇನ್ನೋಂದಿಷ್ಟು ಜಾಸ್ತಿ ಹಣ ವ್ಯಯಿಸಿದರೆ ಮತ್ತಷ್ಟು ಅನುಕೂಲಕರ ಮೋಬೈಲ್ ಫೋನ್ ತೆಗೆದುಕೊಂಡು ಅದರಲ್ಲಿಯೇ ಹಾಡು ಕೇಳಬಹುದು, ವೀಡಿಯೋ ನೋಡಬಹುದು ಅಥವ ಆಟಗಳನ್ನು ಆಡಬಹುದು.

ಈಗ ಏಎಮ್ ರೇಡಿಯೋ ಅಲ್ಲದೇ, ಎಪ್‌ಎಮ್‌ ರೇಡಿಯೋಗಳು ಸಾಕಷ್ಟು ತಲೆಎತ್ತಿವೆ. ಎಂಟತ್ತು ಕನ್ನಡ ಎಪ್ಎಮ್‌ ಚಾನೆಲ್‌ಗಳಿವೆ. ಆದರೇ ಇವಿನ್ನೂ ಸಣ್ಣಪುಟ್ಟ ನಗರಗಳನ್ನು ಹಾಗೂ ಹಳ್ಳಿಗಳನ್ನು ತಲುಪಿಲ್ಲ.

ಈಗ ಟೆಲಿವಿಷನ್‌ನಲ್ಲಿ ಏನಾಗಿದೆ. ಕೆಲವೇ ವರ್ಷಗಳ ಹಿಂದೆ ಕೇವಲ ಮೇಲ್ವರ್ಗದ ಆಸ್ತಿ ಎಂಬಂತಿದ್ದ ಟೆಲಿವಿಷನ್ ಇಂದು ಮನೆಮನೆಗು ತಲುಪುತ್ತಿದೆ.ಅಲ್ಲದೇ ಕೇವಲ ಡಿಡಿ1, ಚಂದನ, ಉದಯ, ಉಷೆ ಎಂದು ಎರಡು ಅಥವಾ ಮೂರು ಚಾನೆಲ್ ಮಾತ್ರ ಪ್ರಸಾರವಾಗುತ್ತಿದ್ದ ಕಾಲ ಈಗ ಮಾಯವಾಗಿದೆ. ಈ ಟೀವೀ, ಟೀವೀ9, ಝೀಟೀವೀ, ಕನ್ನಡ ಕಸ್ತೂರಿ, ಸುವರ್ಣ ಹಾಗೂ ತೀರ ಇತ್ತೀಚಿನ ಸಮಯ ಹೀಗೇ ಹತ್ತಾರು ಕನ್ನಡ ಟೀವೀ ಚಾನೆಲ್‌ಗಳು ಈಗ ಪ್ರಸಾರವಾಗುತ್ತಿವೆ. ಸದ್ಯಕ್ಕೆ ಅಡ್ವರ್ಟೈಸ್ ಪ್ರಕಟಿಸುವವರಿಗೇ ಸಮಸ್ಯೆ ಎದುರಾಗಿದೆ. ಜನ ಯಾವ ಚಾನೆಲ್ನಲ್ಲಿ ಅಡ್ವರ್ಟೈಸ್ ಬರುತ್ತೋ ಆಗ ತಕ್ಷಣ ಮತ್ತೊಂದು ಚಾನೆಲ್‌ಗೆ ಸ್ವಿಚ್ ಮಾಡುತ್ತಾರೆ. ಕೇವಲ ಎರಡು ನಿಮಿಷದ ಬಿಡುವಿಗೂ ಸಹ ನಮ್ಮ ವೀಕ್ಷಕರು ಸಿದ್ದರಿಲ್ಲ.

ಈಗ ಡಿಟಿಎಚ್ ಮೂಲಕ ನೇರಉಪಪಗ್ರಹ ಸಂಪರ್ಕ ಸಾದ್ಯವಾಗಿರುವುದರಿಂದ ಮತ್ತಷ್ಟು ಹೆಚ್ಚಿನ ಚಾನೆಲ್‌ಗಳೂ ಲಭ್ಯ. ಅದೂ ಉತ್ತಮ ಕ್ಷಾಲಿಟಿಯದ್ದು. ಇಷ್ಟಲ್ಲದೇ ಇಂಟರ್ನೆಟ್ ಇನ್ನೂ ಏನೇನು ಕ್ರಾಂತಿ ಮಾಡಲಿದೆಯೋ? ತಿಳಿಯದು.

ತಂತ್ರಜ್ಞಾನದಲ್ಲಿ ಇಷ್ಟೆಲ್ಲಾ ಕ್ರಾಂತಿಗಳಾದ ಮೇಲೆ ನಮ್ಮ ಜನಜೀವನವೂ ಬದಲಾವಣೆಯಾಗದೇ ಉಳಿದಿರಲು ಹೇಗೆ ಸಾದ್ಯ? ನೀವೇ ಹೇಳಿ. ಮನರಂಜನೆಗೆ ಇಷ್ಟೆಲ್ಲಾ ಅವಕಾಶಗಳಿರುವಾಗ, ದುಡಿಮೆಯ ಕಡೆಗೆ ತಲೆಕೆಡಿಸಿಕೊಳ್ಳುವವರೂ ಕಡಿಮೆಯಾದರು..

ಮೊದಲೆಲ್ಲಾ ಅಂದಾಜು ಬೆಳಗ್ಗೆ 9 ರಿಂದ ಸಂಜೆ 5.30 ರ ತನಕ ಯಾವ ಬಿಡುವಿಲ್ಲದೆ ಮೈಬಗ್ಗಿಸಿ ದುಡಿಯುತ್ತಿದ್ದ ದಿನಗೂಲಿಗಳು ಇಂದು ತುಂಬಾ ಸ್ಮಾರ್ಟ್ ಆಗಿರುವವರಂತೆ ವರ್ತಿಸುತ್ತಾರೆ. ಬೆಳಗ್ಗೆ 9.30 ರಿಂದ ಮದ್ಯಾಹ್ನ 1 ಗಂಟೆ ಅಷ್ಟೇ ಅವರ ಕೆಲಸದ ವೇಳೆ. ಅಲ್ಲಿಗೆ ಆ ದಿನದ ಕೆಲಸ ಮುಗಿಯಿತು. ಇದು ಪ್ರತೀದಿನ ಅಲ್ಲ. ವಾರಕ್ಕೆ ಮೂರು ದಿನ ಮಾತ್ರ ಕೆಲಸ. ಉಳಿದ ದಿನಗಳಲ್ಲಿ ಇಷ್ಟೂ ಕೆಲಸ ಮಾಡುವುದಿಲ್ಲ.

2.1 ಮತ್ತೆ ಏನ್ಮಾಡ್ತಾರೆ?
ಮನರಂಜನೆ. ಉದಾಹರಣೆಗೆ ಟೀವೀ ನೋಡುವುದು, ಇಸ್ಪೀಟ್ ಆಡುವುದು, ಪಿಕ್ಚರ್ ನೋಡುವುದು. ಕಡೆಗೆ ಏನಿಲ್ಲವೆಂದರೆ ಗುಂಪುಕಟ್ಟಿಕೊಂಡು ಸಮಯದೂಡುತ್ತಾರೆ. ಅದೂ ದಿನಾ ತಡರಾತ್ರಿಯವರೆಗೆ. .

ಇಷ್ಟೆಲ್ಲದರ ನಡುವೆ ಇಂಟರ್ನೆಟ್ ಮಾಡಿರುವ ಕ್ರಾಂತಿ ಹೇಳತೀರದು. ಒಬ್ಬ ಕೂಲಿ ಕಾರ್ಮಿಕನೂ ಸಹ ಅಂತರ್ಜಾಲದ ಮೂಲಕ ಮುಂಬೈ ಶೇರುಮಾರುಕಟ್ಟೆಯ ಬೆಳವಣಿಗೆಗಳನ್ನು ತಿಳಿದುಕೊಳ್ಳಲು ಉತ್ಸಕನಾಗುತ್ತಾನೆಂದರೆ ನೀವೂ ನಂಬಲೇ ಬೇಕು.

ಈ ಅನುಕೂಲಗಳ ಮದ್ಯೆ ಮತ್ತೊಂದು ಅನುಕೂಲವೇನೆಂದರೆ ಈ ಬಡಜನರಿಗೆ ಈಗ ಬಿಪಿಓ ಕಾರ್ಡ್, ಯಶಸ್ವಿಸಿ ಕಾರ್ಡ್‌ ಮುಂತಾದ ಸರ್ಕಾರೀ ಸವಲತ್ತುಗಳು ಸಿಗುವುದರಿಂದ ಆಸ್ಪತ್ರೆಯ ಖರ್ಚೂ ಇಲ್ಲ, ಪಡಿತರ ಚೀಟಿ ಇರುವುದರಿಂದ ದಿನಬಳಕೆಯ ಅನೇಕ ವಸ್ತುಗಳು ತೀರಾ ಕಡಿಮೆಬೆಲೆಗೆ ಲಭ್ಯ. ಅಲ್ಲದೇ ದಿನಗೂಲಿಯೂ ಹೆಚ್ಚಾಗಿದೆ.

3 ತಾತ್ಪರ್ಯವೇನೆಂದರೆ,

ವಿಜ್ಞಾನ ಹಾಗೂ ತಂತ್ರಜ್ಞಾನದ ದೂರಸಂಪರ್ಕ ವಿಭಾಗದ ಈ ಕ್ರಾಂತಿಗಳು, ಮನುಷ್ಯನ ಜೀವನಶೈಲಿಗೆ ಹಿಂದೆಂದಿಗಿಂತಲೂ ಅಧಿಕ ವೇಗವನ್ನು ಒದಗಿಸಿವೆ. ಅಂತರ್ಜಾಲದಲ್ಲಿ ಮಾಹಿತಿಯು ಕ್ಷಣಮಾತ್ರದಲ್ಲಿ ಪ್ರಪಂಚದ ಮೂಲೆಮೂಲೆಯನ್ನು ತಲುಪುತ್ತದೆ. ಅಂತರ್ಜಾಲದ ಸೋಷಿಯಲ್‌ ನೆಟ್‌ವರ್ಕ್‌ಗಳ ಮೂಲಕ ಇಂದಿನ ಯುವಪೀಳಿಗೆ ತನ್ನ ಬಾಳಸಂಗಾತಿಯನ್ನು ಆಯ್ಕೆಮಾಡಿಕೊಳ್ಳಬಲ್ಲಂತಹ ಉದಾಹರಣೆಗಳು ನಮ್ಮ ಮುಂದಿವೆ. ದಶಕಗಳ ಹಿಂದೆ ಬೇರ್ಪಟ್ಟಿದ್ದ ತಂದೆ-ಮಕ್ಕಳು ಪೇಸ್ಬುಕ್‌ ಮೂಲಕ ಮತ್ತೆ ಒಂದಾದ ಉದಾಹರಣೆಗಳು ಸಿಗುತ್ತವೆ.

ಈಗ ನಮ್ಮ ಹಳ್ಳಿಜನರು ಸಹ ಬದಲಾಗುತ್ತಿದ್ದಾರೆ. ಅವರು ಈ ಹಿಂದಿನಂತಿಲ್ಲ. ಮನರಂಜನೆಗೆ ಹೆಚ್ಚಿನ ಮಹತ್ವ ನೀಡಲಾರಂಬಿಸಿದ್ದಾರೆ. ಆದುದರಿಂದ ಅವರಿಗೆ ನಮ್ಮ ಮಾತೃ ಭಾಷೆಯ ಟೀವೀ ಕಾರ್ಯಕ್ರಮಗಳು, ಚಲನಚಿತ್ರಗಳು ಸಾಲದಾಗಿದೆ. ತಮಿಳು, ತೆಲುಗು, ಹಿಂದಿ, ಇಂಗ್ಲೀಷ್ ಎಲ್ಲವೂ ಬೇಕಿದೆ. ಇಲ್ಲಿ ಮಾತೃ ಭಾಷೆ ಅವರಿಗೆ ಮತ್ತೊಂದು ನೆಪ ಮಾತ್ರ. ಅವರಿಗೆ ಮನರಂಜನೆಯೇ ಮುಖ್ಯ. ಅದು ಯಾವ ಭಾಷೆಯಾದರೇನಂತೆ. ಅದು ಅವರೀಗೂ ಬೇಕಿಲ್ಲ. ಬಿಡುವಿಲ್ಲದೇ ಟೀವೀ ವೀಕ್ಷಿಸುವವರಿಗೆ ತಮಿಳು, ತೆಲುಗು ಹಿಂದಿ, ಇಂಗ್ಲೀಷ್ ಅರ್ಥಮಾಡಿಕೊಳ್ಳುವುದೂ ಅಸಾದ್ಯವೇನಲ್ಲ ಬಿಡಿ.

ಈಗ ಅವರಿಗೆ ಮುಖ್ಯವಾಗಿ ಬೇಕಿರುವುದು ಮಾತೃ ಭಾಷೆಯ ಕಾರ್ಯಕ್ರಮಗಳಲ್ಲ. ನಿರಂತರವಾಗಿ ಮನರಂಜನೆ ಒದಗಿಸಬಲ್ಲ ಹೆಚ್ಚೆಚ್ಚು ಟೀವೀ ಚಾನೆಲ್ಗಳು. ಹಾಗಾಗಿಯೇ ಜನ ಇಂಗ್ಲೀಷ್‌ನ ಅವತಾರ್ , ಅನಕೊಂಡ, ಜುರಾಸಿಕ್ಪಾರ್ಕ್, ಇತ್ಯಾದಿ ಚಿತ್ರಗಳನ್ನೂ ವೀಕ್ಷಿಸುತ್ತಾರೆ. ಅಷ್ಟೇ ಅಲ್ಲದೇ ಹಿಂದಿ, ತಮಿಳು, ತೆಲುಗು, ಮಲಯಾಳಂ ಚಿತ್ರಗಳನ್ನೂ ವೀಕ್ಷಿಸುತ್ತಾರೆ. ಇನ್ನೂ ಪೋಗೋ, ಕಾರ್ಟೂನ್‌ , ನ್ಯಾಶನಲ್ ಜಿಯೋ ಮುಂತಾದ ಚಾನಲ್‌ಗಳು ಸಿಕ್ಕರೆ ಅವನ್ನೂ ಅಲ್ಪ ಸ್ವಲ್ಪ ವೀಕ್ಷಿಸಿಯಾರು.

ಸುಮಾರು ಎರಡು ಸಾವಿರ ವರ್ಷಗಳ ಇತಿಹಾಸವಿರುವ ನಮ್ಮ ಮಾತೃಭಾಷೆಗೆ ಕೇವಲ ಕಳೆದ ಒಂದು ಶತಮಾನದ ಆರಂಬದಿಂದೀಚೆಗೆ ಬೆಳಕಿಗೆ ಬಂದಿರುವ ಟೀವೀ ಹಾಗೂ ಚಲನಚಿತ್ರಗಳಿಗೆ ಡಬ್ಬಿಂಗ್‌ ಅವಕಾಶ ನೀಡಲಿಲ್ಲ ಎಂದ ಮಾತ್ರಕ್ಕೆ, ನಮ್ಮ ಭಾಷೆ ನಾಶವಾಗಲಿದೆ ಎನ್ನುವಂತೆ ಆತಂಕ ವ್ಯಕ್ತಪಡಿಸುವವರು ಸ್ವಲ್ಪ ಧೈರ್ಯದಿಂದ ವರ್ತಿಸಬೇಕಾಗಿದೆ. ಭಾಷೆ ಅಷ್ಟು ಕ್ಷುಲ್ಲಕವೂ ಅಲ್ಲ, ಕ್ಷಣಿಕವೂ ಅಲ್ಲ.

ಇಂದು ಅಂತರ್ಜಾಲದಲ್ಲಿಯೂ ಭಾಷೆ ಬೆಳೆಯುತ್ತಿದೆ. ಮುಂದೆ ಅಂತರ್ಜಾಲವು ತನ್ನ ಪರದಿಯನ್ನು ಮತ್ತಷ್ಟು ವಿಸ್ತರಿಸುವುದು ಅಕ್ಷರಶಹ ನಿಜ. ಆಗ ಕನ್ನಡವೂ ಮತ್ತಷ್ಟು ಹೆಚ್ಚೆಚ್ಚು ಬೆಳಕಿಗೆ ಬರುವುದೂ ಸತ್ಯ. ಇಷ್ಟಲ್ಲದೇ ಸಾಕಷ್ಟು ಸಾಹಿತಿಗಳು ನಮ್ಮೆದುರಿಗೆ ಇದ್ದಾರೆ. ಅಪಾರ ಜ್ಞಾನಸಂಪತ್ತು ನಮ್ಮ ಭಾಷೆಯಲ್ಲಿದೆ. ತಂತ್ರಜ್ಞಾನ ಬೆಳೆದಂತೆ ಭಾಷೆಗಳಿಗೂ ಸಾಕಷ್ಟು ಅನುಕೂಲಗಳು ಬರಲಿವೆ.

ಇರಲಿ ಇಷ್ಟೆಲ್ಲಾ ಯಾಕೆ ಹೇಳುತ್ತಿದ್ದೇನೆ ಎಂದರೆ ಇಂದು ಎದ್ದಿರುವ ಡಬ್ಬಿಂಗ್‌ ವಿವಾದಕ್ಕೆ ಇವೆಲ್ಲವೂ ಪಾಲುದಾರರು.

ಏನೇ ಆಗಲಿ ನಮ್ಮ ಮಾತೃ ಭಾಷೆ ಅನ್ನಕೊಡುವ ಭಾಷೆಆಗಬೇಕು ಎನ್ನುವುದರಲ್ಲಿ ಎರಡು ಮಾತಿಲ್ಲ. ಹೌದು. ಆಗಾಗಬೇಕಾಗಿದೆ.

ನಮ್ಮ ಕೆಲವು ಸ್ನೇಹಿತರು ವಿವರಿಸುವಂತೆ ತಮಿಳು, ತೆಲುಗು ಮುಂತಾದ ರಾಜ್ಯಗಳಲ್ಲಿ ಅಥವಾ ಚೀನಾ, ಜಪಾನ್‌ ಇತ್ಯಾದಿ ದೇಶಗಳಲ್ಲಿ ಜನರು ಎಲ್ಲಾ ಕಾರ್ಯಕ್ರಮಗಳನ್ನೂ ಅವರದೇ ಮಾತೃಭಾಷೆಯಲ್ಲಿ ವೀಕ್ಷಿಸುತ್ತಿದ್ದಾರೆ. ಇದು ಕನ್ನಡಿಗರಿಗೆ ಏಕೆ ಸಾದ್ಯವಿಲ್ಲ? ಕನ್ನಡಕ್ಕೂ ಡಬ್ಬಿಂಗ್ ಬರಲಿ ಎಂದು ಮೊರೆಹೋಗಿದ್ದಾರೆ. ಇವರ ಕಾಳಜಿಯನ್ನು ನಾವು ಸ್ವಾಗತಿಸಲೇಬೇಕು. ಆದರೆ ಡಬ್ಬಿಂಗ್‌ಗೆ ಅವಕಾಶ ನೀಡದಿದ್ದರೆ, ನಮ್ಮ ಮಾತೃಭಾಷೆಯ ಅಸ್ಥಿತ್ವಕ್ಕೆ ದಕ್ಕೆಯುಂಟಾಗುತ್ತದೆ ಎಂದರೆ ಅದನ್ನು ಸ್ವೀಕರಿಸಲು ಸಾದ್ಯವಿಲ್ಲ. ಸ್ನೇಹಿತರೇ ನೀವೇ ಉತ್ತರಿಸಿ,

"ಅನ್ಯ ಭಾಷೆಯವರು ಪೋಗೋ, ಕಾರ್ಟೂನ್‌ ನೆಟ್‌ವರ್ಕ, ಡಿಸ್ಕವರಿ...ಇತ್ಯಾದಿ ಟೀವೀ ಕಾರ್ಯಕ್ರಮಗಳನ್ನ ಅಥವಾ ಅವತಾರ್, ಜು.ಪಾರ್ಕ್‌ನಂತಹ ಚಲನಚಿತ್ರಗಳನ್ನು ಬಾಲ್ಯದಲ್ಲಿ ತಮ್ಮ ಮಾತೃ ಭಾಷೆಯಲ್ಲಿಯೇ ವೀಕ್ಷಿಸಿದ್ದಾರೆ ಎಂಬುದನ್ನೇ ಮಾನದಂಡವಾಗಿಟ್ಟುಕೊಂಡು ಅವರಿಗೆ ಯಾರಾದರೂ ಯಾವುದಾದರೂ ಉದ್ದೆಯನ್ನು ನೀಡಲು ಮುಂದೆ ಬಂದಿದ್ದಾರೆಯೇ? ಅಥವಾ ಬರುತ್ತಿದ್ದಾರೆಯೇ?. ಅಥವಾ ಅಂತಹವರಿಗೇನಾದರೂ ವಿದ್ಯಾಬ್ಯಾಸದಲ್ಲಿ, ಉದ್ಯೋಗದಲ್ಲಿ ರಿಸರ್ವೇಶನ್‌ ಸಿಕ್ಕುತ್ತದೆಯೇ ? ಅಥವಾ ಆದಾಯ ತೆರಿಗೆಯಲ್ಲಿ ಡಿಸ್ಕೌಂಟ್‌ ಇದೆಯಾ?"

ಮತ್ತೊಮ್ಮೆ ನಮ್ಮ ಸ್ನೇಹಿತರು ಹೀಗೆ ವಿವರಿಸುತ್ತಾರೆ. ಈ ಮೇಲಿನ ಕೆಲವು ಚಿತ್ರಗಳನ್ನು ಡಬ್‌ ಮಾಡಿಯೇ ಅನ್ಯ ಭಾಷಿಕರೂ ಸಾಕಷ್ಟು ಹಣ ಗಳಿಸಿದ್ದಾರೆ ಎಂದು. ಆದುದರಿಂದ ಆರ್ಥಿಕವಾಗಿಯೂ ಕೂಡ ಡಬ್ಬಿಂಗ್‌ನಿಂದ ಲಾಭಗಳಿಸಬಹುದು ಎನ್ನುತ್ತಾರೆ.
ಲಾಭಗಳಿಸಕ್ಕೆ ಹಾಲಿವುಡ್ಡಿನ ಚಿತ್ರಗಳನ್ನು ಡಬ್‌ ಮಾಡಲು ಅವಕಾಶ ಕೊಡುವುದೇನೋ ಸೂಕ್ತವೇ. ಮತ್ತಷ್ಟು ಸಂಸಾರಗಳ ಜೀವನಾಂಶಕ್ಕೆ ಇದು ಆದಾಯಮೂಲವಾಗಬಹುದು. ಅಲ್ಲದೇ ಇದಕ್ಕೆ ಬೇಕಾದ ತಂತ್ರಜ್ಞರಿಗೂ ಕೆಲಸ ಒದಗಿಸದಂತಾಗುಹುದು. ಆಗ ಕನ್ನಡ ಅನ್ನ ಕೊಡುವ ಭಾಷೆಯಾಗಬೇಕು ಎನ್ನುವ ಉದ್ದೇಶವೂ ಕೈಗೂಡುತ್ತದೆ. ಹೌದು. ತುಂಬಾ ಒಳ್ಳೆಯ ಆಲೋಚನೆ. ಇದೊಂದು ಉತ್ತಮ ಅವಕಾಶವೇ ಸರಿ.

ಆದರೆ ನನ್ನದೊಂದು ಸಣ್ಣ ಅನುಮಾನ, ಈ ರೀತಿ ಮುಂದೆ ಅನುಕೂಲವಾಗಬಹುದು ಎಂದು ಡಬ್ಬಿಂಗ್‌ಗೆ ಅವಕಾಶಬೇಕು ಎಂದು ಒತ್ತಾಯಿಸುವರು, ಇದಾಗಲೇ ಸಾಕಷ್ಟು ಸಂಸಾರಗಳಿಗೆ ಅನ್ನ ನೀಡುತ್ತಿರುವ ಬಳ್ಳಾರಿ ಗಣಿಗಾರಿಕೆಯನ್ನು ಏಕೆ ಬೆಂಬಲಿಸಬಾರದು? ಅಥವಾ ಮುಂದೆ ಬೆಂಬಲಿಸುವರೇ? ನೋಡೀ . ಅಲ್ಲೂ ಸಹ ಬಹಳ ಜನಕ್ಕೆ ಅನ್ನ ಸಿಕ್ತಿದೆ. ಅವರಲ್ಲಿ ಕನ್ನಡಿಗರೂ ಇದ್ದಾರೆ. ಅವರ ಜೀವನಾದಾರಕ್ಕೆ ಮಾರ್ಗವಾಗಿದೆ ಈ ಗಣಿಗಾರಿಕೆ . ಈಗ ಇದ್ದಕ್ಕಿದ್ದಂತೆ ಗಣಿಗಾರಿಕೆ ನಿಲ್ಲಿಸಬೇಕು ಎಂದು ಒತ್ತಡಬರುತ್ತಿರುವ ಇದೇ ಸಂದರ್ಭದಲ್ಲಿ ಡಬ್ಬಿಂಗ್‌ ಪರವಾದಿಸುವವರು ಗಣಿಗಾರಿಕೆಗೆ ಏಕೆ ಸಪೋರ್ಟ್ ಮಾಡಬಾರದು? ಏಕೆ ಇನ್ನೂ ಸುಮ್ಮನಿದ್ದಾರೆ? ಈಗ ಅಲ್ಲಿ ಬೀದಿಗೆ ಬರಲಿರುವ ಸಂಸಾರಗಳ ಬಗ್ಗೆ ಇವರ ಅಭಿಪ್ರಾಯವೇನು? .

ನಮ್ಮ ಚಿತ್ರರಂಗ ಅಥವಾ ಟೀವೀ ಮಾದ್ಯಮದವರು ವಿದೇಶದ ಉತ್ಪನ್ನಗಳನ್ನ ಬಳಸಿಕೊಂಡು ಲಾಭಗಳಿಸಬಹುದಾದರೆ. ಇದೇ ನಮ್ಮ ಕರ್ನಾಟಕದಿಂದ ಕಚ್ಚಾವಸ್ತುವೊಂದನ್ನ ವಿದೇಶಕ್ಕೆ ರಫ್ತು ಮಾಡಲು ಸಂಪೂರ್ಣ ಸ್ವಾತಂತ್ರ ಇರಬೇಕಿತ್ತಲ್ಲವೇ? ಮತ್ಯಾಕೆ ಇಷ್ಟೆಲ್ಲಾ ವಿರೋದವಿದೆ. ನಾಳೇ ಡಬ್ಬಿಂಗ್‌ ನಿಷೇದಿಸಿ ಎಂದು ನೀವೇ ಪಾದಯಾತ್ರೆ ಹೊರಡಲ್ಲ ಅಂತ ನಿಮಗೆ ಖಾತ್ರಿ ಇದೆಯಾ?

ಈ ಹಿಂದಿನ ಪೋಸ್ಟ್‌ಗೆ ಒಬ್ಬ ಓದುಗರು ಈ ರೀತಿ ಪ್ರಶ್ನಿಸಿದ್ದರು, "ಹಾಲಿವುಡ್‌ನ ಹೀಮ್ಯಾನ್, ಸೂಪಾರ್‌ಮ್ಯಾನ್‌, ಸ್ಪೈಡರ್‌ಮ್ಯಾನ್‌ ಇಂತಹ ಚಿತ್ರಗಳನ್ನು ವೀಕ್ಷಿಸಿ, ನಮ್ಮ ಮಕ್ಕಳು ಅದೇ ರೀತಿ ಹೀರೋಗಳಾಗಬೇಕೆಂದು ಬಯಸುತ್ತಾರೆ. ಆದರೆ ಈಗ ಅಂತಹ ಚಿತ್ರಗಳು ಕನ್ನಡದಲ್ಲಿ ಲಭ್ಯವಿಲ್ಲ, ಇದರಿಂದ ನಮ್ಮ ಮಕ್ಕಳು ವಂಚಿತರಾಗುತ್ತಿದ್ದಾರೆ. ನಾವೇನು ಮಾಡಬೇಕು?"
ಮಾನ್ಯರೇ ನಿಮ್ಮ ಮಕ್ಕಳು ಅಂತಹ ಹೀರೋಗಳಾದರೆ ನಮಗೂ ಸಂತೋಷವೇ. ಆದರೆ ಒಂದು ಮಾತು ತಿಳಿಸಲಿಚ್ಚಿಸುತ್ತೇನೆ. ಅಂತಹ ಸ್ಟಂಟ್‌ಗಳನ್ನು ಚಿತ್ರೀಕರಿಸುವ ಮುನ್ನ ಅವರು ಸಾಕಷ್ಟು ಪೂರ್ವಸಿದ್ದತೆಗಳನ್ನು ಮಾಡಿಕೊಂಡಿರುತ್ತಾರೆ, ಅಲ್ಲದೇ ಅದಕ್ಕೆಂದೇ ಇರುವ ವಿಶೇಷ ಸಾಹಸಿಗರ ತಂಡದಿಂದ ಟ್ರೈನಿಂಗ್‌ ತೆಗೆದುಕೊಂಡಿರುತ್ತಾರೆ. ಈ ಎಲ್ಲಾ ಸಿದ್ದತೆಗಳ ನಂತರವೂ ಅನೇಕ ಬಾರಿ ನಟರು ಪ್ರಾಣಾಂತಿಕ ಅಪಾಯಗಳನ್ನುಎದುರಿಸಿದ್ದಿದೆ. ಆದುದರಿಂದ ನಿಮ್ಮ ಮಕ್ಕಳಿಗೆ ಇಂತಹ ಚಿತ್ರಗಳನ್ನು ತೋರಿಸುವ ಮುನ್ನ ಅವರಿಗೆ ಮನವರಿಕೆ ಮಾಡಿಕೊಡಬೇಕಾದದ್ದು ನಿಮ್ಮ ಕರ್ತವ್ಯ. ನೀವೇ ಅವರಿಗೆ ಹುರಿದುಂಬಿಸುವವರಂತೆ ಕಾಣುತ್ತಿದೆ. ಸ್ವಲ್ಪ ಹುಷಾರು. ಮುಂಜಾಗೃತಕ್ರಮಗಳ ಕಡೆಗೂ ಹೆಚ್ಚರವಹಿಸಿ.

ಸಾರಾಂಶವೇನೆಂದರೆ,
1. ಡಬ್ಬಿಂಗ್‌ಗೆ ಅವಕಾಶಕೊಟ್ಟರೆ ನಮ್ಮ ಸಂಸ್ಕೃತಿಗೆ ದಕ್ಕೆ ಬರುತ್ತೆ ಹಾಗೂ
2. ಡಬ್ಬಿಂಗ್‌ ಇಲ್ಲವಾದರೆ ನಮ್ಮ ಭಾಷೆ ಅವನತಿಯಾಗುತ್ತದೆ
ಮೇಲಿನ ಎರಡೂ ಹೇಳಿಕೆಗಳು ಸಹ ಅವಾಸ್ತವ.

ಕಡೆಯದಾಗಿ ಮತ್ತೊಮ್ಮೆ ಸ್ಪಷ್ಟಪಡಿಸುತ್ತೇನೆ. ಕನ್ನಡಕ್ಕೆ ಡಬ್ಬಿಂಗ್‌ ಪರವಾಗಿ ಅಥವಾ ವಿರೋದವಾಗಿ ವಾದಮಾಡಲಿಕ್ಕೆಂದು ಈ ಲೇಖನವನ್ನು ಪ್ರಕಟಿಸಿದ್ದಲ್ಲ. ಇದು ಕೇವಲ ಒಂದು ವಿಶ್ಲೇಷಣೆ. ಆದರೂ ಈ ಲೇಖನವೂ ಓದುಗರ ಕಾಮೆಂಟ್‌ಗಳನ್ನು ಸ್ವಾಗತಿಸುತ್ತದೆ.

ಚಿತ್ರಗಳು ಅಂತರ್ಜಾಲ ಕೃಪೆ.

ಪೋಗೋ ಕನ್ನಡ ಡಬ್ಬಿಂಗು ಹೋಗೋ

2010-08-11T01:37:00.000+05:30

ಕನ್ನಡಕ್ಕೆ ಡಬ್ಬಿಂಗು ಬರಲಿ ಎನ್ನುವುದು ಅಂತರ್ಜಾಲದಲ್ಲಿ ಚರ್ಚೆಗಳನ್ನು ಹುಟ್ಟುಹಾಕಿದೆ. ಅಲ್ಲಿ ಇಲ್ಲಿ ಚರ್ಚೆಗಳು ನಡೆಯುತ್ತಿವೆ. ಗ್ರಾಹಕರಲ್ಲಿ ಅನೇಕರು ಡಬ್ಬಿಂಗ್ ಪರವಾಗಿದ್ದಾರೆ. ಆದರೆ ಚಿತ್ರರಂಗದಲ್ಲೆ ಅನೇಕ ತಂತ್ರಜ್ಞರಿಂದ ಇದಕ್ಕೆ ವಿರೋಧ ವ್ಯಕ್ತವಾಗಿದೆ, ಆಗುತ್ತಿದೆ.

ಈ ಕೆಳಗಿನ ಪ್ಯಾರಾದಲ್ಲಿ ಡಬ್ಬಿಂಗ್‌ ಹಾಗೂ ರೀಮೇಕ್‌ ಚಿತ್ರಗಳಿಗಿರುವ ವ್ಯತ್ಯಾಸವನ್ನು ವಿವರಿಸಲಾಗಿದೆ. ಆದುದರಿಂದ ಇದು ಈಗಾಗಲೇ ನಿಮಗೆ ತಿಳಿದಿದ್ದರೆ ಈ ಪ್ಯಾರಾವನ್ನೂ ಹಾರಿಸಿ, ಮುಂದಿನ ಪ್ಯಾರಾದಿಂದ ಮುಂದುವರಿಸಿ.
ಮೊದಲಿಗೆ ಡಬ್ಬಿಂಗ್ ಎಂದರೇ...ಅನ್ಯಭಾಷೆಯ ಒಂದು ದೃಶ್ಯಾವಳಿಗೆ ತಮ್ಮದೇ ಭಾಷೆಯನ್ನು ಅಳವಡಿಸುವುದು. ಆದರೆ ಮೂಲ ದೃಶ್ಯದ ಕಥೆಯಾಗಲಿ ಅಥವಾ ಪಾತ್ರಗಳಾಗಲಿ ಯಾವುದೂ ಬದಲಾಗುವುದಿಲ್ಲ. ಉದಾಹರಣೆಗೆ ಒಂದು ಆಂಗ್ಲ ಭಾಷೆಯ ಚಿತ್ರದ ಪಾತ್ರಗಳು ಸಂಪೂರ್ಣ ಕನ್ನಡದಲ್ಲಿಯೇ ಮಾತಾಡುತ್ತಿರುವಂತೆ ಕೇವಲ ಧ್ವನಿಯನ್ನು ಅಳವಡಿಸಲಾಗುತ್ತದೆ. ಮೂಲ ಕಥೆಗೆ ತಕ್ಕಂತೆ ಸಂಭಾಷಣೆಯನ್ನೂ ಸಹ ನಮ್ಮ ಭಾಷೆಗೆ ಅನುವಾಧಿಸಲಾಗಿರುತ್ತದೆ. ರೀಮೇಕ್‌ ಹಾಗೂ ಡಬ್ಬಿಂಗ್‌ ನಡುವೆ ಇರುವ ವ್ಯತ್ಯಾಸ ಎಂದರೆ ರೀಮೇಕ್‌ ಚಿತ್ರದಲ್ಲಿ ಸಂಪೂರ್ಣ ಚಿತ್ರವನ್ನು ಮರುಸೃಷ್ಟಿಸಲಾಗುತ್ತದೆ. ಕೇವಲ ಕಥೆ (ಕೆಲವೊಮ್ಮೆ ಸಂಗೀತ ಹಾಗೂ ಸಾಹಿತ್ಯ)ಮಾತ್ರ ಮೂಲಚಿತ್ರದಿಂದ ಪಡೆದುಕೊಂಡು ನಂತರ, ಪಾತ್ರಗಳು, ಸಂಭಾಷಣೆ, ಚಿತ್ರೀಕರಣದ ಸ್ಥಳ, ಭಾಷೆ, ಹೀಗೇ ಎಲ್ಲವನ್ನೂ ಹೊಸದಾಗಿ ಆಯಾ ನೇಟಿವಿಟಿಗೆ ತಕ್ಕಂತೆ ಮರು ನಿರ್ಮಿಸಬೇಕಾಗುತ್ತದೆ ಅಥವಾ ಶೂಟಿಸಬೇಕಾಗುತ್ತದೆ. ಆದರೆ ಡಬ್ಬಿಂಗ್‌ನಲ್ಲಿ ಇಷ್ಟೆಲ್ಲಾ ರಗಳೆ ಇಲ್ಲ. ಕೇವಲ ಸಂಭಾಷಣೆಯನ್ನು ಅನುವಾಧಿಸಿ ಅದನ್ನು ಮೂಲ ಚಿತ್ರಕ್ಕೆ ಅಳವಡಿಸಿದರೆ ಆಯಿತು.

ಈಗ ಕೆಲವು ಕನ್ನಡಪರ ಆಸಕ್ತಿಯುಳ್ಳವರು ಕನ್ನಡ ಡಬ್ಬಿಂಗ್‌ ಬೇಕೇ ಬೇಕು ಎಂದು ಒತ್ತಾಸೆಯನ್ನು ಮುಂದಿಟ್ಟಿದ್ದಾರೆ. ಇದಕ್ಕೆ ಇವರು ಮುಂದಿಡುತ್ತಿರುವ ಕೆಲವು ಮುಖ್ಯ ಕಾರಣಗಳು ಈ ರೀತಿ ಬರುತ್ತವೆ.

<<
1. ಬೆಂಗಳೂರಿನ ಇಂಗ್ಲಿಷ್ ಮೀಡಿಯಂ ವಾತಾವರಣದಲ್ಲಿ ಬೆಳೆಯೋ ಮಕ್ಕಳಿಗೆ ಪೊಗೊ, ಕಾರ್ಟೂನ್ ನೆಟವರ್ಕ್, ಡಿಸ್ನಿ ಚಾನಲ್ ನಲ್ಲಿ ಬರುವ ಕಾರ್ಟೂನ್ ಕಾರ್ಯಕ್ರಮವನ್ನು ಇಂಗ್ಲಿಷ್ ಅಲ್ಲಿ ನೋಡಿ ಆನಂದಿಸಬಹುದು. ಆದರೆ ಅದೇ, ಕರ್ನಾಟಕದ ಚಿಕ್ಕ ಚಿಕ್ಕ ಊರಲ್ಲಿರುವ ಕನ್ನಡದ ಕಂದಮ್ಮಗಳು ಮಾತ್ರ ಅರ್ಥ ಆಗದೇ ಇದ್ರೂ ಇಂಗ್ಲಿಷ್, ಹಿಂದಿಯಲ್ಲೇ ನೋಡಬೇಕು.
.
.
.
.
2.೯೦೦ ಕೋಟಿಯ ಅವತಾರ್ ಸಿನೆಮಾ ಕನ್ನಡದಲ್ಲಿ ಮಾಡಲು ಎಂದಿಗಾದರೂ ಸಾಧ್ಯವೇ? ಹಾಗಿದ್ದಾಗ ಅದನ್ನು ನೋಡಬೇಕು ಅನ್ನುವ ಕನ್ನಡಿಗರು ಪರ ಭಾಷೆಯಲ್ಲೇ ನೋಡುತ್ತಾರೆ. ಅಲ್ಲಿಗೆ ಕನ್ನಡ ಎಲ್ಲೂ ಸಲ್ಲದ ನುಡಿಯಾಗಿ ಉಳಿಯುತ್ತಿದೆ. ನಮಗೆ ನಮ್ಮ ಉದ್ಯಮವೂ ಬೇಕು, ನಮ್ಮ ಭಾಷೆಯೂ ಬೇಕು.
.
.
.

3.ನನ್ನ ಮಕ್ಕಳು ಕನ್ನಡದಲ್ಲಿ ಕಾರ್ಟೂನ್ ಕಾರ್ಯಕ್ರಮಗಳು, ವಿಜ್ಞಾನ ಮತ್ತು ತಂತ್ರಜ್ಞಾನವನ್ನು ಬಿಂಬಿಸುವ ಕಾರ್ಯಕ್ರಮಗಳನ್ನು ಕಾರ್ಟೂನ್ ನೆಟ್ವರ್ಕ್,ಡಿಸ್ಕವರಿ ವಾಹಿನಿಗಳಲ್ಲಿ ನೋಡಬಯಸಿದರೆ, ಅದು ಕನ್ನಡದಲ್ಲಿಲದ ಕಾರಣ ಇಂಗ್ಲಿಷ್ ನಲ್ಲಿಯೇ ನೋಡಬೇಕಿರುವ ಅನಿವಾರ್ಯತೆ ಇವತ್ತಿನ ಮಟ್ಟಿಗೆ ಇದೆ.
>>

ಈಗ ಈ ಹೇಳಿಕೆಗಳನ್ನು ಸ್ವಲ್ಪ ವಿಮರ್ಶಿಸೊಣ.
ಇಂದು ನಮ್ಮ ಕರ್ನಾಟಕದಲ್ಲಿ ಆಂಗ್ಲಭಾಷೆಯ ಬೆಳವಣಿಗೆ ಎಷ್ಟು ವೇಗದಲ್ಲಿದೆ ಎಂದರೆ ಮೇಲೆ ತಿಳಿಸಿರುವ ಪೋಗೋ, ಕಾರ್ಟೂನ್‌ ನೆಟ್‌ವರ್ಕ್‌ ಚಾನೆಲ್‌ಗಳು ಅಥವಾ ಅವತಾರ್, ಜುರಾಸಿಕ್‌ ಪಾರ್ಕ್‌ ನಂತಹ ಚಲನಚಿತ್ರಗಳು ನಮ್ಮ ಗ್ರಾಮೀಣ ಪ್ರದೇಶದ ಚಿಕ್ಕ ಚಿಕ್ಕ ಊರುಗಳಲ್ಲಿರುವ ಮಕ್ಕಳನ್ನು ತಲುಪಲು ಇನ್ನೂ ಕೆಲವು ವರ್‍ಷಗಳು ಬೇಕಾಗಬಹುದು. ಆದರೆ ಈಗಾಗಲೇ ಎಲ್ಲಾಕಡೆ ಆಂಗ್ಲಮಾದ್ಯಮದ ಶಾಲೆಗಳು ತಲೆಯೆತ್ತಿವೆ. ಹಾಗಾಗಿ ಇಂತಹ ಕಾರ್ಯಕ್ರಮಗಳನ್ನು ವೀಕ್ಷಿಸುವಲ್ಲಿ ಈ ಮಕ್ಕಳಿಗೆ ಖಂಡಿತ ಕೇವಲ ಭಾಷೆ ಅಡ್ಡಿಪಡಿಸುವುದಿಲ್ಲ. ಬದಲಾಗಿ ಈ ಮಕ್ಕಳ ಭಾಷಾಜ್ಞಾನವನ್ನು ಮತ್ತಷ್ಟು ಉನ್ನತಗೊಳಿಸುತ್ತದೆ. ಇನ್ನು ಯುವಕರು ಅಥವಾ ಮುದುಕರ ವಿಷಯವನ್ನು ಮೇಲಿನ ಕನ್ನಡಪರ ಹೋರಾಟಗಾರರು ತಲೆಕೆಡಿಸಿಕೊಂಡಿಲ್ಲ. ಸೋ, ಅದರ ಬಗ್ಗೆ ಚರ್ಚೆ ನಮಗೂ ಬೇಡ.

ಇಷ್ಟು ಹೇಳಿ ಮುಗಿಸಿದರೆ ಸಾಕಾಗುವುದಿಲ್ಲ. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ವಿಮರ್ಶಿಸೋಣ. ಏನೆಂದರೆ ಈಗ ನಮ್ಮ ಮಕ್ಕಳಿಗೆ ಆಂಗ್ಲಭಾಷೆಯ ಗಂಧಗಾಳಿಯೂ ಇಲ್ಲ. ಎಂದು ಭಾವಿಸಿಕೊಳ್ಳೋಣ. ಆಗಲೂ ಹೇಗೇ ಕನ್ನಡ ಡಬ್ಬಿಂಗ್‌ ಅನಿವಾರ್ಯವಲ್ಲ ಎಂಬುದನ್ನು ಈಗ ನೋಡೋಣ.

ಪೋಗೋ ಚಾನೆಲ್‌ಅನ್ನೇ ಉದಾಹರಣೆಗೆ ತೆಗೆದು ಕೊಳ್ಳೋಣ. ಇಲ್ಲಿ ಭಿತ್ತರಿಸುವ ಒಂದು ಬಹು ಜನಪ್ರಿಯ ಕಾರ್ಯಕ್ರಮ ಮಿ. ಬೀನ್. ಈ ಕಾರ್ಯಕ್ರಮ ಹೇಗಿದೆ ಎಂದರೆ ಹಿಂದಿನ ದಶಕದಲ್ಲಿ ಬಹು ಜನಪ್ರಿಯವಾಗಿದ್ದ ಚಾರ್ಲಿಚಾಂಪ್ಲಿನ್ ಕಾರ್ಯಕ್ರಮದ ಹಾಗೇ ಇದೆ. ಎರಡರಲ್ಲೂ ಹಾಸ್ಯವೇ ಪ್ರಧಾನ. ಹಾಗೂ ಎರಡೂ ಮೂಖಚಿತ್ರಗಳು. ಇಲ್ಲಿ ಕಥಾನಾಯಕನು ಮಾತಾಡದೇ ಕೇವಲ ನಟನೆಯಿಂದಷ್ಟೇ ವೀಕ್ಷಕರನ್ನು ಮನರಂಜಿಸುತ್ತಾನೆ.
ಸೋ, ಇಲ್ಲಿ ಆಂಗ್ಲವೂ ಇಲ್ಲ, ಹಿಂದಿಯೂ ಇಲ್ಲ. ಇನ್ನು ಕನ್ನಡಮಕ್ಕಳಿಗೆ ಅನ್ಯಾಯವಾಗುವ ಪ್ರಶ್ನೆಯೇ ಉದ್ಭವಿಸುವುದಿಲ್ಲ.

ಇದೇ ಚಾನೆಲ್‌ನಲ್ಲಿ ಬರುವ ಮತ್ತೊಂದು ಕಾರ್ಯಕ್ರಮವನ್ನು ಗಮನಿಸೋಣ. ಅದೆಂದರೆ ಟಾಮ್‌ ಅಂಡ್‌ ಜರ್ರಿ. ಓಹ್. ಈ ಕಾರ್ಯಕ್ರಮವಂತೂ ವ್ಯಯಕ್ತಿಕವಾಗಿ ನನಗೆ ಬಲು ಅಚ್ಚುಮೆಚ್ಚು. ಇಲ್ಲಿ ಕೂಡ ಅಷ್ಟೇ, ಇಲ್ಲಿ ಬರುವ ಪ್ರಮುಖ ಪಾತ್ರಗಳೇ ಎರಡು ಮೂಖ ಪ್ರಾಣಿಗಳು. ಒಂದು ಬೆಕ್ಕು ಮತ್ತೊಂದು ಇಲಿ. ಕಾರ್ಯಕ್ರಮದಲ್ಲೂ ಸಹ ಈ ಪಾತ್ರಗಳು ಮೂಖವೇ. ಇಲ್ಲಿ ಅವುಗಳ ನಡುವಿನ ಚಿನ್ನಾಟ, ಜಗಳ, ಕಿತ್ತಾಟವೇ ಕಥಾವಸ್ತು. ಅಪರೂಪಕ್ಕೊಮ್ಮೆ ಮನೆಯೊಡತಿಯ ಅರಚಾಟ ಕೇಳಬಹುದು. ಆದರೆ ಆಕೆಯ ಮಾತು ಸ್ಪಷ್ಟವಾಗಿ ಆಂಗ್ಲದಲ್ಲಿಯೂ ಇರುವುದಿಲ್ಲ. ಹಾಗಾಗಿ, ಇಲ್ಲಿಯೂ ಕನ್ನಡ ಡಬ್ಬಿಂಗ್‌ ಮಾಡುವ ಪ್ರಶ್ನೇಯೇ ಹೇಳುವುದಿಲ್ಲ.
ವಾಸ್ತವದಲ್ಲಿ ಈ ಮೇಲೆ ತಿಳಿಸಿದ ಎರಡೂ ಕಾರ್ಯಕ್ರಮಗಳನ್ನು ಕನ್ನಡಕ್ಕೆ ಡಬ್ಬಿಂಗ್‌ ಮಾಡುವುದಕ್ಕೆ ಅವಕಾಶವೂ ಇಲ್ಲ. ಏಕೆಂದರೆ ಭಾಷೆಯ ವಿಷಯದಲ್ಲಿ ಈ ಎರಡೂ ಕಾರ್ಯಕ್ರಮಗಳು ತಟಸ್ಥ.

ಈಗ ಪೋಗೋ ಚಾನಲ್‌ನಲ್ಲಿ ಪ್ರಸಾರವಾಗುವ ಮತ್ತೊಂದು ಜನಪ್ರಿಯ ಕಾರ್ಯಕ್ರಮವನ್ನು ವಿಮರ್ಶಿಸೋಣ. ಅಲ್ಲಿ ಬರುವ ಕೆಲವು ಮನರಂಜನಾತ್ಮಕ ಆಟಗಳು. ವ್ಹಾವ್. ಈ ಆಟಗಳನ್ನು ನೋಡಿದರೇ ನಮ್ಮ ದೇವೇಗೌಡರ ಮುಖದಲ್ಲಿಯೂ ನಗು ಚಿಮ್ಮಬಹುದು. ಏಕೆಂದರೆ ಈ ಆಟಗಳ ಪರಿಕಲ್ಪನೆಯೇ ಆ ರೀತಿ ಇದೆ. ಈ ಆಟದಲ್ಲಿಯೂ ಸಹ ಎಲ್ಲಿಯೂ ಭಾಷೆಯು ನಮಗೆ ಅಡ್ಡಿಯಾಗಲು ಸಾಧ್ಯವೇ ಇಲ್ಲ.

ಇನ್ನು ಇದೇ ಫೊಗೋ ಚಾನೆಲ್‌ನಲ್ಲಿ ಬರುವ ಮತ್ತೊಂದು ಜನಪ್ರಿಯ ಕಾರ್ಯಕ್ರಮವೆಂದರೆ ಕೆಲವು ಆಟಿಕೆಗಳನ್ನ ಅಥವಾ ಕೆಲವು ಸಣ್ಣಪುಟ್ಟ ವ್ಯೆಜ್ಞಾನಿಕ ಸಾಧನಗಳನ್ನು ಅಥವಾ ಯಂತ್ರಗಳನ್ನು ತಯಾರಿಸುವುದನ್ನು ತೋರಿಸಿಕೊಡುತ್ತಾರೆ. ಈ ಕಾರ್ಯಕ್ರಮದಲ್ಲಿ ತಯಾರಿಕಾ ವಿಧಾನವನ್ನು ಆಂಗ್ಲ ಅಥವಾ ಹಿಂದಿ ಭಾಷೆಯಲ್ಲಿ ವಿವರಿಸುವುದು ಸತ್ಯ. ಹಾಗೆಂದ ಮಾತ್ರಕ್ಕೆ ಈ ಭಾಷೆಗಳೇ ಅಲ್ಲಿ ಜೀವಾಳವಲ್ಲ. ಏಕೆಂದರೆ ವಿಧಾನವನ್ನೂ ಸಹ ಟೀವೀ ಪರದೆಯ ಮೇಲೆ ಆತ ಸ್ಪಷ್ಟವಾಗಿ ವಿವರಿಸುತ್ತಾನಲ್ಲದೇ. ಮೂರ್ನಾಲ್ಕು ಬಾರಿ ರೀಪ್ಲೇ ಕೂಡ ಇರುತ್ತದೆ. ಎಲ್ಲಾ ಪರಿಕರಗಳನ್ನೂ ಆತ ಸ್ಪಷ್ಟವಾಗಿ ಪರದೆಯ ಮೇಲೆ ತೋರಿಸುತ್ತಾನೆ. ಉದಾಹರಣೆಗೆ ಬೆಂಕಿ ಪೆಟ್ಟಿಗೆಯನ್ನು ಬಳಸಿ ಏನನ್ನಾದರೂ ತಯಾರಿಸುತ್ತಿದ್ದರೆ ಆತ ಬೆಂಕಿಪೆಟ್ಟಿಗೆಯನ್ನೇ ತಂದು ಅದನ್ನು ಹೇಗೆ ಬಳಸಿಕೊಳ್ಳಬೇಕು ಎಂಬುದನ್ನೂ ಸಹ ಅಲ್ಲಿಯೇ ಮಾಡಿ ತೋರಿಸುತ್ತಿತ್ತಾನೆ.
ಹಾಗಾಗಿ ಈ ಕಾರ್ಯಕ್ರಮವನ್ನು ವೀಕ್ಷಿಸಲು ಸಹ ಭಾಷೆಯ ಪಾತ್ರ ತೀರ ಕಡಿಮೆ ಅಥವಾ ನಗಣ್ಯವೆಂದೆ ಹೇಳಬಹುದು.

ಇನ್ನು ಡಿಸ್ಕವರಿ ಚಾನೆಲ್‌ ಬಗ್ಗೆ ಒಂದೆರಡು ಮಾತು ಹೇಳಲೇ ಬೇಕು. ನಿಜ ಹೇಳಬೇಕೆಂದರೆ ಇದೊಂದು ಕೇವಲ ಮಕ್ಕಳಿಗಾಗಿ ನಿರ್ಮಿಸಿರುವ ಚಾನೆಲ್‌ ಅಲ್ಲ. ಇಲ್ಲಿ ಯುವಕರು ಹಾಗೂ ವೃದ್ದರು ನೋಡಿದರೂ ಮೈನವಿರೇಳುವಂತಿರುವಂತ್ತಹ ಕಾರ್ಯಕ್ರಮಗಳು ಪ್ರಸಾರವಾಗುತ್ತವೆ. ಅನೇಕ ಭಾರಿ ಹೇಗಾಗುತ್ತದೆ ಎಂದರೆ ಮಕ್ಕಳಿರುವ ಪೋಷಕರು ತಮ್ಮ ಮಕ್ಕಳನ್ನು ಮಲಗಿಸಿ ನಂತರ ರಾತ್ರಿ ಅವರು ಮತ್ತೆ ನಿದ್ದೆಯಿಂದ ಎಚ್ಚರವಾದಾರು ಎಂಬುವ ಭಯದಿಂದ ಟೀವೀ ವಾಲ್ಯೂಮ್‌ ಮ್ಯೂಟ್‌ ಮಾಡಿಕೊಂಡಾದರೂ ಸಹ ಈ ಕಾರ್ಯಕ್ರಮವನ್ನು ವೀಕ್ಷಿಸುತ್ತಾರೆ. ಅಂದರೆ ಇಲ್ಲಿ ಭಾಷೆ ಅಥವಾ ಕಾರ್ಯಕ್ರಮದ ಸಂಭಾಷಣೆಗಿಂತ ಅಲ್ಲಿ ಪ್ರಸಾರವಾಗುವ ದೃಶ್ಯಗಳೇ ನಮ್ಮನ್ನ ಸೆಳೆಯುತ್ತವೆ. ಹಾಗಾಗಿ ಕನ್ನಡಮಕ್ಕಳು ಭಾಷೆಯ ಜ್ಞಾನವಿಲ್ಲ ಎನ್ನುವ ಕೊರಗು ಇಲ್ಲಿಯೂ ಕಾಣಿಸುವುದಿಲ್ಲ.

ಇನ್ನು ಮುಂದಿನ ವಿಶ್ಲೇಷಣೆ ಚಲನಚಿತ್ರಗಳತ್ತ. ಅವತಾರ್‌ ಚಿತ್ರವನ್ನೇ ತೆಗೆದುಕೊಳ್ಳೋಣ. ಈ ಚಿತ್ರದ ಶೇ.60ರಷ್ಟು ಭಾಗ ಕೇವಲ ಕಂಪ್ಯೂಟರ್ ಗ್ರಾಫಿಕ್ಸ್. ಇನ್ನು ಇದರ ಕಥೆಯೋ ಇನ್ನೂ ಶತಮಾನದ ಆಚೆಗಿನ ಭವಿಷ್ಯಕ್ಕೆ ಸಂಭಂದಿಸಿದ್ದು. ಈ ಚಿತ್ರವನ್ನು ಅರ್ಥಮಾಡಿಕೊಳ್ಳಲು ಕೇವಲ ಭಾಷೆ ಬಂದರಷ್ಟೇ ಸಾಲದು. ಜೊತೆ ಜೊತೆಗೆ ವಿಜ್ಞಾನ ಹಾಗೂ ತಂತ್ರಜ್ಞಾದ ಬೆಳವಣಿಗೆಯಲ್ಲಿಯೂ ಸಹ ತಕ್ಕಮಟ್ಟಿನ ಜ್ಞಾನ ಅತೀ ಅವಶ್ಯಕ. ಈ ಚಿತ್ರದ ಚಿತ್ರಕಥೆಯನ್ನು ಸಿದ್ದಪಡಿಸಿಟ್ಟುಕೊಂಡು ಸುಮಾರು ಹತ್ತು ಹನ್ನೆರಡು ವರ್ಷ ನಿರ್ದೇಶಕರು ಕಾಯುತ್ತಾ ಕೂತಿದ್ದರಂತೆ. ಏಕೆಂದರೆ ಚಿತ್ರದ ನಿರ್ಮಾಣಕ್ಕೆ ಅವಶ್ಯಕವಾಗಿದ್ದ ತಂತ್ರಜ್ಞಾನವೇ ಇನ್ನೂ ಲಭ್ಯವಿರಲಿಲ್ಲವಂತೆ. 900 ಕೋಟಿ ವ್ಯಯಿಸಿ ಕನ್ನಡದಲ್ಲಿ ಇದೇ ಚಿತ್ರವನ್ನು ನಿರ್ಮಿಸುವುದು ವಾಸ್ತವದಲ್ಲಿ ಸಾದ್ಯವಿಲ್ಲದಿರಬಹುದು ಒಪ್ಪಿಕೊಳ್ಳೋಣ. ಹಾಗೆಂದ ಮಾತ್ರಕ್ಕೆ ಕನ್ನಡ ಚಿತ್ರರಂಗದಲ್ಲಿ ಈ ರೀತಿಯ ಪ್ರಯತ್ನಗಳು ನಡೆದೇ ಇಲ್ಲವೇ. ಇಲ್ಲ ಎಂದು ಹೇಳಿ, ದಯವಿಟ್ಟು ಕನ್ನಡದಲ್ಲಿರುವ ಕೆಲವರಾದರೂ ಕ್ರಿಯಾತ್ಮಕ ನಿರ್ದೇಶಕರನ್ನು ಅವಹೇಳನ ಮಾಡಬೇಡಿ.

2001ರಲ್ಲಿ ತೆರೆಕಂಡ ಉಪೇಂದ್ರ ಹಾಗೂ ಅನಂತನಾಗ್ ಅಭಿನಯದ ಕನ್ನಡದ ಹಾಲಿವುಡ್‌ ಚಿತ್ರ ನಿಮಗೆ ನೆನಪಿಲ್ಲವೇ? ಅದರಲ್ಲಿಯೂ ವಿಜ್ಞಾನ ಹಾಗೂ ತಂತ್ರಜ್ಞಾನ ಹೇಗೆಲ್ಲ ಅಭಿವೃದ್ದಿ ಪಡಿಸಬಹುದು ಎನ್ನುವ ಸಂದೇಶ ಇರಲಿಲ್ಲವೇ? ಆದರೂ ಆ ಚಿತ್ರ ಸೋತಿತು. ಕಾರಣ ಏನಿರ ಬಹುದು ಆಲೋಚಿಸಿದ್ದೀರ? ಅಷ್ಟೇ ಏಕೆ ಸದ್ಯಕ್ಕೆ ಭಾರೀ ಪ್ರಚಾರದಲ್ಲಿರುವ ಬಹುಕೋಟಿ ವೆಚ್ಚದ ನಮ್ಮ ರಜನಿಕಾಂತ್‌ ಅಭಿನಯದ ತಮಿಳಿನ ಎಂಡ್ರಿಯನ್ ಚಿತ್ರದ ಮೂಲ ಕಥೆಯೂ ಸಹ ಇದೇ ಹಾಲಿವುಡ್‌ ಚಿತ್ರದ್ದು ಎನ್ನುವ ಸುದ್ದಿ ಗುಲ್ಲೆದ್ದಿದೆ. ಹೌದಲ್ಲವೇ?

ಇದಕ್ಕೆ ಮತ್ತಷ್ಟು ಉದಾಹರಣೆ ನೀಡಬಹುದು, ರಮೇಶ್‌ ಅರವಿಂದ್‌ ಅಭಿನಯದ ಪ್ರತ್ಯರ್ಥ ಹಾಗೂ ಡೈನಮಿಕ್ ಹೀರೂ ದೇವರಾಜ್‌ ಅಭಿನಯದ ಮಾನವ 2020. ಚಿತ್ರಗಳನ್ನು ನೀವು ನೋಡಿಲ್ಲವೇ? ಈ ಚಿತ್ರಗಳೂ ಸಹ ವಿಜ್ಞಾನ ಹಾಗೂ ತಂತ್ರಜ್ಞಾನದ ಬೆಳವಣಿಗೆಯ ಬಗ್ಗೆ ಬೆಳಕು ಚೆಲ್ಲಿದ್ದವಲ್ಲವೇ? ಆದರೂ ಈ ಚಿತ್ರಗಳು ಯಶಸ್ಸು ಗಳಿಸಲಿಲ್ಲ. ಅಥವಾ ಜನರು ಈ ಚಿತ್ರಗಳತ್ತ ಒಲವು ತೋರಲಿಲ್ಲ.

ಇನ್ನು ಅಣ್ಣಾವ್ರು ಅಭಿನಯದ ಜೇಮ್ಸ್ ಬಾಂಡ್‌ ಶೈಲಿಯ ಆಪರೇಶನ್ ಡೈಮಂಡ್‌ ರಾಕೆಟ್, ಸಿ, ಐ, ಡಿ 999 ಈ ಸರಣಿಯ ಚಿತ್ರಗಳು ಅಂದಿನ ಕಾಲಕ್ಕೆ ನಮ್ಮ ನಿರ್ದೇಶಕರು ತೋರಿಸಿದ ಧೈರ್ಯವಲ್ಲವೇ? ಆದರೆ ಒಮ್ಮೆ ರಾಜ್‌ಕುಮಾರ್ ಅವರೇ ಒಂದು ತುಂಬಿದ ಸಭೆಯಲ್ಲಿ ತಾವು ಆ ಜೇಮ್ಸ್ ಭಾಂಡ್‌ ಶೈಲಿಯ ಚಿತ್ರಗಳನ್ನು ಒಪ್ಪಿಕೊಳ್ಳಬಾರದಿತ್ತು ಎಂದಿದ್ದರು.

ನಮ್ಮ ಚಿತ್ರಪ್ರೇಮಿಗಳು ಈ ಮಾದರಿಯ ಚಿತ್ರಗಳನ್ನು ಅದೇಕೋ ಆಲಂಗಿಸಿ ಬರಮಾಡಿಕೊಳ್ಳಲಿಲ್ಲ. ಇದು ಕೇವಲ ಕಾಲ್ಪನಿಕ ಎಂದೆನೆಸಿ ಸತ್ಯಾಂಶಕ್ಕೆ ದೂರದಾದದ್ದು ಎಂದೆನಿಸಿ ನಮ್ಮ ಜನಗಳು ಈ ಮಾದರಿಯ ಚಿತ್ರಗಳತ್ತ ಒಲವು ತೋರಿಸಲೇ ಇಲ್ಲವೆನಿಸುತ್ತದೆ.

ಇನ್ನು ನೀವು ಹೇಳುವ ಅವತಾರ್, ಜುರಾಸಿಕ್‌ ಪಾರ್ಕ್ ಈ ಚಿತ್ರಗಳನ್ನು ನಮ್ಮ ಜನ ಜೀರ್ಣಿಸಿಕೊಂಡಾರೆಯೇ? ಇಲ್ಲಿವರೆಗಿನ ಕನ್ನಡಚಿತ್ರರಂಗದ ಇತಿಹಾಸವನ್ನು ಒಮ್ಮೆ ಅವಲೋಕಿಸಿದರೆ ಈ ಚಿತ್ರಗಳು ಕನ್ನಡದಲ್ಲೇ ಬಿಡುಗಡೆ ಆದರೂ ನಮ್ಮವರು ಪ್ರೋತ್ಸಾಹಿಸುತ್ತಾರೆ ಎನ್ನುವುದು ಕೇವಲ ಹಾಳೆಯ ಮೇಲಿನ ವಾದವಾಗುವುದು ಅಷ್ಟೇ.

ಈಗಲೂ ತಮಗೆ ಚಿತ್ರದ ಸಂದೇಶ ಮುಖ್ಯವಲ್ಲ ಅಲ್ಲಿ ಬರುವ ದೃಶ್ಯಾವಳಿಗಳು, ಪಾತ್ರಗಳು ಹಾಗೂ ನಿರ್ದೇಶಕನ ಕೈಚಳಕವಷ್ಟೇ ಮುಖ್ಯವೆನ್ನಿಸಿರಬಹುದು. ಹಾಗಿದ್ದರೆ ಆಂಗ್ಲಭಾಷೆಯಲ್ಲಿಯೇ ಆ ಚಿತ್ರಗಳನ್ನು ವೀಕ್ಷಿಸಲು ಬೇಡ ಎಂದು ನಿಮ್ಮನ್ನು ಯಾರೂ ಕಟ್ಟಿಹಾಕುತ್ತಿಲ್ಲ. ಅಲ್ಲವೇ?.

ಈಗಲೂ ಅಲ್ಲೊಮ್ಮೆ ಇಲ್ಲೊಮ್ಮೆ ಯಾವುದೋ ಕೆಲವು ಕಾರ್ಯಕ್ರಮಗಳಿಗೆ ಡಬ್ಬಿಂಗ್‌ ಬೇಕೇ ಬೇಕು ಎಂದು ನಿಮಗನ್ನಿಸಿದರೆ, ಖಂಡಿತ ನೀವೂ ಸಹ ಇನ್ನೊಂದು ಭಾಷೆಯನ್ನು ಕಲಿತು ಕೊಳ್ಳಲು ಸಂಪೂರ್ಣ ಸ್ವತಂತ್ರರು ಎಂಬುದನ್ನು ಜ್ಞಾಪಿಸಲಿಚ್ಚಿಸುತ್ತೇನೆ.

ಕಡೆಯದಾಗಿ ತಿಳಿಸುವುದೇನೆಂದರೆ, ಕನ್ನಡಕ್ಕೆ ಡಬ್ಬಿಂಗ್‌ ಎಷ್ಟು ಅನಿವಾರ್ಯ ಎಂಬುದನ್ನು ಮನಗಾಣಲು ನಮ್ಮ ಕೆಲವು ಸ್ನೇಹಿತರು ನೀಡುತ್ತಿರುವ ಉದಾಹರಣೆಗಳು ನನಗೇಕೋ ಬಾಲಿಶ ಎನಿಸಿದವು. ಇದಕ್ಕಿಂತಲೂ ಗಂಭೀರವಾದ ಅನಿವಾರ್ಯತೆಗಳನ್ನು ಇವರು ಮನಗಂಡಿರಬಹುದು. ಆದರೆ ಉದಾಹರಣೆಗೆಂದಷ್ಟೇ ಈ ಮೇಲಿನ ಅಂಶಗಳನ್ನು ಸೂಚಿಸುತ್ತಿರಬಹುದು. ಯಾವುದಕ್ಕೂ ಅವರು ನೀಡುವ ಕಾರಣಗಳು ಮನಮುಟ್ಟುವಂತಿಲ್ಲ ಎನ್ನಿಸಿದ್ದರಿಂದ ಈ ವಿಶ್ಲೇಷಣೆಗೆ ಮುಂದಾಗಬೇಕಾಯಿತು. ಇದು ವಿಶ್ಲೇಷಣೆ ಅಷ್ಟೇ, ನನ್ನ ತೀರ್ಮಾನವಲ್ಲ.

ಶ್ರೀರಾಮುಲು ಪಾದಯಾತ್ರೆ ಅಂತ್ಯ

2010-08-07T22:34:00.000+05:30

ಆಶ್ಚರ್ಯ ಪಡಬೇಡಿ. ಶ್ರೀರಾಮುಲು ಯಾವಾಗ ಪಾದಯಾತ್ರೆ ಆರಂಭಿಸಿದ್ದು? ಎಂದು ಪ್ರಶ್ನೆಯನ್ನೂ ಕೇಳಬೇಡಿ. ಇದೀಗ ಕರ್ನಾಟಕದಲ್ಲಿ ಯಾರ್ಯಾರು ಪಾದಯಾತ್ರೆ ಹೊಂಟವ್ರೆ ಅನ್ನೋದೇ ಒಂದು ಬಿಡಿಸಲಾಗದ ಒಗಟಾಗಿದೆ. ಆಡಳಿತ ಪಕ್ಷ ಹಾಗೂ ವಿರೋದ ಪಕ್ಷಗಳು ಶಕ್ತಿಪ್ರದರ್ಶನಕ್ಕೆ ನಿಂತುಬಿಟ್ಟಿವೆ.

ವಿರೋದಪಕ್ಷದವರು ಅಕ್ರಮ ಗಣಿಗಾರಿಕೆ ವಿರೋದಿಸಿ ಬೆಂಗಳೂರಿಂದ ಬಳ್ಳಾರಿಗೆ ಕಾಲ್ನಡಿಗೆ ಹೊಂಟವರೆ. ಹಗಲೆಲ್ಲಾ ಪಾದಯಾತ್ರೆ, ರಾತ್ರಿ ಹೊತ್ತು ಮಸಾಜ್. ಹೇಗೋ ಇನ್ನೆರಡು ದಿನದಲ್ಲಿ ಅವ್ರು ಬಳ್ಳಾರಿ ತಲುಪಲಿದ್ದಾರೆ. ಆ ಮೂಲಕ ಪಾದಯಾತ್ರೆ ಇನ್ನೆರಡು ದಿನಗಳಲ್ಲಿ ಮುಗಿಯಬಹುದು.. ಆದರೆ ದಣಿದಿರೋ ಕೈಕಾಲ್‌ಗಳಿಗೆ ಮುಂದಿನ ಇನ್ನೂ ಒಂದು ತಿಂಗಳು ಮಸಾಜ್ ಮಾತ್ರ ಮುಂದುವರಿಯಬಹುದು.

ಇನ್ನೊಂದ್ಕಡೆ ಆಡಳಿತ ಪಕ್ಷದೋರು ಸಾರ್ವಜನಿಕ ಸಭೆ ಮಾಡ್ತಿದಾರೆ. ಅದನ್ನು ನೀವು ಜನಜಾಗೃತಿ ಸಮಾವೇಶ ಅಂತನಾರು ಕರೀರಿ ಅಥವಾ ಬಿಜೆಪಿ ಸಾಧನಾ ಸಮಾವೇಶ ಅಂತನಾದ್ರೂ ಕರೀರಿ. ಆದರೆ ಒಳಗೊಳಗೇ ಪರೋಕ್ಷವಾಗಿ ಇದೊಂದು ವಿರೋಧ ಪಕ್ಷದ ವಿರುದ್ದ ಶಕ್ತಿಪ್ರದರ್ಶನದ ಸಭೆ ಅಷ್ಟೇ.

ವ್ಯಯಕ್ತಿಕವಾಗಿ ಆರೋಗ್ಯಸಚಿವರು ಕೇಷಮುಂಡನ ಮಾಡಿಸಿಕೊಂಡು, ಬಳ್ಳಾರಿ ತುಂಬಾ ಸ್ವಾಭಿಮಾನಿ ಸಮಾವೇಶಗಳನ್ನು ಮಾಡುತ್ತಿದ್ದಾರೆ. ಆದರೆ ಅವರು ಎಲ್ಲೂ ಪಾದಯಾತ್ರೆ ಹೊರಟವರಂತೆ ಕಂಡುಬರಲಿಲ್ಲ. ಅವರೂ ಸಹ ತಾನು ಪಾದಯಾತ್ರೆ ಹೊರಟಿರುವುದಾಗಿ ಎಲ್ಲೂ ಹೇಳಿಕೊಂಡಿರಲಿಲ್ಲ.
ಈ ನಡುವೆ ಗೋಹತ್ಯೆ ನಿಷೇದ ಕಾಯ್ದೆ ವಿರೋಧಿಸಿ ಮಾಜಿ ಪ್ರಧಾನಿಗಳಾದ ಜನತಾದಳ ಪಕ್ಷದ ಅದ್ಯಕ್ಷರು ದೆಲ್ಲಿಗಂಟ ಹೋಗಿ ರಾಷ್ಟ್ರಾದ್ಯಾಕ್ಷರನ್ನು ಬೇಟಿ ಮಾಡಿ ಹಿಂತಿರುಗಿದ್ದಾರೆ. ಇದಲ್ಲದೇ ಈ ಮಸೂದೆ ಜಾರಿಯಾಗಿದ್ದೇ ಆದರೆ, ಮುಖ್ಯಮಂತ್ರಿಗಳ ಮನೆ ಮುಂದೆ ಗೊಡ್ಡಸುಗಳನ್ನ ಲಾರಿಲಾರಿಗಟ್ಟಲೇ ತಂದು ನಿಲ್ಲಿಸುವುದಾಗಿ ಗುಡುಗಿದ್ದಾರೆ.

ಇರಲಿ ಒಟ್ಟಿನಲ್ಲಿ ಈ ಬಳ್ಳಾರಿ ಚಲೋ, ಜಾಗೃತಿ ಸಮಾವೇಶ, ಸ್ವಾಭಿಮಾನಿ ಸಮಾವೇಶ, ದೆಲ್ಲಿ ಚಲೋ, .. ಇನ್ನೂ ಏನೇನೇನೋ ಕಾರ್ಯಕ್ರಮಗಳು ಈಗ ಭಾರೀ ಸುದ್ದಿಯಲ್ಲಿವೆ. ಈ ಎಲ್ಲಾ ರಾಜಕಾರಣಿಗಳು, ಜನಪ್ರತಿನಿದಿಗಳು ಜನಸಾಮಾನ್ಯರ ಮೇಲಿನ ನೈಜಕಾಳಜಿಯಿಂದ ಇಷ್ಟೆಲ್ಲಾ ಹೋರಾಟ ಪ್ರದರ್ಶಿಸಿದ್ದೇ ಆಗಿದ್ದರೆ, ನಮ್ಮ ರಾಜ್ಯದಲ್ಲಿ ಇವತ್ತಿಗೂ ಬಡತನರೇಖೆಗಿಂತ ಕೆಳಮಟ್ಟದಲ್ಲಿ ಜೀವನ ಸಾಗಿಸುತ್ತಿರುವವರು ಭೂತಗನ್ನಡಿ ಇಟ್ಟು ಹುಡುಕಿದರೂ ಸಿಗುತ್ತಿರಲಿಲ್ಲವೇನೋ.!!! ಆದರೆ ಈ ನಮ್ಮ ರಾಜಕಾರಣಿಗಳು ಸಧ್ಯಕ್ಕಂತೂ ಫುಲ್‌ಬ್ಯುಸಿ. ಜನರ ಕಷ್ಟಕೇಳುತ್ತಾರೋ ಇಲ್ಲವೋ ಅದನ್ನು ಮಹಾಜನಗಳೇ ಅರ್ಥಮಾಡಿಕೊಳ್ಳಬೇಕು.

ಈ ಮದ್ಯೆ ವಿರೋಧಪಕ್ಷದವರ ಯಾತ್ರೆಗೆ ದೊಂಬರಾಟ ಎಂದು ಮುಖ್ಯಮಂತ್ರಿಗಳು ಪ್ರತಿಪಾದಿಸಿದ್ದಾರೆ. ಈ ರಾಜಕಾರಣಿಗಳ ಯಾತ್ರೆ, ಸಮಾವೇಶ ಇತ್ಯಾದಿಗಳು ಜನರಲ್ಲಿ ಗೊಂದಲವನ್ನುಂಟು ಮಾಡಿರವುದೇನೋ ಸತ್ಯ. ಆದರೆ ವಿಪರ್ಯಾಸವೆಂದರೆ ನಮ್ಮ ಸುವರ್ಣ ನ್ಯೂವ್ಸ್ 24x7 ಚಾನೆಲ್‌ನ ಪ್ರಸಾರಕರಿಗೂ ಒಂದು ಬಾರೀ ಗೊಂದಲಉಂಟಾದಂತಿದೆ. ಚಿತ್ರನೋಡಿ. "ಶ್ರೀರಾಮುಲು ಪಾದಯಾತ್ರೆ ಅಂತ್ಯ" ಅಂತ ಬರ್ದವ್ರೆ. ಈಗ ನೀವೇ ಹೇಳಿ ಶ್ರೀರಾಮುಲು ಪಾದಾಯಾತ್ರೆನ ಆರಂಭಿಸಿದ್ದಾದರೂ ಯಾವಾಗ? Suvrna News 24x7 ಇಂತಹ ಒಂದು 24x7 ಸುದ್ದಿಮಾದ್ಯಮಕ್ಕೇ ಈ ಪರಿಯ ಗೊಂದಲ, ಇನ್ನು ಜನಸಾಮಾನ್ಯರ ಪರಿಸ್ಥಿತಿ ಹೇಗಿರಬೇಡ?

ನಮ್ಮ ಕನ್ನಡಿಗ ವೆಂಕಿಗೆ ಹುಟ್ಟುಹಬ್ಬದ ಶುಭಾಶಯಗಳು.

2010-08-05T13:07:00.000+05:30

ಅಮೀರ್‍ ಸೋಹೇಲ್ ಹಾಗೂ ಸಯೀದ್ ಅನ್ವರ್‍ ಅಂದಿನ ಸಮಕಾಲೀನ ಕ್ರಿಕೆಟ್ನ ಅತ್ಯುತ್ತಮ ಆರಂಭಿಕ ಜೋಡಿ ಎಂದು ಕರೆಸಿಕೊಂಡಿತ್ತು. ೯೮ರ ಕ್ರಿಕೆಟ್‌ ವಿಶ್ವಕಪ್‌ನ ಈ ಪಂದ್ಯದ ಆರಂಭದ ೧೦ ಓವರ್‍ಗಳಲ್ಲಿ ಪಾಕಿಸ್ತಾನದ ಈ ಜೋಡಿ ಭಾರತದ ಬೌಲರ್‍ಗಳನ್ನು ಹಿಗ್ಗಾಮುಗ್ಗಾ ತಣಿಸಿದ್ದರು.

http://www.youtube.com/watch?v=-d5DBdlKl5Q

ಆ ಸಂಧರ್‍ಬದಲ್ಲಿ ಭಾರತದ ಮದ್ಯಮವೇಗಿ ವೆಂಕಟೀಶ್ ಪ್ರಸಾದ ತನ್ನ ದಾಳಿ ಮುಂದುವರಿಸುವಾಗ, ಆಮೀರ್‍ ಸೋಹೇಲ್ ಆ ಓವರ್‍ನ ೫ ನೇ ಎಸೆತವನ್ನು ಬೌಂಡರಿಗಟ್ಟಿ ವೆಂಕಟೇಶ ಪ್ರಸಾದರನ್ನ ಅಣಕಿಸಿ, ಬಾಲ್ ಅಲ್ಲಿದೆ ನೋಡು ಎಂಬಂತೆ ಸನ್ನೆ ಮಾಡುತ್ತಾನೆ... ಪಂದ್ಯವನ್ನು ವೀಕ್ಷಿಸುತ್ತಿದ್ದ ನಮಗೇ ಒಂದು ರೀತಿ ಆವೇಶ ಆವರಿಸಿಕೊಂಡಿತ್ತು. ಇನ್ನು ಸ್ವತಃ ಬೌಲರಾಗಿದ್ದ ವೆಂಕಿಗೆ ಹೇಗಾಗಿರ ಬೇಡ!!!. ಅಷ್ಟು ಪ್ರೇಕ್ಷಕರ ಮದ್ಯೆ ಈ ರೀತಿ ಅಣಕಕ್ಕೆ ತುತ್ತಾದ ವೆಂಕಿಯ ಮನಸ್ಸಿನಲ್ಲಿ ಆಗ ಯಾವ ಭಾವನೆಗಳು ಬಂದಿದ್ದವೋ...?

ಮುಂದಿನ ಎಸೆತದಲ್ಲಿ ಏನಾಯ್ತು ಎನ್ನುವುದು ಈಗ ಇತಿಹಾಸ.
ಸಂಪೂರ್ಣ ತನ್ ಹಿಡಿತದಲ್ಲಿದ್ದ ಪಂದ್ಯವನ್ನು ಪಾಕಿಸ್ತಾನ ಕಯ್ಚೆಲ್ಲಿತ್ತು. ನಂತರ ಅಮೀರ್‍ ಸೋಹೇಲ್‌ಗೆ ಪಾಕಿಸ್ತಾನದ ಮಾಜಿ ಆಟಗಾರರಿಂದ ಮಂಗಳಾರತಿ ಆಗಿತ್ತು.
ಎನಿವೇ, ಇಂದು ನಮ್ಮ ವೆಂಕಿಯ 41ನೇ ಹುಟ್ಟುಹಬ್ಬ.

ಭಾರತ ಕ್ರಿಕೆಟ್ ತಂಡದಿಂದ ನಿವೃತ್ತಿ ಹೊಂದಿದ ಬಳಿಕೆ, ಉತ್ತಮ ಬೌಲಿಂಗ್ ಕೋಚ್ ಆಗಿ ಕೂಡ ತಮ್ಮ ಕ್ರಿಕೆಟ್ ಪ್ರೀತಿಯನ್ನು ಮುಂದುವರೆಸಿದ್ದರು.
ನಮ್ಮ ಕನ್ನಡಿಗ ವೆಂಕಿಗೆ ಹುಟ್ಟುಹಬ್ಬದ ಶುಭಾಶಯಗಳು.

ವೀರೂ ! ನಾಳೇ ನೀ ತಪ್ಪಿಸ ಬೇಡ ನೂರು.

2010-08-04T23:59:00.000+05:30

(ವೀರೆಂದ್ರ ಸೆಹ್ವಾಗ್ ಇಂದಿನ ಮತ್ತು ನಾಳೆಯ ಆಟದ ಬಗ್ಗೆ ಕುರಿತು ಈ ಚುಟುಕ)

ವೀರೂ !
ನಾಳೇ ನೀ ತಪ್ಪಿಸ ಬೇಡ ನೂರು.
ಬೇಕಿದ್ದರೆ ಸ್ಕೋರಿಸು ಬಿರುಸಿನ ಇನ್ನೂರು.
ಬೇಕಿದ್ದರೆ ಸ್ಕೋರಿಸು ಬಿರುಸಿನ ಇನ್ನೂರು.
ವೀರೂ !
ನಾಳೇ ನೀ ತಪ್ಪಿಸ ಬೇಡ ನೂರು.

ಆವೇಷದಲ್ಲಿ ತಪ್ಪಿಸಿ ನೀ ನೂರು,
ವೀರೂ !
ಆವೇಷದಲ್ಲಿ ತಪ್ಪಿಸಿ ನೀ ನೂರು,
ಎರಚ ಬೇಡ ನಮ್ಮ ಆಸೆಗೆ ತಣ್ಣೀರು.
ವೀರೂ !
ಆವೇಷದಲ್ಲಿ ತಪ್ಪಿಸಿ ನೀ ನೂರು,
ಎರಚ ಬೇಡ ನಮ್ಮ ಆಸೆಗೆ ತಣ್ಣೀರು.

http://www.guardian.co.uk/sport/2010/aug/04/india-sri-lanka-third-test

ಭೀಷ್ಮ ಹಾಗೂ ವೇದವ್ಯಾಸ

2010-08-01T23:19:00.000+05:30

ಮಹಾಭಾರತ ಮಹಾಕಾವ್ಯವನ್ನು ಗಣೇಶನಿಗೆ ಡಿಕ್ಟೇಟ್ ಮಾಡಿದ್ದು ವೇದ ವ್ಯಾಸ ಋಷಿಗಳು ಎಂಬುದನ್ನು ಓದಿರುತ್ತೇವೆ. ಮಹಾಭಾರತದ ಪ್ರಮುಖ ಪಾತ್ರವಾದ ಭೀಷ್ಮ ಹಾಗೂ ವೇದವ್ಯಾಸ, ಈ ಇಬ್ಬರ ನಡುವಿನ ಸಂಬಂಧವೇನು ಎಂಬುದನ್ನು ಇಲ್ಲಿ ವಿಶ್ಲೇಷಿಸಲಾಗಿದೆ.

ಹಸ್ತಿನಾಪುರದ ರಾಜ ಶಂತಾನು ಹಾಗೂ ಗಂಗೆ, ರಾಜದಂಪತಿಗಳ ಪುತ್ರನೇ ದೇವವ್ರತ.
.
.
.

ಸತ್ಯವತಿಗೆ ವಿವಾಹ ಪೂರ್ವದಲ್ಲಿ ಪರಶರ ಎಂಬ ಋಷಿಯ ಆಶೀರ್ವಾದದಿಂದ ವ್ಯಾಸನು ಜನಿಸಿರುತ್ತಾನೆ.

ಒಮ್ಮೆ ರಾಜ ಶಂತಾನು, ಸತ್ಯವತಿಯನ್ನು ಭೇಟಿಯಾಗುತ್ತಾನೆ. ಸತ್ಯವತಿಯ ಸೌಂದರ್ಯಕ್ಕೆ ಆಕರ್ಷಿತನಾದ ರಾಜನು ಆಕೆಯನ್ನು ತನ್ನ ಪಟ್ಟದರಸಿಯಾಗಿ ಸ್ವೀಕರಿಸುತ್ತಾನೆ.

ತನ್ನ ತಂದೆಯ ಆಸೆಯನ್ನು ನೆರವೇರಿಸುವ ಸಲುವಾಗಿ ದೇವವ್ರತನು ಹಸ್ತಿನಾಪುರದ ಸಿಂಹಾಸನವನ್ನೇ ತ್ಯಾಗಮಾಡುತ್ತಾನೆ. ಹಾಗೂ ಆಜನ್ಮ ಬ್ರಹ್ಮಚಾರಿಯಾಗಿಯೇ ಉಳಿಯುವುದಾಗಿ ಶಪಥಗೈಯುತ್ತಾನೆ. ಮುಂದೆ ದೇವವ್ರತನು ಭೀಷ್ಮನೆಂದು ಪ್ರಸಿದ್ದಿಯಾಗುತ್ತಾನೆ.

ರಾಜ ಶಂತಾನು ಹಾಗೂ ಗಂಗೆ ದಂಪತಿಗಳ ಪುತ್ರ ದೇವವ್ರತ ಅಂದರೆ ಭೀಷ್ಮ. ಹಾಗೂ ಶಂತಾನುವಿನ ಮತ್ತೋರ್ವ ರಾಣಿ ಸತ್ಯವತಿ(ಮತ್ಸಾಂಗದ)ಯ ವರಪುತ್ರ ವ್ಯಾಸ. ಭೀಷ್ಮರ ತಂದೆಯೂ ಹಾಗೂ ವ್ಯಾಸರ ತಂದೆಯೂ ಬೇರೇ ಬೇರೇ, ಭೀಷ್ಮರ ತಾಯಿಯೂ ಹಾಗೂ ವ್ಯಾಸರ ತಾಯಿಯೂ ಬೇರೇ ಬೇರೇ. ಆದರೂ ಭೀಷ್ಮ ಹಾಗೂ ವ್ಯಾಸ ಪರಸ್ಪರ ಸಹೋದರರು ಎನ್ನಲಡ್ಡಿ ಇಲ್ಲ. ನಿಮ್ಮದೇನಾದರೂ ಅಡ್ಡಿ ಇದೆಯೇ??

ರಾಜ ಶಂತಾನು, ಗಂಗೆ ಹಾಗೂ ಸತ್ಯವತಿ ಇವರುಗಳ ಹಿನ್ನೆಲೆ ಏನೆಂದು ವಿವರಿಸಲಾಗಿಲ್ಲ. ಇನ್ನೊಮ್ಮೆ ಯಾವಾಗಲಾದರೂ ನೋಡೋಣ.

Online ಆದರೂ ಬಾರೋ, Offline ಆದರೂ ಹೋಗೋ ರಾಘವೇಂದ್ರ$$$$

2010-07-28T17:26:00.001+05:30

Online ಆದರೂ ಬಾರೋ, Offline ಆದರೂ ಹೋಗೋ ರಾಘವೇಂದ್ರ$$$$
Online ಇದ್ರೆ ಚಾಟ್ ಮಾಡಿ, ಇಲ್ದಿದ್ರೆ ಮೇಲ್ ಮಾಡಿ,
ಹಾಯಾಗಿರುವೇ ರಾಘವೇಂದ್ರ!!!
Online ಆದರೂ ಬಾರೋ, Offline ಆದರೂ ಹೋಗೋ, ರಾಘವೇಂದ್ರ ||repeat||
.
.
.
ಓರ್ಕುಟ್‌ನಲ್ಲಾದರೂ ನೂಕು, ಪೇಸ್‌ಬುಕ್‌ನಲ್ಲಾದರೂ ನೂಕು ರಾಘವೇಂದ್ರ$$$
ಹಾ ಆ ಹಾ ಆಆ ಹಾಆಆ ಆಆಆಆಆಆ....
ಓರ್ಕುಟ್‌ನಲ್ಲಾದರೂ ನೂಕು, ಪೇಸ್‌ಬುಕ್‌ನಲ್ಲಾದರೂ ನೂಕು ರಾಘವೇಂದ್ರ$$$
ಓರ್ಕುಟ್‌ನಲ್ಲಿ ಸ್ಕ್ರಾಪ್‌ ಮಾಡಿ, ಪೇಸಬುಕ್‌ನಲ್ಲಿ ಪೇಸ್ಟ್‌ ಮಾಡಿ,
ಪ್ರೆಂಡಾಗಿರುವೆ ರಾಘವೇಂದ್ರ!
.
.
.
ಟ್ಟಿಟ್ಟರ್‌ನಲ್ಲಾದರು ಕಾಯ್ಸು, ಭಜ್‌ನಲ್ಲಾದರೂ ನೋಯ್ಸು, ರಾಘವೇಂದ್ರ!
ಟ್ವಿಟ್ಟರ್‌ನಲ್ಲಿ ಟ್ವೀಟ್‌ ಮಾಡಿ, ಭಜ್‌ನಲ್ಲಿ ಭಜ್‌ ಮಾಡಿ
ಟಚ್ಚ(Touch)ಲ್ಲೇ ಇರುವೇ ರಾಘವೇಂದ್ರ!
.
.
Online ಆದರೂ ಬಾರೋ, Offline ಆದರೂ ಹೋಗೋ ರಾಘವೇಂದ್ರ$$$$
.
.
ಫೋನ್‌ಕಾಲನ್ನೇ (Phone call) ಮಾಡೆಂದು ಎಂದೂ ಕೇಳೆನು ನಾನು, ರಾಘವೇಂದ್ರ$$$
ಹಾ ಆ ಹಾ ಆಆ ಹಾಆಆ ಆಆಆಆಆಆ....
ಫೋನ್‌ಕಾಲನ್ನೇ (Phone call) ಮಾಡೆಂದು ಎಂದೂ ಕೇಳೆನು ನಾನು, ರಾಘವೇಂದ್ರ!$
ಮೋಬಯ್ಲಿನಲ್ಲಿರುವ ಬ್ಯಾಲೆನ್ಸು ಯಾರಾ ತಾತನಾ ಗಂಟು!
ಮಿಸ್ಕಾಲಾದರೂ(missed call) ನೀಡೂ ರಾಘವೇಂದ್ರ.!
.
.
.
GTalk ಆದರೇನು, Skype ಆದರೇನು! ರಾಘವೇಂದ್ರ$$$$
ಮೂಲ ಹಾಡನ್ನು ಹಾಳು ಮಾಡಿದೆನೆಂದು ಯಾರೂ ಬಯ್ದೇ ಇದ್ದರೆ ಸಾಕು ರಾಘವೇಂದ್ರ$$$
.
.
.
Online ಆದರೂ ಬಾರೋ, Offline ಆದರೂ ಹೋಗೋ ರಾಘವೇಂದ್ರ$$$$ .

http://www.youtube.com/watch?v=c_weBk1kvUQ

ಸಂಕಷ್ಟದಲ್ಲಿ ಹಾಸ್ಯನಟ ರತ್ನಾಕರ್

2010-07-27T15:43:00.000+05:30

೮೦ ವರ್ಷದ ರತ್ನಾಕರ್ ಕಳೆದ ೬೦ ವರ್ಷಗಳಿಂದ ಕನ್ನಡ ಚಿತ್ರರಂಗದಲ್ಲಿದ್ದು ೩೦೦ ಕ್ಕೂ ಹೆಚ್ಚು ತಮ್ಮ ವಿಭಿನ್ನ ಶಯ್ನಿಯ ಅಭಿನಯದಿಂದಾಗಿ ಪ್ರೇಕ್ಷಕರ ಗಮನ ಸೆಳೆದಿದ್ದಾರೆ.

ರತ್ನಾಕರ್ ಅವರಿಗೆ ಸಹಾಯ ಮಾಡಬಯಸುವ ಸಹೃದಯರು ದೂರವಾಣಿ ಸಂಖ್ಯೆ ೯೮೪೪೮೯೫೧೮೯ (9844895189) ಗೆ ಸಂಪರ್ಕಿಸಬಹುದು,

http://www.hindu.com/2010/05/23/stories/2010052360860300.htm

ನನ್ನ ನಿಷ್ಟೆ ನಿನಗೆ ಹಾಗೂ ಕೇವಲ ನಿನ್ನೊಬ್ಬನಿಗೇ

2010-07-11T13:17:00.001+05:30

ಕೌರವ ಹಾಗೂ ಪಾಂಡವರು ತಮ್ಮ ಶಿಕ್ಷಣವನ್ನು ಮುಗಿಸಿದ್ದಾರೆ, ಗುರು ದ್ರೋಣಾಚಾರ್ಯರು ತಮ್ಮ ಶಿಶ್ಯರ ಯುದ್ದವಿದ್ಯೆಯನ್ನು ಪರೀಕ್ಷಿಸಲೆಂದು ರಂಗಭೂಮಿ ಸಿದ್ದವಾಗಿದೆ. ಹಸ್ತಿನಾಪುರದ ಮಹಾರಾಜ ದೃತರಾಷ್ಟ್ರ, ಗಾಂಧಾರಿ, ಕುಂತಿ, ಗುರು ದ್ರೋಣಾಚಾರ್ಯ, ಕುಲಗುರು ಕೃಪಾಚಾರ್ಯ ಹಾಗೂ ಪಿತಾಮಹ ಭೀಷ್ಮ ಮತ್ತು ಶಕುನಿ ಮುಂತಾದ ಗಣ್ಯರು ಒಂದು ಪವಿಲಿಯನ್‌ನಲ್ಲಿ ರಣರಂಗವನ್ನು ವೀಕ್ಷಿಸಲು ಸಜ್ಜಾಗಿ ಕೂತಿದ್ದಾರೆ. ಹಾಗೂ ಮತ್ತೊಂದು ಪೆವಿಲಿಯನ್‌ನಲ್ಲಿ ಕ್ರೀಡಾಪಟುಗಳು ಅಂದರೆ, ಕೌರವ ಹಾಗೂ ಪಾಂಡವ ಸಹೋದರರು ಆಸೀನರಾಗಿದ್ದಾರೆ.

ಒಬ್ಬರಾದ ಮೇಲೊಬ್ಬರನ್ನು ಗುರುದ್ರೋಣಾಚಾರ್ಯರು ಕರೆಯುತ್ತಿದ್ದಾರೆ. ಕುಲವಂಶದ ಕುಡಿಗಳು ತಮ್ಮ ತಮ್ಮ ಸಾಮರ್ಥ್ಯವನ್ನು ಪ್ರದರ್ಶಿಸಿ ಹೋಗುತ್ತಿದ್ದಾರೆ. ಅರ್ಜುನನ ಸರದಿ ಬರುತ್ತದೆ. ಬಿಲ್ವಿದ್ಯೆಯಲ್ಲಿ ಈಗಾಗಲೇ ದ್ರೋಣಾಚಾರಾರ್ಯರ ನೆಚ್ಚಿನ ಶಿಶ್ಯನೆನಿಸಿಕೊಂಡಿದ್ದ ಅರ್ಜುನನು ಈಗ ಸಾರ್ವಜನಿಕವಾಗಿ ತನ್ನ ವಿದ್ಯೆಯನ್ನು ಪ್ರದರ್ಶಿಸಿ, ಹಸ್ತಿನಾಪುರದ ನಾಗರೀಕರ ಪ್ರಶಂಶೆಯನ್ನೂ ಗಿಟ್ಟಿಸಿಕೊಳ್ಳುತ್ತಾನೆ.

ದ್ರೋಣಾಚಾರ್ಯ - ಹಸ್ತಿನಾಪುರದ ಮಹಾಜನಗಳೇ...ಅರ್ಜುನ ನನ್ನ ನೆಚ್ಚಿನ ಶಿಶ್ಯನೆಂಬುದು ತಿಳಿದೇ ಇದೆ. ಈಗ ತಾವೆಲ್ಲರೂ ಸಹ ಅರ್ಜುನನ ಶೌರ್ಯಕ್ಕೆ ಸಾಕ್ಷಿಯಾಗಿದ್ದೀರಿ.ಅರ್ಜುನ ಈ ಜಗತ್ತಿನ ಶ್ರೇಷ್ಟ ಧನುರ್ಧಾರಿ. ಇದರಲ್ಲಿ ನನಗೆ ಯಾವ ಸಂದೇಹವೂ ಇಲ್ಲ.

(ಈ ಕೂಟವನ್ನು ವೀಕ್ಷಿಸಲೆಂದು ನೆರೆದಿದ್ದ ಹಸ್ತಿನಾಪುರದ ನಾಗರೀಕರು ಅರ್ಜುನನಿಗೆ ಜೈಕಾರವನ್ನು ಹಾಕುತ್ತಾರೆ...ಅಷ್ಟರಲ್ಲಿ..ರಂಗಭೂಮಿಯನ್ನು ಪ್ರವೇಶಿಸಿದ ಕರ್ಣನು, ಹೆಬ್ಬಾಗಿಲ ಬಳಿ ನಿಂತು...ತನ್ನ ಧನಸ್ಸನ್ನು ಮುಂದೆ ಮಾಡುತ್ತಾ..)

ಕರ್ಣ - ಗುರು ದ್ರೋಣಾಚಾರ್ಯರೇ! ಒಬ್ಬ ವ್ಯಕ್ತಿಯ ಶೌರ್ಯವನ್ನಷ್ಟೇ ವೀಕ್ಷಿಸಿ, ಆತನೇ ಜಗತ್ತಿನ ಸರ್ವಶ್ರೇಷ್ಟ ಧನುರ್ಧಾರಿ ಎನ್ನುವ ತೀರ್ಮಾನಕ್ಕೆ ಬರುವುದು ಯಾವ ವೀರನಿಗೂ ಶೋಭೆನೀಡುವಂತಹದ್ದಲ್ಲ... ಒಮ್ಮೆ ನಿಮ್ಮ ಶಿಶ್ಯ ಅರ್ಜುನನ್ನು ನನ್ನ ವಿರುದ್ದ ಸೆಣಸಲು ಬಿಡಿ, ಆಗ ಜಗತ್ತಿನ ಶ್ರೇಷ್ಟ ಧನುರ್ಧಾರಿ ಯಾರೆಂದು ಎಲ್ಲರಿಗೂ ತಿಳಿಯುತ್ತದೆ.

ಕೃಪಾಚಾರ್ಯ -. ಹೇ, ವೀರ. ಪೆವಿಲಿಯನ್ ಹತ್ತಿರಕ್ಕೆ ಬಂದು ನಿಲ್ಲು. ಹಾಗೂ ನಮ್ಮೆಲ್ಲರ ಮುಂದೆ ನಿನ್ನ ಪರಿಚಯವನ್ನು ನೀಡು. ನೀನು ಯಾರು? ನಿನ್ನ ತಂದೆ-ತಾಯಿ ಯಾರು? ತಿಳಿಸು.

(ಕರ್ಣನು ಪೆವಿಲಿಯನ್ ಮುಂದೆ ಬಂದು ನಿಲ್ಲುತ್ತಾನೆ...ತನ್ನ ಜನ್ಮ ರಹಸ್ಯದ ಅರಿವಿರದ ಕರ್ಣನು ಕೃಪಾಚಾರ್ಯರ ಪ್ರಶ್ಣೆಗೆ ಉತ್ತರ ನೀಡದೆ ಅಸಹಾಯಕನಾಗಿ ತಲೆ ತಗ್ಗಿಸಿ ನಿಲ್ಲುತ್ತಾನೆ.
.
.
ಕರ್ಣನ ವಸ್ತ್ರ, ಕರ್ಣಕುಂಡಲ ಹಾಗೂ ಆತನ ಮುಖದಲ್ಲಿದ್ದ ಸೂರ್ಯನ ತೇಜಸ್ಸನ್ನು ಮಾತೆ ಕುಂತಿಯು ಗಮನಿಸುತ್ತಾಳೆ. ಈತ ತನ್ನ ಪುತ್ರನೇ ಎಂದು ಕೂಡಲೇ ಕಂಡುಕೊಳ್ಳುತ್ತಾಳೆ. ಆದರೆ ಎಲ್ಲರ ಮುಂದೆ ತಿಳಿಸಲಾಗದೆ ಹಾಗೂ ತನ್ನ ಪುತ್ರನ ಅಸಾಹಯಕ ಸ್ಥಿತಿಯನ್ನು ಕಂಡು ಮತ್ತಷ್ಟು ದಿಗ್ಬ್ರಮೆಯಿಂದ ಮೂರ್ಛೆ ಹೋಗುತ್ತಾಳೆ.
.
.
ಕೃಪಾಚಾರ್ಯರು ತಮ್ಮ ಪ್ರಶ್ಣೆಯನ್ನು ಮುಂದುವರೆಸುತ್ತಾರೆ...)

ಹೇ ವೀರ, ಇದು ಯುದ್ದಭೂಮಿಯಲ್ಲ. ಇದು ಕುರುವಂಶದ ರಂಗಭೂಮಿ. ಇಲ್ಲಿ ಸೆಣಸಲು ನಿನ್ನಂತಹ ಸಾಮಾನ್ಯ ಪ್ರಜೆಗಳಿಗೆಲ್ಲಾ ಅವಕಾಶವಿಲ್ಲ. ಇದು ಕೇವಲ ಸರಿ-ಸಮಾನರಲ್ಲಿ ನಡೆಯುವ ಪರೀಕ್ಷೆ. ಅರ್ಜುನನೊಡನೆ ಸೆಣಸಲು ನಿನಗೆ ಏನು ಯೋಗ್ಯತೆ ಇದೆ?

ಕರ್ಣ - ಅರ್ಜುನನೊಡನೆ ಸೆಣಸಲು ಈ ಧನಸ್ಸು ಸಾಕು. ನನಗೆ ಮತ್ತೇನು ಬೇಡ.

(ಕರ್ಣನ ಮಾತಿನಿಂದ ಕೋಪಗೊಂಡ ಅರ್ಜುನ, ಕೃಪಾಚಾರ್ಯರನ್ನು ಉದ್ದೇಶಿಸಿ.)

ಅರ್ಜುನ - ನನಗೆ ಈ ವೀರನೊಡನೆ ಸೆಣಸಲು ಅಪ್ಪಣೆ ನೀಡಿ ಗುರು. ಈತನನ್ನು ಕೆಲವೇ ಕ್ಷಣದಲ್ಲಿ ಸೋಲಿಸಿ, ಓಡಿಸುತ್ತೇನೆ.

(ಮತ್ತೊಂದು ಪೆವಿಲಿಯನ್‌ನಲ್ಲಿ ಕೂತಿದ್ದ ಭೀಮನು, ಕರ್ಣನ ಅಹಂಕಾರದ ಮಾತಿನಿಂದ ಕುಪಿತಗೊಂಡಿರುತ್ತಾನೆ)

ಭೀಮ - ಹೇ ಅರ್ಜುನ, ಯಕಹಷ್ಛಿತ್ ಒಬ್ಬ ಸಾರತಿಯ ಮಗ (ಕರ್ಣನ ಸಾಕು ತಂದೆ,ಅಧಿರತ, ದೃತರಾಷ್ಟ್ರನ ಸೈನ್ಯದಲ್ಲಿ ಒಬ್ಬ ಸಾರತಿ)ನಿಗಾಗಿ ನಿನ್ನ ವಿದ್ಯೆಯನ್ನು ಪ್ರಸರ್ಶಿಸಬೇಕಿಲ್ಲ. ಆತನನ್ನು ನಿರ್ಲಕ್ಷಿಸು ಹಾಗೂ ಆಚಾರ್ಯರ ಅಪ್ಪಣೆ ಪಡೆದು ಇಲ್ಲಿ ಬಂದು ಆಸೀನನಾಗು.

(ಕರ್ಣನ ಆತ್ಮವಿಶ್ವಾಸವನ್ನು ಕಂಡು ಬೆರಗಾದ ಧುರ್ಯೋಧನನು, ಭವಿಷ್ಯದಲ್ಲಿ ಪಾಂಡವರ ವಿರುದ್ದ ಹೋರಾಡ ಬೇಕಾದ ಸಂದರ್ಭವು ಎದುರಾದಾಗ, ಮದ್ಯಮ ಪಾಂಡವ ಅಂದರೆ ಅರ್ಜುನನನ್ನು ಎದುರಿಸಲು ನಮ್ಮ ಬಳಿ ಇಂತಹ ವೀರನ ಅವಶ್ಯಕತೆ ಇದೆ, ಎಂಬುದನ್ನು ಮನಸ್ಸಿನಲ್ಲೇ ಲೆಕ್ಕ ಹಾಕುತ್ತಾನೆ)

ಧುರ್ಯೋಧನ - ಗುರು ಕೃಪಾಚಾರ್ಯರೇ! ಈ ವೀರನಿಗೆ ಅರ್ಹತೆ ಇಲ್ಲ ಎಂಬುದು ನಿಮ್ಮ ಅಭಿಪ್ರಾಯವಾದರೆ, ನನ್ನ ತಂದೆಯಿಂದ ನನಗೆ ನೀಡಲಾಗಿರುವ ಆಂಗ ದೇಶದ ಪಟ್ಟವನ್ನು ಈ ವೀರನಿಗೆ ನೀಡುವ ಅಧಿಕಾರವನ್ನು ಬಳಸಿಕೊಳ್ಳುತ್ತೇನೆ. ಈತ ಇಂದಿನಿಂದ ಆಂಗ ರಾಜ್ಯದ ರಾಜ.

(ತನ್ನ ಹೊಸ ಗೆಳಯ ಕರ್ಣನನ್ನು)
ಹೇ ಮಿತ್ರ, ನೀನು ಇಲ್ಲಿ ಸೆಣಸಲು ಅರ್ಹನಾಗಿದ್ದೀಯ. ನಿನ್ನನ್ನು ತಡೆಯಲು ಇಲ್ಲಿ ಯಾರಿಗೂ ಅವಕಾಶ ನೀಡುವುದುಲ್ಲ. ಇಂದಿನಿಂದ ನೀನು ನನ್ನ ಆಂಗರಾಜ್ಯದ ರಾಜ. ಈಗಲೇ ನಿನಗೆ ಪಟ್ಟಾಭಿಷೇಕ ಮಾಡುತ್ತಿದ್ದೇನೆ.

(ಇಲ್ಲಿಯವರೆಗೆ ತನ್ನ ಜೀವನದಲ್ಲಿ ಕೇವಲ ನಿಂದನೆಗಳನ್ನೇ ಎದುರಿಸುತ್ತಾ ಬಂದಿದ್ದಾ ಕರ್ಣನಿಗೆ, ಧುರ್ಯೋಧನನು ನೀಡಿದ ಮರ್ಯಾದೆ ಹಾಗೂ ಮಹತ್ವದ ರಾಜನ ಪಟ್ಟವನ್ನು ಸ್ವೀಕರಿಸುತ್ತಾ.)

ಕರ್ಣ - (ತನ್ನನ್ನು ನಿಂದನೆಗಳಿಂದ ಪಾರು ಮಾಡಿದ ಧುರ್ಯೋಧನನ್ನು ಉದ್ದೇಶಿಸಿ) ಮಿತ್ರ ಧುರ್ಯೋಧನ, ನಿನ್ನ ಈ ಋಣವನ್ನು ಹೇಗೆ ತೀರಿಸಲೆಂದು ನನಗೆ ತಿಳಿಯದು. ಆದರೆ ಇಂದಿನಿಂದ ನನ್ನ ನಿಷ್ಟೆ ನಿನಗೆ ಹಾಗೂ ಕೇವಲ ನಿನ್ನೊಬ್ಬನಿಗೇ. ನನ್ನ ಕೊನೆ ಉಸಿರಿರುವವರೆಗೂ ನಿನ್ನ ಶ್ರೇಯಸ್ಸಿಗೆ ಹೋರಾಡುತ್ತೇನೆ. ಇದು ನಾನು ನಿನಗೆ ನೀಡುತ್ತಿರುವ ವಚನ.

(ಆ ಮೂಲಕ ಧುರ್ಯೋಧನನು ಕರ್ಣನ ಸ್ನೇಹವನ್ನು ಗೆಲ್ಲುತ್ತಾನೆ. ಕರ್ಣ ಕುಂತಿಯ ಮಗನೆಂದು ಸ್ವತಃ ಕುಂತಿಗೆ ಬಿಟ್ಟರೆ, ಆ ಕ್ಷಣಕ್ಕೆ ಕರ್ಣನನ್ನೂ ಸೇರಿಸಿಕೊಂಡು ಬೇರೆ ಯಾರಿಗೂ ತಿಳಿದಿರಿರುವುದಿಲ್ಲ.)

(ಅಂದಿನಿಂದ ಪರಸ್ಪರ ಸ್ನೇಹಿತರಾದ ಕರ್ಣ-ಧುರ್ಯೋಧನರು ಕೊಟ್ಟ ಮಾತಿಗೆ ತಪ್ಪದೇ... ತಮ್ಮ ಕಟ್ಟಕಡೆ ಉಸಿರಿರುವವರೆಗೂ ಪರಸ್ಪರ ಸ್ನೇಹವನ್ನು ಕಾಪಾಡಿಕೊಳ್ಳುತ್ತಾರೆ.)

ಧುರ್ಯೋಧನನು ದುರಹಂಕಾರಿ, ಮಹತ್ವಾಕಾಕ್ಷಿ, ಸ್ವಾರ್ಥಿ, ಮುಂಗೋಪಿ ಎಂದೆಲ್ಲಾ ಕರೆಸಿಕೊಂಡರೂ ಕರ್ಣನೊಂದಿಗಿನ ಸ್ನೇಹದ ವಿಷಯದಲ್ಲಿ ಮಾತ್ರ ಒಬ್ಬ ಶ್ರೇಷ್ಟ ವ್ಯಕ್ತಿಯಾಗಿ ವಿಶಿಷ್ಟವಾದ ಪಾತ್ರವಾಗಿ ಕಾಣಬಹುದು.

ಮಹಾರಥಿ ಅರ್ಜುನ

2010-07-03T13:11:00.003+05:30

ಮದ್ಯಮ ಪಾಂಡವ ಅರ್ಜುನನನ್ನು, ಸಂಧರ್ಬಕ್ಕೆ ಅನುಸಾರವಾಗಿ ಹತ್ತು ಹಲವು ವಿವಿದ ನಾಮಗಳಲ್ಲಿ ವರ್ಣಿಸಿರುವುದನ್ನು ನಾವೆಲ್ಲಾ ಓದಿರುತ್ತೇವೆ. ಇಲ್ಲಿ ಕೆಲವು ನಾಮಗಳನ್ನು ಪಟ್ಟಿಮಾಡಲಾಗಿದೆ.

ಧನಾಂಜಯ್
ವಿಜಯ್
ಶ್ವೇತವಾಹನ್
ಫಲ್ಗುನಿ
ಕಿರಿತಿ
ವಿಭತ್ಸು
ಸವ್ಯಸಾಚಿ
ಅರ್ಜುನ್
ಜಿಷ್ಣು
ಕೃಷ್ಣ

+

ಪಾರ್ಥ, ಗಾಂಢೀವಿ.

ಇಷ್ಟಲ್ಲದೇ ಅರ್ಜುನನಿಗೆ ಇನ್ನೂ ಬೇರೆ ನಾಮಗಳಿವೆಯೇ? (ಇದ್ದರೆ, ಅವು ಯಾವುವು?) ಹಾಗೂ ಈ ಎಲ್ಲಾ ನಾಮಗಳ ಹಿನ್ನೆಲೆ ಏನು ಎಂಬುದನ್ನು ವಿವರಿಸಬಲ್ಲಿರಾ?

ಡರ್ರಂ ಬುರ್ರಂ ಭಯಂ ನಾಸ್ತಿ

2010-06-22T19:17:00.002+05:30

ಸಿನೆಮಾಗಳಿಂದ ನಾಲ್ಕು ಆಯ್ದ ಸಂಭಾಷಣೆಗಳು:

ನೋಡಮ್ಮಾ! ಯಾವ್ದನ್ನು ನೋಡಿದಾಗ ಏನು ಭಾವನೆ ಉಂಟಾಗ್ಬೇಕೋ ಅದಾಗೋದು ಪ್ರಕೃತಿ ಧರ್ಮ,

ಅದಕ್ಕೆ ವಿರುದ್ದವಾದ ಭಾವ್ನೆ ಉಂಟಾಗೋದು ಅಥ್ವಾ ಭಾವ್ನೇನೆ ಉಂಟಾಗ್ದೆ ಇರೋದು.,ಏರಡೂ ಅಸಹಜ.

ಹೆಣ್ಣನ್ನ ಯಾವ್ ಸ್ಥಿತಿಯಲ್ಲಿ ನೋಡಿದ್ರೂ ಗಂಡು ಸಮ್ಯಮವಾಗಿ ಇದ್ದು ಬಿಡ್ವಂತ ಸ್ಥಿತಿ ತಲುಪ್ಬಿಟ್ರೇ ಪ್ರಪಂಚದ ಬೆಳವಣಿಗೆನೆ ನಿಂತೊಗುತ್ತೆ.

ಚಪ್ಪಾಳೆ. ಪ್ಳಾಪ್ ಪ್ಳಾಪ್ ಪ್ಳಾಪ್ ಪ್ಳಾಪ್ ಪ್ಳಾಪ್

- ಗಣೇಶ ಮತ್ತೆ ಬಂದ

ನನ್ಮನೆ ಮುಂದಿರೋ ತೋಟದ ರಕ್ಷಣೆ ಮಾಡ್ಕೊಬೇಕಂತಂದ್ರೆ

ಅದಕ್ಕೆ ಬೇಲಿ ಹಾಕೋದು ಬುದ್ದಿವಂತಿಕೆನೇ ಹೊರ್ತು

ಅದನ್ನ ಪ್ರದರ್ಶನಕಿಟ್ಟು ಬರೋ ದನಗಳನ್ನೆಲ್ಲ ಓಡಿಸ್ತೀನಿ ಅಂತ ದನ ಕಾಯ್ಕಂಡು ಕೂತ್ಕನದಲ್ಲ.

- ಗಣೇಶ ಮತ್ತೆ ಬಂದ

ಒಗ್ಗಟ್ಟೋನ್ದಿದ್ರೆ ಎಂತಹ ಮನೆ ಹಾಳ್ ಕೆಲಸ ಬೇಕಾದರೂ ಮಾಡ್ಬೌದು/

- ಅವ್ವ

ಡರ್ರಂ ಬುರ್ರಂ ಭಯಂ ನಾಸ್ತಿ.

ಕುಯ್ಯಮ್ ಪುಯ್ಯಮ್ ಮದ್ಯಮಮ್

ಠುಸ್ಸಾಕಾಳಮ್ ಮಹಾಗೋಳಮ್

ನಿಶ್ಯಬ್ದಮ್ ಪ್ರಾಣ ಸಂಕಟಮ್

ಅನಾಥರು,

ಜಗತ್ತಿನ ಎಲ್ಲಾ ತಾಯಂದಿರಿಗೂ ಶುಭಾಶಯಗಳು, Happy mothers day

2010-05-09T13:09:00.001+05:30

ಜಗತ್ತಿನ ಎಲ್ಲಾ ತಾಯಂದಿರಿಗೂ ಶುಭಾಶಯಗಳು

ಗ್ರೀಸ್ ದೇವತೆ 'ರಿಯಾ'ಳ ಗೌರವಾರರ್ಥ ಜೀತದಾಳುಗಳಿಗೆ ವರ್ಷದಲ್ಲಿ ಒಂದು ದಿನ ಮನೆಗೆ ಹಿಂತಿರುಗಿ ತಾಯಂದಿರ ಜತೆ ಸಂತೋಷವಾಗಿ ಕಾಲ ಕಳೆದು ಪುನಃ ಕೆಲಸಕ್ಕೆ ಹಿಂತಿರುಗಲು ಅನುಮತಿ ನೀಡಲಾಗುತ್ತಿತ್ತು. ಹೀಗೆ ಪ್ರಾರಂಬವಾಗಿತ್ತು 'ಮದರ್ಸ್ ಡೇ'. - ಸುದ್ದಿ, ವಿ.ಕ. ಶಾಂತಾ ನಾಗರಾಜ್ ಕೆ.

ಈಗ ನಾವೂ ಸಹ ಒಂದು ರೀತಿ ಜೀತದಾಳುಗಳೇ... ಏಕೆಂದರೆ, ನಮ್ಮಲ್ಲಿ ಅನೇಕರು ಜೀವನೋಪಾಯಕ್ಕೆ ಮತ್ತೊಬ್ಬರ ಕೈ ಕೆಳಗೆ ಹಣಕ್ಕಾಗಿ ಕೆಲಸ ಮಾಡುತ್ತಿದ್ದೇವೆ. ಅಲ್ಲವೇ?

Happy mothers day

ಚಿತ್ರಗಳು ಗೂಗಲ್ ನಿಂದ ಎತ್ತಿದ್ದು.

ಪದ पद పద్ പട് પદ ਪਦ ପଡ଼ পদ Pada

2010-05-04T00:26:00.003+05:30

ಗಣಕದಲ್ಲಿ ಪ್ರಮುಖ ಭಾರತೀಯ ಭಾಷೆಗಳನ್ನ ಬಳಸಲು ಅನುವಾಗಲಿಕ್ಕೆ ನಡೆಸುತ್ತಿರುವ ಹೊಸ ಪ್ರಯತ್ನವೇ ಪದ. ಒಟ್ಟು ೮ ಭಾರತೀಯ ಭಾಷೆಗಳನ್ನು ಬೆಂಬಲಿಸಲಾಗಿದೆ. * ಕನ್ನಡ. *ಹಿಂದಿ *ತೆಲುಗು *ಮಲಯಾಳಂ *ಗುಜರಾತಿ *ಗುರುಮುಖಿ (ಪಂಜಾಬಿ) *ಒರಿಯಾ *ಬಂಗಾಳಿ ಹಾಗೂ ಆಂಗ್ಲ ಭಾಷೆಗಳನ್ನು ಬೆಂಬಲಿಸಲಾಗಿದೆ. ಎಲ್ಲಾ ಭಾಷೆಗಳಿಗೂ ಕೀಲಿಮಣೆ ಮಾದರಿಯ ಚಿತ್ರಗಳನ್ನ ಸೇರಿಸಲಾಗಿದೆ.

ಪದ पद పద్ പട് પદ ਪਦ ପଡ଼ পদ Pada

ಬನ್ನಿ ಲೋದ್ಯಾಶಿ.ಕಾಂ ಗೆ ಭೇಟಿ ನೀಡಿ. ಪದವನ್ನು ಇಳಿಸಿಕೊಳ್ಳಿ. ನೀವೂ ಸಹ ಪದ ಬಳಸಿ. ಪರಸ್ಪರರು ಹಂಚಿಕೊಳ್ಳಿ ಹಾಗೂ ಇನ್ನೂ ಹೆಚ್ಚು ಹೆಚ್ಚು ಕೈಗಳಿಗೆ ತಲುಪಿಸಿ. ಧನ್ಯವಾದಗಳು.

ವಿ ಸೂ:ಲೋಹಿತಂತ್ರಾಂಶದ ಯಾವುದೇ ಆವೃತ್ತಿಯನ್ನು ನೀವು ಬಳಸುತ್ತಿದ್ದರೆ ದಯವಿಟ್ಟು ಸಂಪೂರ್ಣವಾಗಿ ತೆಗೆದು ಹಾಕಿ. ಇನ್ನು ಮುಂದೆ ಅದನ್ನು ಇತರರಿಗೆ ದಯವಿಟ್ಟು ಹಂಚ ಬೇಡಿ.

http://www.youtube.com/watch?v=FMwx-JaX2Bc&feature=player_embedded

Pada

Pada software supports eight Indian languages.

*Kannada *Hindi *Telugu *Malayalam *Gujarati *Gurumikhi (Panjabi) *Oriya *Bengali and *English

Key Features:

* Available for both Linux & Windows.

* Auto-completion is supported for both Unicode and ANSI kannada.

* Open and Edit documents created in Baraha or Nudi software.

* Create simple text, HTML or PDF documents.

* Idential keyboard layout for all languages

Feel free to distribute. Please visit http://lodyaashi.com

Thanks

P.S: Please remove all versions of the Lohitantraamsha and Please stop distributing that software and download a fresh copy of Pada.

Kannada-Lohit-IME 3.4

2010-04-11T16:59:00.001+05:30

1. Kannada-Lohit-IME 3.4

How to use? - First time first steps.

1. Windows START ---->

2. Control panel ----->

3. Regional and Language Options --> " Details"

4. Select "Kannada-Lohit-IME"

Click "OK". "OK"

NOTE : These (above) steps are not required EVERY TIME. This is only for first time.

^^^^ * ^^^^

2. Kannada-Lohit-IME 3.4

1. Open any application, For example, Wordpad, Notepad, MS Word... etc.

2. Click on Kannada-Lohit-IME on Language bar.

3. Start writing directly in kannada...

1 + 7 + 1 = ?

2010-04-11T14:57:00.002+05:30

1. ಕನ್ನಡ
+
2. ಹಿಂದಿ हिंदि
3. ತೆಲುಗು తెకుగు
೪. ಮಲಯಾಳಂ മലയാളം
೫. ಬೆಂಗಾಳಿ বেংগালি
೬. ಒರಿಯ ଓରିଯ
೭. ಪಂಜಾಬಿ ਪਂਜਾਬਿ
೮. ಗುಜರಾತಿ ગુજરાતિ
+
೯. ಇಂಗ್ಲೀಷ್ English

ಒಟ್ಟು ಎಂಟು ಭಾರತೀಯ ಭಾಷೆಗಳು ಹಾಗೂ ಈ ಎಲ್ಲಾ ಭಾಷೆಗಳಿಗೂ ಕರ್ನಾಟಕ ಸರ್ಕಾರದ ಅಧಿಕೃತ ಕನ್ನಡ ಕೀಲಿಮಣೆ ವಿನ್ಯಾಸವನ್ನೇ ಅಳವಡಿಸಿರುವುದು ವಿಶೇಷ. ಜೊತೆಗೆ ಆಂಗ್ಲ ಭಾಷೆಯೂ ಇರುತ್ತದೆ.

ಭೇಟಿ ನೀಡಿ , http://lodyaashi.com ಆವ್ರತ್ತಿ ೨.೦

ಶುಭಾಶಯಗಳು

2010-03-15T23:10:00.000+05:30

ಮಕ್ಕಳಿಲ್ಲಿಲ್ಲದವರಿಗೆ ಮಕ್ಕಳಾಗಲಿ,

ಗಂಡು ಸಿಗದವರಿಗೆ ಗಂಡು ಸಿಗಲಿ,

ಹೆಣ್ಣು ಸಿಕ್ಕದವರಿಗೆ ಹೆಣ್ಣು ಸಿಗಲಿ,

ಹಣ ಇಲ್ಲದವರಿಗೆ ಹಣ ಸಿಕ್ಕಲಿ,

ವಿದ್ಯೆಯಿಲ್ಲದವರಿಗೆ ವಿದ್ಯೆ ಸಿಗಲಿ,

ಬುದ್ದಿ ಇಲ್ಲದವರಿಗ ಬುದ್ದಿ ಬರಲಿ,

ನನಗೆ ಅದು ಸಿಕ್ಕಿಲ್ಲ ಇದು ಸಿಕ್ಕಲಿಲ್ಲ ಎಂದು ದಿನೇ ದಿನೇ ಪರಿತಪಿಸುವುದು ನಿಲ್ಲಲಿ

ತಮ್ಮ ಬಳಿ ಇರುವುದ-ಇಲ್ಲದೇ ಇರುವುದ ಎರಡರಿಂದಲೂ ಸಮಾನ ಅಂತರವನ್ನ ಕಾಪಾಡಿಕೊಳ್ಲಿ

ಆಸೆಗಳಿಗೆ ಕೊನೆ-ಮೊದಲಿಲ್ಲ. ಆದರೆ ಅಗತ್ಯಕ್ಕೆ ತಕ್ಕಂತೆ ಅವಶ್ಯಕತೆ ಬೆಳೆಸಿಕೊಳ್ಲಿ, ಬೆಸೆದುಕೊಳ್ಳಿ

ಯುಗಾದಿಯ ಬೇವು-ಬೆಲ್ಲ ಸವಿದು, ಹರುಸದಿಂದ ಹೊಸ ವರುಸವನ್ನ ಆಹ್ವಾನಿಸೋಣ.

ಎಲ್ಲರಿಗೂ ಶುಭಾಶಯಗಳು.

ಪ್ರತಿಕಾರ ಹೋರಾಟದಲ್ಲಿ ಹಸ್ತಕ್ಷೇಪ ಮಾಡಬೇಡಿ

2010-02-28T17:02:00.001+05:30

ಸುಮಾರು ೮ ತಿಂಗಳ ಹಿಂದೆ ಓದಲು ಆರಂಬಿಸಿ, ನಂತರ ಹಲವಾರು ವಿವಿದ ಕಾರಣಗಳಿಂದಾಗಿ ಆ ಪುಸ್ತಕವನ್ನ ಓದುವುದನ್ನ ಅರ್ಧಕ್ಕೇ ನಿಲ್ಲಿಸಿ ಬಿಟ್ಟಿದ್ದೆ. ಆದರೆ ನಿನ್ನೆ ರಾತ್ರಿ ಅದೇಕೋ ಮತ್ತೆ ಆ ಪುಸ್ತಕವನ್ನ ಓದುವುದನ್ನ ಮುಂದುವರಿಸಿದೆ. ನಿನ್ನೆ ತಡ ರಾತ್ರಿವರೆಗೆ ಓದಿದೆ, ರಾತ್ರಿ ಕೆಲವು ವಿಡಿಯೋ ದೃಶ್ಯಗಳನ್ನ ಯೂಟ್ಯುಬಿನಲ್ಲಿ ವೀಕ್ಷಿಸಿದ್ದೆ. ಅದೇ ಗುಂಗಿನಲ್ಲಿ ಬೆಳಗ್ಗೆ ತಡವಾಗಿ ಎದ್ದರೂ, ಇಂದಿನ ದಿನಾಂಕವನ್ನ ಗಮನಿಸಿದಾಗ, ಒಂದು ಕಾಕತಾಳೀಯ ಅಂಶ ನನ್ನ ಗಮನಕ್ಕೆ ಬಂತು. ಅದೆಂದರೆ ಗುಜರಾತ್ - ಗೋಧ್ರಾ ನಗರದಲ್ಲಿ ಸಬರಮತಿ ಎಕ್ಸ್‌ಪ್ರೆಸ್ ರೈಲಿನ ದುರ್ಘಟನೆಗೆ ಇಂದು ೯ ನೇ ವಾರ್ಷಿಕೋತ್ಸವ.

ಇದಿಷ್ಟು ಇಂದಿನ ನನ್ನ ಬರಹಕ್ಕೆ ಬರೀ ಪೀಠಿಕೆ ಮಾತ್ರ.

ಪುಸ್ತಕದ ಹೆಸರು : "ನರೇಂದ್ರ ಮೋದಿ - ಯಾರೂ ತುಳಿಯದ ಹಾದಿ".

ಲೇಖಕರು : ಪ್ರತಾಪ್ ಸಿಂಹ. http://pratapsimha.com/ , ವಿಜಯ ಕರ್ನಾಟಕ.

ಮೇಲೆ ಸೂಚಿಸಿರುವ ಘಟನೆಗೆ ಸಂಭಂದಿಸಿದಂತೆ ಈ ಪುಸ್ತಕದಲ್ಲಿ ವಿವರಣೆಗಳಿವೆ. ಇವುಗಳನ್ನ ನೇರವಾಗಿ ಪುಸ್ತಕದಿಂದ ಇಲ್ಲಿಗೆ ಇಳಿಸಿದ್ದೇನೆ.

~~~~(೦)~~~~

.....೨೦೦೨, ಪೆಬ್ರವರಿ ೨೭ ರಂದು ಪೈಜಾಬಾದ್‌ನಿಂದ ಅಹಮದಾಬಾದ್‌ಗೆ ತೆರಳುತ್ತಿದ್ದ ಸಾಬರ್‌ಮತಿ ಎಕ್ಸ್‌ಪ್ರೆಸ್ ರೈಲಿನ ಮೇಲೆ ಪೂರ್ವನಿಯೋಜಿತ ದಾಳಿ ನಡೆಯಿತು. ಗೋಧ್ರಾ ಬಳಿ ನಡೆದ ಈ ದಾಳಿಯಲ್ಲಿ ಮಹಿಳೆಯರು, ಮಕ್ಕಳೂ ಸೇರಿದಂತೆ ೫೮ ಜನರು ಸಜೀವ ದಹನವಾದರು,

...

ಮೋದಿ ಚುನಾವಣೆಯಲ್ಲಿ ಗೆದ್ದ ಮೂರೇ ದಿನಗಳಲ್ಲಿ ಗೋಧ್ರಾ ಘಟನೆ ನಡೆದಿದ್ದೇಕೆ? ಅದು ಕಾಕತಾಳೀಯವೇ? ಅಥವಾ ಪೂರ್ವನಿಯೋಜಿತವೇ?

...

ಪೆಬ್ರವರಿ ೨೭ ರ ಬೆಳಗ್ಗೆ ಏನಾಯಿತು ಎಂಬುದನ್ನು ಗಮನಿಸೋಣ.

೭.೪೨ - ಸಾಬರ ಮತಿ ಎಕ್ಸ್‌ಪ್ರೆಸ್ ರೈಲು ಗೊಧ್ರಾ ನಿಲ್ದಾಣಕ್ಕೆ ಆಗಮನ.

೭.೪೭ - ಮುಂದಕ್ಕೆ ಹೊರಡಲು ಪ್ರಾರಂಬ. ಆದರೆ ರೈಲ್ವೇ ನಿಲ್ದಾಣದಲ್ಲಿ ಹೊತ್ತು ಮಾರುವವರು ಕಲ್ಲು ತೂರಾಟ ಆರಂಭಿಸುತ್ತಾರೆ,

೭.೫೦ - ರೈಲಿನ ಚೈನು ಎಳೆಯಲಾಗುತ್ತದೆ,

೮.೦೦ - ಎರಡನೇ ಬಾರಿಗೆ ಚೈನನ್ನು ಎಳೆಯುತ್ತಾರೆ.

೮.೦೭ - ರೈಲನ್ನು ಸುತ್ತುವರಿದ ದೊಡ್ಡ ಗುಂಪೊಂದು ಎಸ್-೬ ಭೋಗಿದೆ ಬೆಂಕಿ ಹಚ್ಚಿತು.

ಈ ಘಟನೆಯ ಬಗ್ಗೆ ಸತ್ಯಶೋಧನೆ ಮಾಡುವ ಸಲುವಾಗಿ ಸಂಪಾದಕರ ತಂಡವೊಂದು ಗುಜರಾತಿಗೆ ತೆರೆಳಿತು. ಅದನ್ನು "ಸೆಕ್ಯುಲರ್‌ ಮಿಷನ್" ಎಂದು ಕರೆಯಬಹುದು. ಏಕೆಂದರೆ ಮುಂಭೈನ ಮಿಡ್ ಡೇ ಪತ್ರಿಕೆಯ ಸಂಪಾದಕ ಆಕಾರ್ ಪಟೇಲ್, ಖ್ಯಾತ ಪತ್ರಕರ್ತ ಬಿ.ಜಿ. ವರ್ಗೀಸ್ ಹಾಗೂ ದಿಲೀಫ್ ಪಡಗಾಂವ್ ಕರ್ ಆ ತಂಡದಲ್ಲಿದ್ದರು.

picture source

"ಸಾಬರ್‌ಮತಿ ಎಕ್ಸ್‌ಪ್ರೆಸ್ ರೈಲು ನಿಗದಿತ ಸಮಯಕ್ಕಿಂತ ವಿಳಂಬವಾಗಿ ಸಾಗುತ್ತಿತ್ತು. ಹಾಗೆ ಸಾಗುತ್ತಿದ್ದ ರೈಲಿಗೆ ಪೆಬ್ರವರಿ ೨೭ ರ್ ಬೆಳಗ್ಗೆ ೮ ಗಂಟೆಗೆ ಗೋಧ್ರಾ ಬಳಿ ಬೆಂಕಿ ಹಚ್ಚಲಾಯಿತು.

....

ಈ ಮಧ್ಯೆ ಅನಾಮಧೇಯ ಇ-ಮೇಲೊಂದು ಎಲ್ಲರಿಗೂ ಬರಲಾರಂಬಿಸಿತು. ಘಟನೆಯ ಪ್ರತ್ಯಕ್ಷದರ್ಶಿಗಳಾಗಿದ್ದ ಸ್ಥಳೀಯ ವರದಿಗಾರರಾದ ಅನಿಲ್ ಮತ್ತು ನೀಲಮ್ ಸೋನಿ ಎಂಬವರ ವೃತ್ತಿ ಮತ್ತು ದೂರವಾಣಿ ಸಂಖ್ಯೆಗಳನ್ನು ಆ ಇ-ಮೇಲ್ ನಲ್ಲಿ ಉಲ್ಲೇಖಿಸಲಾಗಿತ್ತು. ಅದರಲ್ಲಿ ಕರಸೇವಕರು ಹಾಗೂ ತಿಂಡಿ ತಿನಿಸುಗಳನ್ನು ಮಾರಾಟ ಮಾಡಿತ್ತಿದ್ದ ಅಲ್ಪಸಂಖ್ಯಾತ ಸಮುದಾಯದವರ ನಡುವೆ ಘರ್ಷಣೆಯೋಂದು ನಡೆಯಿತು. ಅಲ್ಲದೇ ಮುಸ್ಲಿಂ ಸಮುದಾಯದ ಬಾಲಕಿಯೊಬ್ಬಳ ಮೇಲೆ ಕರಸೇವಕರು ಲೈಂಗಿಕ ದೌರ್ಜನ್ಯ ನಡೆಸಿದ ಕಾರಣ ಕೋಪೋದ್ರಿಕ್ತ ಅಲ್ಪಸಂಖ್ಯಾತರು ಕರಸೇವಕರಿದ್ದ ಎಸ್-೧೬ ಬೋಗಿಯ ಮೇಲೆ ಕಲ್ಲು ತೂರಾಟ ಆರಂಬಿಸಿದರು, ಕೊನೆಗೆ ಬೆಂಕಿ ಹಚ್ಚಲಾಯಿತು" ಎಂದು ವಿವರಿಸಲಾಗಿತ್ತು.

ಇದು ಸಂಪಾದಕರ ತಂಡ ನೀಡಿದ ವರದಿ. ಆದರೆ ಈ.ಮೇಲ್‌ನ್ನು ಕಳುಹಿಸಲು ಆರಂಬಿಸಿದ್ದು ಯಾರು, ಯಾವಾಗ ಎಂಬುದು ಮಾತ್ರ ಸ್ಪಷ್ಟವಾಗಲಿಲ್ಲ. ಈ ಬಗ್ಗೆ ಅನಿಲ್ ಮತ್ತು ನೀಲಮ್ ಸೋನಿಯವರನ್ನೇ ಪ್ರಶ್ನಿಸಿದಾಗ, ನಾವು ಅಂತಹ ಯಾವುದೇ ವರದಿಯನ್ನೂ ಮಾಡಿಲ್ಲ ಎಂದರು. ನಮ್ಮ ಹೇಳಿಕೆಯನ್ನು ತಿರುಚಲಾಗಿದೆ ಎಂದು ಪ್ರತಿಮಾದಿಸಿದರು.ಹಾಗಾದರೆ ಘಟನೆ ನಡೆದ ಕೆಲವೇ ಕ್ಷಣಗಳಲ್ಲಿ ಲಕ್ಷಾಂತರ ಜನರಿಗೆ ಕಳುಹಿಸಲಾದ ಈ.ಮೇಲ್ ಸೃಷ್ಟಿಯಾಗಿದ್ದು ಹೇಗೆ? ಅಷ್ಟೋಂದು ಶೀಘ್ರವಾಗಿ ಸುಳ್ಳಿನ ಸರಮಾಲೆಯನ್ನು ಹರಡಲು ಯತ್ನಿಸಿದ್ದು ಯಾವ ಉದ್ದೇಶಕ್ಕಾಗಿ? ಯಾರ ಹಿತಾಸಕ್ತಿಗಾಗಿ? ಅದಿರಲಿ, ಕರಸೇವಕರು ಅತ್ಯಾಚಾರವೆಸಗಿದ್ದಾರೆನ್ನಲಾದ ೧೬ ವರ್ಷದ ಮುಸ್ಲಿಂ ಯುವತಿ ಎಲ್ಲಿ ಹೋದಳು? ಈ ಬಗ್ಗೆ ಯಾವ ಉತ್ತರವೂ ಇಲ್ಲ. ಸೆಕ್ಯುಲರ್ ಮಾಧ್ಯಮಗಳಿಗೆ ಉತ್ತರವೂ ಬೇಕಿಲ್ಲ. ಮೋದಿಯವರನ್ನು ನಿಂದಿಸಲು ನೆಪವೊಂದು ಬೇಕಿತ್ತಷ್ಟೆ.

picture source

"೨೦೦೨, ಪೆಬ್ರವರಿ ೨೭ರ ರಾತ್ರಿ ಉನ್ನತ ಅಧಿಕಾರಿಗಳನ್ನು ಕರೆಸಿಕೊಂಡ ಮೋದಿ, ಹಿಂದೂಗಳ ಪ್ರತಿಕಾರ ಹೋರಾಟದಲ್ಲಿ ಹಸ್ತಕ್ಷೇಪ ಮಾಡಬೇಡಿ ಎಂದು ನಿರ್ದೇಶನ ನೀಡಿದರು. ಇಂತಹ ಮಾಹಿತಿಯನ್ನು ನೀಡಿದ್ದು ಮೋದಿ ಸಂಪುಟದಲ್ಲಿದ್ದ ಸಚಿವರೊಬ್ಬರು" ಎಂದು ಔಟ್‌ಲುಕ್ ಪತ್ರಿಕೆ ಪ್ರತಿಪಾದಿಸಿತು.

ಆದರೆ ನಡೆದಿದ್ದೇನು?

೧. ....

೨. ....

೩. ....

೪. ....

೫. ...

೬....

೭....

೮....

೯...

೧೦...

೧೧...

೧೨...

೧೩...

೧೪...

ಹೀಗೆ ಎಲ್ಲ್ ರೀತಿಯ ಮುಂಜಾಗ್ರತೆಗಳನ್ನು ತೆಗೆದುಕೊಂಡ ಮೋದಿಯವರನ್ನು ಸೆಕ್ಯುಲರ್ ಮಾದ್ಯಮಗಳು, ವಾದಿಗಳು ದೂರುವುದರಲ್ಲಿ ಯಾವ ಅರ್ಥವಿದೆ? ಒಂದು ವೇಳೆ ಮೋದಿಯವರಿಗೆ ಅಲ್ಪಸಂಖ್ಯಾತರ ಬಗ್ಗೆ ಯಾವ ಕಾಳಜಿಯೂ ಇರದಿದ್ದರೆ ಅರೆಸೇನಾ ಪಡೆಗಳು, ಶೀಘ್ರ ಪ್ರಹಾರ ದಳ ಹಾಗೂ ಸೇನೆಯನ್ನು ಏಕೆ ನಿಯೋಜಿಸುತ್ತಿದ್ದರು? ಗುಜರಾತ್ ವಿಧಾನಸಭೆಯ ಅಧಿವೇಶನವನ್ನು ಅರ್ಧದಲ್ಲೇ ಬಿಟ್ಟು ಮೋದಿ ಫೆಬ್ರವರಿ ೨೭ ರಂದು ಗೋಧ್ರಾಕ್ಕೆ ಧಾವಿಸುತ್ತಿದ್ದರೆ? ಇಷ್ಟಾಗಿಯೂ ಗುಜರಾತ್ ಜನರ ಬಗ್ಗೆ ಮಾದ್ಯಮಗಳು ಮತ್ತು ಸೆಕ್ಯುಲರ್ ವಾದಿಗಳು ಟೀಕಾಪ್ರಹಾರ ಮಾಡಿದವು. ಇದು ಗುಜರಾತಿಗಳಿಗೆ ನೋವುಂಟುಮಾಡಿತು.

~~~~(೦)~~~~

ಹೆಚ್ಚಿನ ಆಸಕ್ತಿ ಇರುವವರು, ನರೇಂದ್ರ ಮೋದಿಯವರ ಬಗ್ಗೆ ಇನ್ನೂ ಹೆಚ್ಚು ತಿಳಿದು ಕೊಳ್ಳವ ಕುತೂಹಲವಿರುವವರು ಪುಸ್ತಕವನ್ನ ತಪ್ಪದೇ ಓದಿ. ಪುಸ್ತಕವು ಲೇಖಕರ ತಾಣದಲ್ಲಿ ಉಚಿತವಾಗಿ ಲಭ್ಯವಿದೆ.

ನರೇಂದ್ರ ಮೋದಿಯವರ ಬಗ್ಗೆ ಸಾಕಷ್ಟು ಮಾಹಿತಿ ಇದೆ. ಜೊತೆ ಜೊತೆಗೆ ಅವರ ಹೋರಾಟಕ್ಕೆ ಸಂಭಂದಿಸಿದ ಹಾಗೂ ನಾವು-ನೀವು ತಿಳಿದು ಕೊಂಡಿರುವ ಅಥವ ತಿಳಿದು ಕೊಂಡಿರದ ಅನೇಕ ವಿಚಾರಗಳು ಈ ಹೊತ್ತಗೆಯಲ್ಲಿ ಸಿಗುತ್ತವೆ.

ಘಟನೆಯ ನಂತರ ಘಟನೆಯ ಬಗ್ಗೆ ಅನೇಕ ಸುದ್ದಿ ಮಾದ್ಯಮಗಳು ಮೋದಿಯವರನ್ನ ಸಂದರ್ಶನ ನಡೆಸಿವೆ. ಒಂದೆರಡು ಕೊಂಡಿಗಳನ್ನ ಇಲ್ಲಿ ತಿಳಿಸಿದ್ದೇನೆ.

http://www.youtube.com/watch?v=JgCQb6p0fNw&feature=related

http://www.youtube.com/watch?v=j1LMbtGzqKQ&feature=channel

http://www.youtube.com/watch?v=ARTh48Iam9I

http://www.youtube.com/watch?v=TP1QFcvIg9c

ರನ್ - 200 , ಬಾಲ್ - 147 , 25 ಬೌಂಡರಿ, 3 ಸಿಕ್ಸರ್, ಸರಾಸರಿ - 136.05.

2010-02-24T21:51:00.003+05:30

ಏಕದಿನ ಕ್ರಿಕೆಟ್ ನ ಮೊಟ್ಟಮೊದಲ ದ್ವಿಶತಕ ದಾಖಲಿಸಿದ ಸಚಿನೆ ತೆಂಡೂಲ್ಕರ್ ಗೆ ಹೃದಯಪೂರ್ವಕ ಅಭಿನಂದನೆಗಳು.
Congratulations Sachin ರ Tendulkar, for scoring first ever double century in ODI cricket.
* ಇಂದು , ಅಂದರೆ ದಿನಾಂಕ ೨೪-ಪೆಬ್ರವರಿ-೨೦೧೦ ರಂದು,
* ಭಾರತದ ಗ್ವಾಲಿಯಾರ‍್ನ " ಕ್ಯಾಪ್ಟನ್ ರೂಪ್ ಸಿಂಗ್" ಕ್ರಿಡಾಂಗಣದಲ್ಲಿ ಜರುಗಿದ
* ದ.ಆಪ್ರಿಕ ವಿರುದ್ದದ ಅಂತರಾಷ್ರೀಯ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ,
* ಭಾರತ ತಂಡದ ನಮ್ಮೆಲ್ಲರ ನೆಚ್ಚಿನ ಆಟಗಾರ,
* ಕ್ರಿಕೆಟ್ ಮಟ್ಟಿಗೆ ಹೇಳುವುದಾದರೆ, ಭಾರತ ಕ್ರಿಕೆಟ್ ನ ಆರಾದ್ಯ ದೈವ,
* ಸುಮಾರು ಇಪ್ಪತ್ತೊಂದು ವರ್ಸದ ಅನುಭವಿ ಕ್ರಿಕೇಟ್ಟಿಗ,

ಸಚಿನ್ ರಮೇಶ್ ತೆಂಡೂಲ್ಕರ್

* ತನ್ನ ಕ್ರಿಕೆಟ್ ಬ್ಯಾಟ್ ಮೂಲಕ ಮಾಡಿದ ಸಾಧನೆಯ, ಸಂಕ್ಷಿಪ್ತ ನೋಟ ಇಂತಿದೆ.

ರನ್ - 200 , ಬಾಲ್ - 147 , 25 ಬೌಂಡರಿ, 3 ಸಿಕ್ಸರ್, ಸರಾಸರಿ - 136.05.

ಚಿತ್ರ ಕೃಪೆ : http://static.cricinfo.com/db/PICTURES/CMS/114600/114673.2.jpg

ಸಚಿನ್ ನಿನಗೊಂದು ಸರಣು. ನಿನ್ನಿಂದ ಇನ್ನೂ ಹೆಚ್ಚಿನ ಸಾಧನೆ ಆಗಲಿ. ಅದನ್ನು ನೋಡಿ ಸಂಭ್ರಮಿಸುವ ಭಾಗ್ಯ ನಮ್ಮೆಲರಿಗೆ ಸಿಗಲಿ.

-
ಇಂತಿ
ನಿನ್ನ ಕೋಟಿ, ಕೋಟಿ ಅಭಿಮಾನಿಗಳಲ್ಲೊಬ್ಬ!!

ಲೇ ಹನುಮಂತನ ದೇವಸ್ಥಾನದ ಹಿಂದೆ ನಿಂಬೆ ಗಿಡ ನೋಡಿದ್ದೇ ಕಣ್ ಲೇ!

2010-02-20T01:58:00.001+05:30

ಚಿಕ್ಕವರಿದ್ದಾಗ ನಮ್ಗೆ ವಾರಾಂತ್ಯ ಹೇಗಿರ್ತಿತ್ತು? ಈ ಬರಹವನ್ನ ಬರೆದಿಟ್ಟು ತಿಂಗಳುಗಳೇ ಕಳೆದು ಹೋಗಿವೆ. ಇಂದು ಇದಕ್ಕೆ ಮುಕ್ತಿ ದೊರಕಿದೆ. ಓದಿ ನೋಡಿ.

~~~~( * ) ~~~~

ಶನಿವಾರ ಬೆಳಗ್ಗೆ ಹನ್ನೊಂದು ಗಂಟೆಗೆ ಶಾಲೆ ಬೆಲ್ ಹೊಡಿತು ಅಂದ್ರೆ ಮುಗೀತು. ಮುಂದಿನ ಒಂದೂವರೆ ದಿನ ಹೇಗೆ ಕಳೆಯುತ್ತೆ ಅನ್ನೋದೇ ಗೊತ್ತಾಗ್ತಿರ್ಲಿಲ್ಲ. ಮದ್ಯಾಹ್ನ ಮನೆಗೆ ಹೋದ್ಮೇಲೆ ಅಲ್ಪ ಸ್ವಲ್ಪ ತಿಂದು, ಸ್ನೇಹಿತರನ್ನ ಒಂದು ಕಡೆ ಸೇರ್ಸೋದು ನಾನ್ ಮಾಡ್ತಿದ್ದ ಮೊದ್ಲ ಕೆಲಸ. ಎಲ್ಲರೂ ಒಟ್ಟಾದ್ಮೇಲೆ ಎರಡು ಟೀಂ ಮಾಡ್ಕಂಡು ಕ್ರಿಕೆಟ್ ಆಡೋದು. ಸಂಜೆ ಸಾಕಾಗಿ ಇನ್ನು ನಿಲ್ಲೋಕೂ ಆಗಲ್ಲ ತಲೆ ಸುತ್ತಿ ಬೀಳ್ತೀನಿ ಅನ್ನೋಷ್ಟರವರೆಗೆ ಆಟ.

ತಲೆ ಸುತ್ತೋದು ಯಾಕೇ? ಊಟ ಮಾಡ್ತಿರ್ಲಿವ್ಲಾ?

ಊಟ ಮಾಡೋಕ್ಕೆ ನಾನು ಮನೆ ಒಳ್ಗೆ ಹೋದಾಗ ಉಳ್ದವ್ರು ಯಾರದ್ರೂ ಕೂಡ ಅವ್ರವ್ರ ಮನೆಗೆ ಊಟಕ್ಕೆ ಹೋಗ್ಬಿಟ್ರೆ? ಆಮೇಲೆ ಎಲ್ಲರ್ನೂ ಮತ್ತೆ ಒಟ್ಟು ಮಾಡೋದು ಅಂದ್ರೇನೂ ಸುಮ್ನೆ ಕೆಲ್ಸಾನ? ಆಮೇಲೆ ಅದಿಕ್ಕೆ ಅಂತಾನೆ ಒಂದರ್ಧ ಗಂಟೆ ವೇಸ್ಟ್ ಆಗ್ಬಿಡುತ್ತೆ. ಆಟದ ನಡ್ವೆ ನೀರ್ ಕುಡಿಯೋಕೆ ಮಾತ್ರ ಸ್ವಲ್ಪ ವಿಶ್ರಾಂತಿ.

ಆದ್ರೆ ವರ್ಷ ಪೂರ್ತಿ ಬರೀ ಕ್ರಿಕೆಟ್ ಆಡೂದಾ? ಬೇರೆ ಏನೂ ಆಟನೇ ಗೊತ್ತಿರ್ಲಿಲ್ವಾ?

ಮಾವಿನಣ್ಣಿನ ಸುಗ್ಗಿ ಬಂದಾಗ ಗೊತ್ತಲ್ಲಾ? ಹಣ್ಣು ತಿಂದು ವಾಟೆನ ತಿಪ್ಪಿಗೆ ತಂದು ಹಾಕ್ತಿದ್ರಲ್ಲಾ?

ಈ ವಾಟೆಗಳೇ ಮುಂದೆ ಮೊಳ್ಕೆ ಒಡ್ದು ಗಿಡ ಆಗಿ, ಕೆಂಪು ಚಿಗುರೆಲೆ ಬರ್ತಿದ್ವಲ್ಲಾ?

ಅಂತ ಚಿಕ್ಕ ಚಿಕ್ಕ ಗಿಡಗಳನ್ನ ಹುಡ್ಕೋದು. ಊರಲ್ಲಿದ್ದ ಅನೇಕ ತಿಪ್ಪೆಗಳ ಮೇಲೆಲ್ಲಾ ಅಡ್ಡಾಡಿ ಸಿಗ್ತಿದ್ದ ಗಿಡಗಳನ್ನ ವಾಟೆ ಸಮೇತ ಕಿತ್ಕಂಡು ಬರೋದು. ತಂದು ಅವನ್ನೆಲ್ಲಾ ಒಂದೊಂದು ಪ್ಯಾಕೆಟ್ ನಲ್ಲಿ ಬೆಳ್ಸದು.

"ಲೇ ಹನುಮಂತನ ದೇವಸ್ಥಾನದ ಹಿಂದೆ ಕೆಲವು ನಿಂಬೆ ಹಣ್ಣಿನ ಗಿಡಗಳನ್ನ ನೋಡಿದ್ದೇ ಕಣ್ ಲೇ!...ನೋಡ್ಕೋಂಡ್ ಬರನಾ ಬರ್ರಲೇ!!!"

ಈ ರೀತಿ ನಮ್ಮ ನಮ್ಮಲ್ಲಿ ಚರ್ಚೆಗಳಾಗ್ತಿದ್ವು.

ಎಲ್ಲಿಲ್ಲಿ ಬಿಟ್ಟಿ ಗಿಡಗಳು ಸಿಗ್ತಾವೋ ಅಲ್ಲೆಲ್ಲಾ ಅಡ್ಡಾಡ್ತಿದ್ವಿ. ಗಿಡಗಳು ಸಿಕ್ಕಾಗ ಅವುಗಳನ್ನ ಎಚ್ಚರಿಕೆಯಿಂದ ಕಿತ್ತು ತರ್ತಿದ್ವಿ.

ಬರೀ ಮಾವಿನ ಗಿಡ, ನಿಂಬೆ ಗಿಡ ಮಾತ್ರ ಅಲ್ಲಾ. ಹಲಸಿನ ಗಿಡ, ಪೇರ್ಲ ಗಿಡ, ಪಪಾಯ ಗಿಡ, ಹೀಗೇ..ಹಣ್ಣಿನ ಗಿಡಗಳು, ಹೂವಿನ ಗಿಡಗಳನ್ನೆಲ್ಲಾ ಹುಡುಕ್ತಿದ್ವಿ. ತಂದು ಪ್ಯಾಕ್ ಮಾಡಿಟ್ಟು, ನಂತರ ಮನೆಯ ಹಿತ್ತಲಲ್ಲಿ ಬೆಳಸೋದು ಒಂದು ಹವ್ಯಾಸವಾಗಿತ್ತು.

ಅವನ್ನ ಬೇರೇ ಯಾರಾದ್ರೂ ಕದ್ದು ಬಿಟ್ರೆ?

ಹ್ದೌದು. ಅದಿಕ್ಕೆ ಅಂತ ನಾವು ಯಾವಾಗ್ಲೂ ಒಂದು ಕಣ್ಣಿಟ್ಟಿರ್ತಿದ್ವಿ
ನಮ್ಮ ಹಿತ್ತಲಲ್ಲಿ ಒಂದ್ ಗಿಡದ ಜಾಗ ಬದಲಾಗಿದ್ರೂ ನಮ್ಗೆ ಗೊತ್ತಾಗ್ಬಿಡ್ತಿತ್ತು. ಯಾವ್ದಾದ್ರೂ ಒಂದು ಗಿಡ ನಾಪತ್ತೆ ಆದ್ರೂ ಯಾರು ಕದ್ದಿರ್ಬೌದು? ಅಂತ ತಲೆ ಕೆಡಿಸ್ಕೊಳ್ತಿದ್ವಿ. ಊರಲ್ಲಿ ಉಳ್ದವ್ರ ಮನೆ ಇತ್ತಲಲ್ಲಿ ಮಾತ್ಯಾರ್ಯಾರು ಗಿಡ ಸಾಕ್ತಿದಾರೆ ಅಂತ ಒಂದು ಸರ್ವೇ ಮಾಡ್ತಿದ್ವಿ. ಆಮೇಲೆ ಆ ಜಾಗಗಳಿಗೆ ಹೋಗಿ ಪೂರ್ತಿ ಚೆಕ್ ಮಾಡಿ, ನಮ್ಮ ಗಿಡ ಬೇರೆ ಎಲ್ಲಾದ್ರೂ ಸಿಕ್ರೆ ಅದನ್ನ ಎತ್ಗಂಡು ಬರ್ತಿದ್ವಿ.

~~~~( * ) ~~~~

ಸಶೇಷ...

ಗಣರಾಜ್ಯ ದಿನಾಚರಣೆಯ ಶುಭಾಶಯಗಳು

2010-01-26T01:25:00.005+05:30

ನಮ್ಮೆಲ್ಲರಿಗೆ ತಿಳಿದಿರುವಂತೆ ೧೯೪೭ ಆಗಸ್ಟ್ ೧೫ ರಂದು ಬ್ರಿಟೀಷ್ ಆಡಳಿತ ವ್ಯವಸ್ಥೆಯಿಂದ ಮುಕ್ತವಾಗಿ ಭಾರತ ಒಂದು ಸ್ವತಂತ್ರ ದೇಶವಾಗಿ ಹೊರಹೊಮ್ಮಿತು. ಸ್ವತಂತ್ರ ದೇಶ ಅಂತ ನಾಮಪಟ್ಟಿ ಸಿಕ್ಕರೂ ಸಹ, ತನ್ನದೇ ಆದ ಆಡಳಿತ ವ್ಯವಸ್ಥೆ ಮತ್ತು ಅದಕ್ಕೆ ಪೂರಕವಾಗಿ ಬೇಕಾಗಿದ್ದ ಇನ್ನೂ ಅನೇಕ ಅಂಶಗಳು ನಮ್ಮಲ್ಲಿ ಇನ್ನೂ ಸಿದ್ದವಾಗಿರಲಿಲ್ಲ. ೧೯೩೫ ರಲ್ಲಿ ರಚಿಸಿಕೊಂಡಿದ್ದ ಕೆಲವು ಆಡಳಿತ ಸೂತ್ರಗಳನ್ನೇ ಅಲ್ಪ ಸ್ವಲ್ಪ ತಿದ್ದು ಪಡಿ ಮಾಡಿ ಕೊಂಡು ದೇಶವನ್ನ ಮುನ್ನಡೆಸಲಾಯಿತು.

ಸ್ವತಂತ್ರ ಹೋರಾಟದ ಹಾದಿಯಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ಸು ವಹಿಸಿದ ಪಾತ್ರ ಪ್ರಮುಖವಾದದ್ದು. ಬ್ರಿಟೀಷರು ಭಾರತ ಬಿಟ್ಟು ತೊಲಗುವಂತೆ ಮಾಡಲು ಅನೇಕ ಚಳವಳಿಗಳು, ಸತ್ಯಾಗ್ರಹಗಳು ಮುಂತಾದ ಸ್ವರೂಪಗಳಲ್ಲಿ ಹೋರಾಟವನ್ನ ನಡೆಸಲಾಗಿತ್ತು. ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ಸು ಸ್ವತಂತ್ರ ಪೂರ್ವದ ಹೋರಾಟದ ದಿನಗಳಲ್ಲಿಯೇ ದಿನಾಂಕ ಜನವರಿ ೨೬, ಪ್ರತೀ ವರ್ಷವೂ ಭಾರತ ಸ್ವತಂತ್ರ ದಿನಾಚರಣೆ ಎಂದು ಆಚರಿಸುತ್ತಾ ಬರುತ್ತಿತ್ತು.

ಚಿತ್ರ ಕೃಪೆ: ಇಲ್ಲಿಂದ

ಭಾರತ ಸ್ವತಂತ್ರವಾದ ನಂತರ

ಡಾ. ಸಚ್ಚಿದಾನಂದ ಸಿನ್ಹಾರವರು ಸಂವಿಧಾನರಚನಾಸಭೆಯ ಮೊದಲ ಅಧ್ಯಕ್ಷರಾಗಿದ್ದರು. ನಂತರ, ಡಾ.ರಾಜೇಂದ್ರ ಪ್ರಸಾದ್ ಅವರು ಅಧ್ಯಕ್ಷರಾಗಿಯೂ ಬಿ.ಆರ್.ಅಂಬೇಡ್ಕರ್ ಅವರು ಕರಡು ಸಮಿತಿ ಅಧ್ಯಕ್ಷರಾಗಿಯೂ ಆಯ್ಕೆಯಾದರು. ಡಿಸೆಂಬರ್ ೯ ೧೯೪೭ ರಿಂದ ನವೆಂಬರ್ ೨೬ ೧೯೪೯ ರ ಅವಧಿಯಲ್ಲಿ ನಮ್ಮ ಸಂವಿಧಾನವು ರಚಿನೆಗೊಂಡಿತು, ಅಂಬೇಡ್ಕರ್ ರವರು ಸಂಸತ್ತಿನಲ್ಲಿ ಮಂಡಿಸಿದ ನಂತರದ ದಿನಗಳಲ್ಲಿ ಕೆಲವೇ ಕೆಲವು ತಿದ್ದು ಪಡಿಗಳೊಂದಿಗೆ ಸಂವಿಧಾನವು ಭಾರತ ಸರ್ಕಾರದಿಂದ ಅಂಗೀಕೃತವಾಯಿತು. ೧೯೫೦ ಜನವರಿ ೨೬ ರಿಂದ ಅಧಿಕೃತವಾಗಿ ಜಾರಿಗೆ ತರಲಾಯಿತು. ಈ ಸಾಧನೆಯಲ್ಲಿ ಪ್ರಮುಖ ಪಾತ್ರವಹಿಸಿದ ಅಂಬೇಡ್ಕರ್ ರವರು "ಭಾರತ ಸಂವಿಧಾನ ಶಿಲ್ಪಿ" ಎಂದು ಕರೆಸಿಕೊಂಡರು. ಇವರ ಇತರ ಸಾಧನೆಗಳೆಂದರೆ ಸಮಾಜಿಕ ಸಮಾನತೆಯ ಬಗ್ಗೆ ಕಾಳಜಿ ಹಾಗೂ ಅಸ್ಪೃಶ್ಯತೆ, ಜಾತಿ ಪದ್ದತಿ ವಿರುದ್ದ ಹೋರಾಟ. ೧೯೫೬ ಡಿಸೆಂಬರ್ ೬ ರಂದು ಇವರು ಮರಣ ಹೊಂದಿದರು. ಇವರಿಗೆ ೧೯೯೦ ರಲ್ಲಿ ಭಾರತ ರತ್ನ (ಮರಣೋತ್ತರ) ಪ್ರಶಸ್ತಿ ನೀಡಲಾಯಿತು.

ಭಾರತದ ವಿಲೀನ & ಪ್ರಜಾಪ್ರಭುತ್ವ

ಅನೇಕ ಭಾಷೆಗಳು, ಸಂಸ್ಕೃತಿಗಳು, ರಾಜರುಗಳು (೫೬೫ ಸಂಸ್ಥಾನಿಕ ರಾಜರುಗಳು), ಧಾರ್ಮಿಕ ಆಚರಣೆಗಳು ಹೀಗೇ ಇನ್ನೂ ಅನೇಕ ಅಂಶಗಳಿಗೆ ತುತ್ತಾಗಿ ಹರಿದು ಹಂಚಿಹೋಗಿದ್ದ ದೇಶವನ್ನ ಒಗ್ಗೂಡಿಸುವ ದಿಟ್ಟ ಜವಾಬ್ದಾರಿಯನ್ನ ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದು ಸರ್ದಾರ್ ವಲ್ಲಭಭಾಯ್ ಪಟೇಲ್ ರವರು. ಇದೇ ಸಾಧನೆಗಾಗಿಯೇ ಇವರನ್ನ ಭಾರತದ "ಉಕ್ಕಿನ ಮನುಷ್ಯ" ಎಂದು ಗುರುತಿಸಲಾಯಿತು. ಅಲ್ಲದೆ ಇವರನ್ನ ಭಾರತದ ಬಿಸ್ಮಾರ್ಕ್ ಅಂತಕೂಡ ಗುರುತಿಸಲಾಗಿದೆ. ( ಒಟ್ಟೋವನ್ ಬಿಸ್ಮಾರ್ಕ್ ಜರ್ಮನಿಯ ಏಕೀಕರಣದಲ್ಲಿ ಪ್ರಮುಖ ಮಾತ್ರವಹಿಸಿದವರು ಎಂದುಬು ನಿಮ್ಮೆಲರಿಗೆ ತಿಳಿದಿದೆ ಅಂದು ಭಾವಿಸುತ್ತೇನೆ.) ಸ್ವತಂತ್ರ ಭಾರತದ ಮೊಟ್ಟ ಮೊದಲ ಪ್ರಧಾನಮಂತ್ರಿಗಳಾಗುವ ಅವಕಾಶ ಸ್ವಲ್ಪದರಲ್ಲಿಯೇ ತಪ್ಪಿ ಹೋದರೂ ಉಪಪ್ರಧಾನಿಗಳಾಗಿ, ಸ್ವತಂತ್ರ ಭಾರತದ ಮೊಟ್ಟ ಮೊದಲ ಗೃಹ ಸಚಿವರಾಗಿ ಕಾರ್ಯ ನಿರ್ವಹಿದ ಇವರು ಡಿಸೆಂಬರ್ ೧೫ ೧೯೫೦ ರಂದು ಮರಣ ಹೊಂದಿದರು. ಇವರಿಗೆ ೧೯೯೧ ರಲ್ಲಿ ಭಾರತ ರತ್ನ (ಮರಣೋತ್ತರ) ಪ್ರಶಸ್ತಿ ನೀಡಲಾಯಿತು.

ಭಾರತ ಸಂವಿಧಾನದ ಪೀಠಿಕೆ: (ಮಾಹಿತಿ : ವಿಕೀಪೀಡಿಯ )

ಭಾರತ ವಾಸಿಗಳಾದ ನಾವು, ಭಾರತವನ್ನು ಸಾರ್ವಭೌಮ ಸಮಾಜವಾದಿ ಜಾತ್ಯಾತೀತ ಲೋಕತಂತ್ರಿಕ ಗಣತಂತ್ರವನ್ನಾಗಿ ವಿಧಿಯುಕ್ತವಾಗಿ ಸ್ಥಾಪಿಸಿ, ಅದರ ಎಲ್ಲಾ ಪ್ರಜೆಗಳಿಗೆ ಈ ಕೆಳಗಿನ ಹಕ್ಕುಗಳಾದ;

ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ನ್ಯಾಯ;
ವಿಚಾರ, ಅಭಿವ್ಯಕ್ತಿ, ನಂಬಿಕೆ, ಭಕ್ತಿ ಮತ್ತು ಆರಾಧನೆಗಳಲ್ಲಿ ಸ್ವಾತಂತ್ರ್ಯ;
ಸ್ಥಾನಮಾನ ಮತ್ತು ಅವಕಾಶಗಳ ಸಮಾನತೆ;

ಗಳನ್ನು ದೊರಕಿಸಿ,

ವಯಕ್ತಿಕ ಘನತೆ ಮತ್ತು ದೇಶದ ಒಗ್ಗಟ್ಟು ಮತ್ತು ಐಕ್ಯತೆಗೆ ಎಲ್ಲರಲ್ಲೂ ಭ್ರಾತೃತ್ವತೆ ಯನ್ನು ಪ್ರೋತ್ಸಾಹಿಸಲು ನಿರ್ಧರಿಸಿ;

ನಮ್ಮ ಸಂವಿಧಾನ ರಚನಾಸಭೆಯಲ್ಲಿ ಈ ೧೯೪೯ ನವೆಂಬರ್ ಮಾಹೆಯ ೨೬ನೇ ದಿನದಂದು ನಾವಾಗಿ ನಾವೇ ಈ ಸಂವಿಧಾನವನ್ನು ಸ್ವೀಕರಿಸಿ, ಶಾಸನವನ್ನಾಗಿ ವಿಧಿಸಿಕೊಳ್ಳುತ್ತೇವೆ.

ಭಾರತ ಸರ್ಕಾರದಲ್ಲಿ ಸಂವಿಧಾನವನ್ನ ಅಧಿಕೃತವಾಗಿ ಜಾರಿಗೊಳಿಸಿದ ಹಾಗೂ ಅನೇಕ ಅಂಶಗಳಿಗೆ ತುತ್ತಾಗಿ ಚದುರಿ ಹೋಗಿದ್ದ ತುಂಡು ತುಂಡು ಸಂಸ್ಥಾನಗಳನ್ನ ಒಗ್ಗೂಡಿಸಿ ವಿವಿದ ರಾಜ್ಯಗಳಾಗಿ ವಿಂಗಡಿಸಿ ಅಧಿಕಾರ ವಿಕೇಂದ್ರೀಕರಣದ ಸಾಧನೆಯ ಯಶಸ್ಸಿನ ನೆನೆಪಿಗಾಗಿ ನಾವು ಪ್ರತೀ ವರ್ಷ ಜನವರಿ ೨೬ ರಂದು ಗಣರಾಜ್ಯ ದಿನಾಚರಣೆ ಯನ್ನ ಆಚರಿಸುತ್ತಾ ಬರುತ್ತಿದ್ದೇವೆ,

----------

ಪ್ರತೀ ವರ್ಷದ ಜನವರಿ ೨೬ ರಂದು ಗಣರಾಜ್ಯ ದಿನಾಚರಣೆಯನ್ನ ಆಚರಿಸುವುದರ ಹಿನ್ನೆಲೆಯನ್ನ ಕೆಲವೇ ಕೆಲವು ಪ್ರಮುಖ ಅಂಶಗಳಲ್ಲಿ ಹೇಳಿ ಮುಗಿಸಲು ಪ್ರಯತ್ನಿಸಿದ್ದೇನೆ. ನಿಮಗೆ ಮೇಲಿನ ವಿವರಣೆಯನ್ನ ಗ್ರಹಿಸಲು ಸಾದ್ಯವಾದಲ್ಲಿ ಧನ್ಯವಾದಗಳು, ಇಲ್ಲವಾದಲ್ಲಿ ಏನೂ ಅಪಾಯವಿಲ್ಲ.

ಎಂದಿನಂತೆ ತಮ್ಮೆಲ್ಲರಿಗೂ ಗಣರಾಜ್ಯೋತ್ಸವದ ಶುಭಾಶಯಗಳು.

ಚೆಲ್ಲಾಪಿಲ್ಲಿ ಆಟಕ್ಕೆ ತಮ್ಮೆಲ್ಲರಿಗೂ ಸ್ವಾಗತ ಸುಸ್ವಾಗತ

2010-01-21T01:09:00.003+05:30

ಆಟದ ನಿಯಮಗಳು
೧. ಆಟವನ್ನ ಸಂಪೂರ್ಣವಾಗಿ ಕೇವಲ ನಿಮ್ಮ ಗಣಕದ ಇಲಿಯನ್ನ (computer mouse) ಬಳಸಿ ಆಡಬಹುದು,

೨. ಅಕ್ಷರಗಳನ್ನ ಎಳೆದು-ತನ್ನಿ, ಸೂಕ್ತ ಕೋಣೆಯಲ್ಲಿ ಹಾಕಿ (drag and drop).

೩. ಪ್ರತೀ ಬಾರಿ ಮೂರು ಪದಗಳನ್ನ ಚೆಲ್ಲಾಪಿಲ್ಲಿ ಮಾಡಲಾಗಿರುತ್ತದೆ.

೪. ಪದಗಳನ್ನ ಗುರ್ತಿಸಿ, ಸರ್ಯಾಗಿ ಜೋಡಿಸಿದರೆ ಮೂರು ಅಂಕ ನಿಮಗೆ ಬರುತ್ತೆ.

೫. ಪದಗಳನ್ನ ಗುರುತಿಸಲು ಕೆಲವು ಅಕ್ಷರಗಳನ್ನ ಈಗಾಗಲೇ ಸರ್ಯಾದ ಕೋಣೆಯಲ್ಲಿ ತೋರಿಸಿರುತ್ತೆ.

೬. ಉಳಿದ ಅಕ್ಷರಗಳನ್ನ ಅವುಗಳ ಸ್ಥಾನಕ್ಕೆ ಎಳೆದು ತಂದು ಹಾಕಿ,

೭. ಮೂರೂ ಪದಗಳನ್ನ ಸರ್ಯಾಗಿ ಗುರ್ತಿಸಿದರೇ, ಆಟವನ್ನ ನೀವು ಗೆದ್ದಂತೆ.

೮. ಆಟದ ಮದ್ಯೆದಲ್ಲಿ ಯಾವಾಗ ಬೇಕಾದರೂ ಅಕ್ಷರಗಳನ್ನ ಕೋಣೆಯಿಂದ ಕೋಣೆಗೆ ಬದಲಿಸಿ ಬಹುದು.

೯. ಒಮ್ಮೆ ಒಂದು ಕೋಣೆಯಲ್ಲಿ ಒಂದು ಅಕ್ಷರವನ್ನ ಕೂರಿಸದ ಮೇಲೆ, ಮತ್ತೆ ಅದ್ರಲ್ಲಿ ಇನ್ನೋಂದು ಅಕ್ಷರವನ್ನ ಕೂರಿಸಲು ಬಿಡುವುದಿಲ್ಲ. ಅಂತಹ ಸಂದರ್ಭದಲ್ಲಿ ಮೊದಲಿಗೆ ಇದ್ದ ಅಕ್ಷರವನ್ನ ಎತ್ತಿ, ಮೇಲಿನ ದೊಡ್ದ ಕೋಣೆಗೆ ಸ್ಥಳಾಂತರಿಸಿ ಕೊಳ್ಳಿ.

೧೦. ಪದಗಳನ್ನ ಜೋಡಿಸಲು ಅಸಾದ್ಯವೆನಿಸಿದರೆ, Show ಎಂಬ ಗುಂಡಿ ಒತ್ತಿದರೆ ಆಟವು ತಾನಾಗೆ ಮುಗಿಯುತ್ತೆ, ಆದರೆ ಅಂಕ ಸಿಗುವುದಿಲ್ಲ.

೧೧. ಸಾವಿರಾರು ಪದಗಳ ಪರಿಚಯ ಮಾಡಿಕೊಳ್ಳಿ, ಬನ್ನಿ, ಚೆಲ್ಲಾಪಿಲ್ಲಿ ಆಟಕ್ಕೆ ತಮ್ಮೆಲ್ಲರಿಗೂ ಸ್ವಾಗತ ಸುಸ್ವಾಗತ.

ಚಿರಶಾಂತಿ ಸಿಗಲಿ.

2010-01-18T15:23:00.001+05:30

ಕನ್ನಡ ಚಿತ್ರರಂಗದ ಹಿರಿಯ ಹಾಗೂ ಅತ್ಯಂತ ಶಿಸ್ತಿನ ಕಲಾವಿದರಗಿದ್ದ ಡಾ. ಕೆ. ಎಸ್.ಅಶ್ವಥ್ ರವರ ಆತ್ಮಕ್ಕೆ ಚಿರಶಾಂತಿ ಸಿಗಲಿ.

ದೇಹಕ್ಕೆ ಸಾವುಂಟು ಆತ್ಮಕ್ಕೆ ಸಾವಿಲ್ಲ .

ಚಿತ್ರ : http://www.viggy.com/interview/images/ashwath_main.jpg

ಭಾರತೀಯ ಭಾಷೆಗಳ ಗಣಕೀಕರಣದ ಏಳಿಗೆ ಹಾಗೂ ಅವನತಿ

2010-01-13T12:53:00.004+05:30

ನಾನು ಬರೆದಿರುವ ಈ ಲೇಖನವು ವಿವಿಧ ಮಾರ್ಪಾಡುಗಳನ್ನ ಪಡೆದುಕೊಂಡು ಅನ್ಯರ ಉದ್ದೇಶಕ್ಕೆ ಸಿಕ್ಕಿ ಭಿನ್ನ ಅರ್ಥದೊಂದಿಗೆ ಅಂತರ್ಜಾಲದಲ್ಲಿ ತೇಲುತ್ತಿರುವ ವರದಿಗಳು ಬಂದಿವೆ.

ಅದರ ಬಗ್ಗೆ ನಾನು ಜವಾಬ್ದಾರನಲ್ಲ

ಭಾರತೀಯ ಭಾಷೆಗಳ ಗಣಕೀಕರಣದ ಏಳಿಗೆ ಹಾಗೂ ಅವನತಿ

ಭಾರತೀಯ ಭಾಷೆಗಳನ್ನ ಗಣಕೀಕರಿಸಲು ಕೆಲಸಗಳು ಆರಂಬವಾಗಿ ಸುಮಾರು ೨೭ ವರ್ಷಗಳೇ ತುಂಬಿವೆ.

* ಗಣಕದಲ್ಲಿ ಸಂಶೋದನೆಗಳು ಆರಂಬವಾದ ದಿನಗಳಿಂದಲೇ,

* ಗಣಕಗಳೆಂದರೇನು? ಎಂದು, ಜನ ಸಾಮಾನ್ಯರಿಗೆ ಇನ್ನೂ ಸರಿಯಾಗಿ ತಿಳಿಯುವ ಮೊದಲೇ,

* ಮಾಜಿ ಪ್ರದಾನಮಂತ್ರಿಗಳಾದ ಮಾನ್ಯ ಪಿ.ವಿ.ನರಸಿಂಹ ರಾವ್ ಅವರು ನಮ್ಮ ದೇಶವನ್ನ ಜಾಗತಿಕವಾಗಿ ಮುಕ್ತ ಮಾರುಕಟ್ಟೆಯಾಗಿ ಪರಿವರ್ತಿಸುವ ಮೊದಲೇ

* ವಿದೇಶಿಯರು ಬಂದು ಬಂಡವಾಳ ಹೂಡುವ ಮೊದಲೇ

* ಸರ್ಕಾರ ಬಂದು ಬಂಡವಾಳ ಹಾಕುವ ಮೊದಲೇ

೧೯೮೩ ರಿಂದಲೇ ಭಾರತೀಯ ಭಾಷೆಗಳನ್ನ ಗಣಕೀಕರಿಸುವ ಉದ್ದೇಶವಾಗಿ ವಿವಿದ ಕಂಪನಿಗಳಲ್ಲಿ ಪ್ರಜ್ಞಾವಂತ ತಂತ್ರಜ್ಞರು ಸಂಶೋದನೆಗಳನ್ನ ನಡೆಸಿದ್ದಾರೆ.

ಈ ಸಂಶೋಧನೆಯ ಫಲವಾಗಿ ಅನೇಕ ತಂತ್ರಾಂಶಗಳನ್ನ ಯಶಸ್ವಿಯಾಗಿ ಸಿದ್ದ ಪಡಿಸಲಾಗಿತ್ತು/ದೆ.

೧೯೯೩ ರಿಂದ ೨೦೦೩ ರ ಅವಧಿಯಲ್ಲಿಯೇ ಅನೇಕ ಅನ್ವಯಿಕ ತಂತ್ರಾಂಶಗಳು (Application softwares) ಭಾರತೀಯ ಭಾಷೆಗಳಲ್ಲಿ ಲಭ್ಯವಾಗಲು ಸಾದ್ಯವಾಗಿತ್ತು. ಅತೀ ಪ್ರಮುಖ ಮೂರು ಕಂಪನಿಗಳನ್ನ ಇಲ್ಲಿ ತಿಳಿಸಸ್ತೀನಿ. ಇವಿಷ್ಟೇ ಅಂತ ತಿಳಿ ಬೇಡಿ. ಇನ್ನೂ ಅನೇಕರಿದ್ದಾರೆ,

	ಕಂಪನಿ ಹೆಸರು	ಮುಖ್ಯಸ್ತರು	ಇಸವಿ
1	SRG Softwares Pvt.Ltd.	ಮುತ್ತುಕೃಷ್ನನ್	೧೯೮೪
೨	CyberSpace MultiMedia Ltd,	ಆಕೃತಿ ಆನಂದ್	೧೯೮೩
೩	AppleSoft	ಅನಬರಸನ್	-

ಈಗ ಈ ಕಂಪನಿಗಳಿಂದ ಹೊರ ಬಂದ ಕೆಲವು ಪ್ರಮುಖ ತಂತ್ರಾಂಶಗಳನ್ನ ಗಮನಿಸೋಣ.

ಈ ಕೆಳಕಂಡ ತಂತ್ರಾಂಶಗಳ ಪಟ್ಟಿಗಳ ಮೇಲೆ ಕಣ್ಣಾಯಿಸಿ. ಇವುಗಳೆಲ್ಲಾ ಭಾರತೀಯ ಭಾಷೆಗಳಿಗಾಗಿ/ಭಾರತೀಯ ಭಾಷೆಗಳಿಗೋಸ್ಕರ ಹಾಗೂ ಭಾರತೀಯರಿಂದಲೇ ಸಿದ್ದವಾದಂತದ್ದು ಅನ್ನೋದು ವಿಶೇಷವಾಗಿ ಗಮನಿಸ ಬೇಕಾದ ಅಂಶ.

ಮೊದಲಿಗೆ SRG Softwares Pvt Ltd.

ಕ್ರ.ಸಂ	ತಂತ್ರಾಂಶದ ಹೆಸರು	ತಂತ್ರಾಂಶದ ಉದ್ದೇಶ/ಉಪಯೋಗ	ಇಸವಿ
೧	ಶಬ್ಧರತ್ನ	ಕನ್ನಡದ ಪ್ರಪ್ರಥಮ ಪದ ಸಂಸ್ಕರಣ ತಂತ್ರಾಂಶ	೧೯೮೭
೨	ವೀನಸ್	ಕನ್ನಡ ಡಿ.ಟಿ.ಪಿ ತಂತ್ರಾಂಶ	೧೯೮೯
೩	ಚಿತ್ರಕಲ	ಕನ್ನಡದ ದೂರ ದರ್ಶನ ಕೇಂದ್ರ ದಲ್ಲಿ ಬಳಸಲು	೧೯೯೦
೪	ಐನೆಕ್ಸ್	ದತ್ತಾಂಶ ತಂತ್ರಾಂಶ	೧೯೯೩
೫	ವಿಂಕಿ	ವಿಂಡೋಸ್ ನ ಇತರೆ ಅನ್ವಯಿಕ ತಂತ್ರಾಮ್ಶಗಳಲ್ಲಿ ಬರೆಯಲು	೧೯೯೪
೬	ಕಾರ್ಯಲಯ	MS Office ಇದ್ದ ಹಾಗೆ, ಸಂಪೂರ್ಣ ಭಾರತೀಯ ಭಾಷೆಗೋಸ್ಕರ	೧೯೯೯
೭	ಬ್ಯಾಂಕ್ ಸ್ಕ್ರಿಪ್ಟ್	ದತ್ತಾಂಶ ಸಂಸ್ಕರಣ ತಂತ್ರಾಂಶ	೨೦೦೧
೮	SRG ಬ್ರೌಸರ್	ಅಂತರ್ಜಾಲ ಮತ್ತೆ ಆಂತರಿಕ ಜಾಲ ಬ್ರೌಸರ್ similar IE, Firefox, etc	೨೦೦೩

ಈಗ CyberSpace Multimedia Ltd.

ಕ್ರ.ಸಂ

ತಂತ್ರಾಂಶದ ಹೆಸರು

ತಂತ್ರಾಂಶದ ಉದ್ದೇಶ/ಉಪಯೋಗ

ಇಸವಿ

ಆಕೃತಿ ವೆಬ್ ಟೆಕ್ನಾಲಜಿ

www.indianlanguages.com.	ಭಾರತೀಯ ಭಾಷೆಗಳ ಮೊದಲ ಅಂತರ್ಜಾಲ ತಾಣ ಸಿದ್ದಗೊಳಿಸಿದ್ದು
www.vishwakannada.com	ಕನ್ನಡಸ ಮೊದಲ ಅಂತರ್ಜಾಲ ಪತ್ರಿಕೆ ವಿಶ್ವ ಕನ್ನಡ ಸಿದ್ದಗೊಳಿಸಿದ್ದು.
www.krantidaily.com www.prajavani.net www.sampuktakarnataka.com	ಕ್ರಾಂತಿ ಡೈಲಿ, ಪ್ರಜಾವಾಣಿ, ಸಂಮುಕ್ತ ಕರ್ನಾಟಕ ಕನ್ನಡ ದಿನಪತ್ರಿಕೆ ಗಳ ಅಂತರ್ಜಾಲ ಆವೃತ್ತಿಗಳ ಬೆಳವಣಿಗೆಗೆ ಸಹಾಯ.

೧೯೯೭

ಮತ್ತು

೧೯೯೮

Akruti SDK & WDK

For developing client-server and web applications in kannada

೨೦೦0

cyBANK & cyCRED

ಸಹಕಾರಿ ಬ್ಯಾಂಕ್ ಗಳ ಬಳಕೆಗೆ

೨೦೦೧

eKaryalaya, eAdministration &

eGovernance

ಕರ್ನಾಟಕ ಸರ್ಕಾರಕ್ಕೆ ಹಾಗೂ ಇತರ ಸರ್ಕಾರಿ ಇಲಾಖೆಗಳಿಗೆ ಸಿದ್ದ ಪಡಿಸಿದ ಅನ್ವಯಿಕ ತಂತ್ರಾಂಶಗಳು

೨೦೦೨

cyDOCS

document management solution

೨೦೦೩

cyTRAN

report translator in kannada

೨೦೦೩

ಆಕೃತಿ ಯೂನಿಕೋಡ್ ಪಾಂಟ್ಸ್ Embedde thin clients ಪೊರ್ ಕನ್ನಡ

೨೦೦೪

ಈಗ AppleSoft ತಂತ್ರಾಂಶಗಳು

ಕ್ರ.ಸಂ	ತಂತ್ರಾಂಶದ ಹೆಸರು	ತಂತ್ರಾಂಶದ ಉದ್ದೇಶ/ಉಪಯೋಗ	ಇಸವಿ
೧	ಸುರಭಿ	ಕನ್ನಡದಲ್ಲಿ MS Dos ಹಾಗೂ ಅನ್ವಯಿಕ ತಂತ್ರಾಂಶಗಳು.	೧೯೯೩
೨	ಸುರಭಿ ಜೆಮ್	MS Dos ನಲ್ಲಿ ಕನ್ನಡ ಟೈಪಿಸಲು. ಮತ್ತು ಡಿ ಟಿ ಪಿ ತಂತ್ರಾಂಶ
೩	ಸುರಭಿ ಪ್ರೊ	MS Windows ೩.೦ ನಲ್ಲಿ ಕನ್ನಡ/ಭಾರತೀಯ ಭಾಷೆಗಳನ್ನ ನೇರವಾಗಿ ಟೈಪಿಸಲು
೪	ಸಿಪ್	ಅನೇಕ ಕಡತಗಳನ್ನ, ಅನೇಕ ಕಡಕಿಗಳನ್ನ, ಹಾಗೂ ಅತೀ ದೊಡ್ಡ ಕಡತಗಳನ್ನ ಬೆಂಬಲಿಸಿದ ಪ್ರಪ್ರಥಮ ಕನ್ನಡ ಪದ ಸಂಸ್ಕರಣ
೫	ಸುಬೇಸ್	ದತ್ತಾಂಶ ಸಂಸ್ಕರಣ ತಂತ್ರಾಂಶ
೬	Surabhi SDK	MS Windows ನಲ್ಲಿ ಭಾರತೀಯ ಭಾಷೆಗಳಲ್ಲಿ ಅನ್ವಯಿಕ ತಂತ್ರಾಂಶಗಳ ಬೆಳವಣಿಗೆಗೆ
೭	Surabhi 2000	SURABHI 2000 is an Input enabling software for Windows 95/98/NT 4.0/NTTSE/XP through the choice of keyboard layouts. It provides direct typing facilities using various standard keyboard layouts, enables Find and Replace, keyboarding is auto-sensitive, comes with collection of fonts and enables hot keys and shortcut keys. It works with all popular MS Windows based applications like MS Office, StarOffice, OpenOffice, Lotus Smart Suite, Pagemaker, Photoshop, Hot Potatoe etc.,.
೮	SURABHI UV	SURABHI UV is an Unicode Input enabling software for Windows XP through the choice of keyboard layouts. It provides direct typing facilities using various standard keyboard layouts, comes with collection of fonts and enables hot keys and shortcut keys. It works with all Unicode compliant MS Windows XP based applications like MS Office XP, StarOffice 6.0, OpenOffice 1.1, CorelDraw 12, Hot Potatoe 6.0 etc.,.
೯	SURABHI TOOLS	SURABHI TOOLS, Is a collection of tools to support Indian Languages on the Tools of MS Office running on MS Windows. This includes tools such as Sorting, Text conversion, Auto correct, Date and Time, Numerals to text etc.
೧೦	SuJeeva	An interactive Web content enabling utility exclusively developed for Indian Languages to enable typing in Indian Languages in the Text fields, Text Area and Set fonts to Text fields, Text Area, Buttons and Body Text.
೧೨	e-Type	e-Type, is a compact embedded font solution developed exclusively to support Indian Languages and to facilitate localisation of Pagers, Mobile phones, Dot Matrix Printers and any digital gadgets. The compact code size also enables multi-lingual solutions in the power crunch digital gadgets. It is easy to implement, extremely portable and contains clear and understandable source code with documentation. With appropriate peripheral support like demo code, debug tools with source code and design manual, e-type enables excellent and seamless integration with short implementation period.
೧೩	Janani	Janani is first time effort to localize MS Windows 98 and applications running on it. Janani is a boon to Indians and Indian languages. Janani localises the User Interfaces such as Menus, Dialog boxes, Status bar texts, Help tips etc., of MS Windows 98 and enables seamless integration of Language and Technology.

ಭಾರತೀಯ ಭಾಷೆಗಳ ಗಣಕೀಕರಣದಲ್ಲಿ, ಕನ್ನಡದ ಗಣಕೀಕರಣದಲ್ಲಿ ಈಗಾಗಲೇ ಹಲವು ವರ್ಷಗಳ ಹಿಂದೆಯೇ ನಮ್ಮಲ್ಲಿ ಅನೇಕ ತಂತ್ರಜ್ಞರಿದ್ದರು, ತಂತ್ರಾಂಶಗಳಿದ್ದವು, ಹಾಗೂ ಅವುಗಳಿಗೆ ಬೇಡಿಕೆ ಮತ್ತು ಪೂರೈಕೆ ಎರ್ಡೂ ಸಮತೋಲವಾಗಿ ಸಾಗಿತ್ತಿದ್ದವು.

ಆದರೆ ಇಸವಿ ೨೦೦೦ ಅಥ್ವ ಅದ್ರಿಂದ ಈಚೆಗೆ ಈ ಕಾರ್ಯಗಳಲ್ಲಿ ಹಾಗೂ ಕಾರ್ಯಾಸಕ್ತರಲ್ಲಿ ಮೊದಲಿನ ವೇಗದಲ್ಲಿ ಕಂಡು ಬಂದ ಬೆಳವಣಿಗೆ ಈಗ ಕಂಡು ಬರುತ್ತಿಲ್ಲ. ಅವರಿಗೆ ಬೆಂಬಲವೂ ಇಲ್ಲ.

ಮುಖ್ಯವಾಗಿ ತಂತ್ರಜ್ಞಾನ ಬೆಳದಂತೆ ಕನ್ನಡದ ಗಣಕೀಕರಣವೂ ಸಾಕಷ್ಟು ಪ್ರಗತಿ ಸಾಧಿಸ ಬಹುದಿತ್ತು. ಆದರೆ ತಂತ್ರಜ್ಞಾನ ಬೆಳದಷ್ಟು ಕನ್ನಡದ ಗಣಕೀಕರಣ ಮಾತ್ರ ಹಿಂದೆ ಬೀಳ್ತಿದೆ ಅನ್ನೋ ಭಾವನೆ ಕಾಡ ತೊಡಗುತ್ತೆ.

ಅತ್ವ ಇದು ಕನ್ನಡ ಭಾಷೆಯ ಅವನತಿಯ ಮುನ್ಸೂಚನೆಯೇ? ತಿಳಿಯುತ್ತಿಲ್ಲ.

ಆ ತಂತ್ರಾಂಶಗಳು ಕಣ್ಮರೆಯಾಗಲು ಏನು ಕಾರ್ಣ ತಿಳಿಯ ಬೇಕಲ್ಲವೇ?

ನಮ್ಮೆಲ್ಲರ ಬಾಯಲ್ಲಿ ನಲಿಯುತ್ತಿರ್ರುವ ಕನ್ನಡದ ಹೆಮ್ಮೆಯ ನುಡಿ ಅಥ್ವ ಬರಹ ಗಳಿಂದ ಮಾತ್ರ ಮೇಲಿನ ತಂತ್ರಾಂಶಗಳ ಸ್ಥಾನವನ್ನ ತುಂಬಲು ಸಾದ್ಯವೇ?

ಸತ್ಯವೆಂದರೆ ನುಡಿ ಹಾಗೂ ಬರಹ ತಂತ್ರಾಂಶಗಳು ಆರಂಬದ ದಿನಗಳಲ್ಲಿ ಕೇವಲ ಕನ್ನಡದ ಮತ್ತೊಂದು ಪಾಂಟ್ ಗಳಾಗಿದ್ದವು,

ಆದರೆ ಉಳಿದ ತಂತ್ರಾಂಶಗಳ ಬೆಳವಣಿಗೆ ಏಕೆ ನಿಂತಿತು? ನಿಮ್ಮತ್ರ ಉತ್ತರವಿದೆಯೇ?

ಲೋದ್ಯಾಶಿ

ಮಾಹಿತಿ ಸಂಗ್ರಹ: ಈಕವಿವೇದಿಕೆ.

ಮುಗಿಯದು ಮುತ್ತಿನ ಹಾರದ ಕವನ

2009-12-30T23:10:00.004+05:30

ದೇವರು ಹೋಸೆದ ಪ್ರೇಮದ ದಾರ
ದಾರದಿ ಬೆಸೆದ ರುತುಗಳ ಧಾರ

ಋತುಗಳ ಜೊತೆಗೆ ಪ್ರೇಮದ ಪಯಣ

ಮುಗಿಯದು ಮುತ್ತಿನ ಹಾರದ ಕವನ

ಬೇಸಿಗೆಯಲಿ ಆ ಸೂರ್ಯ ...ಭೂತಾಯಿಯ ಸುಡುತಾನೆ

ಪ್ರೇಮಕು ಅಗ್ನಿಪರೀಕ್ಶೆ.ಸುಳಿವಿಲ್ಲದೆ ಕೊಡುತಾನೆ

ಬೇಡ ಯೆಂದರೆ ನಾವು..ಸುಡದೆ ಇರುವುದೆ ನೋವು

ಸರಿಯೊ ಕಾಲದ ಜೊತೆಗೆ...ವ್ಯಸನ ನಡೆವುದು ಹೊರಗೆ

ದೇವರು ಹೋಸೆದ ಪ್ರೇಮದ ದಾರ

ದಾರದಿ ಬೆಸೆದ ರುತುಗಳ ಧಾರ

ಋತುಗಳ ಜೊತೆಗೆ ಪ್ರೇಮದ ಪಯಣ

ಮುಗಿಯದು ಮುತ್ತಿನ ಹಾರದ ಕವನ

ಮೇಘವೊ ಮೇಘವು...ಮುಂಗಾರಿನ ಮೇಘವು

ಮೇಘವೊ ಮೇಘವು...ಇಂಗಾರಿನ ಮೇಘವು

ಹನಿ ಹನಿ ಹನಿ ಹನಿ ಛಿಟ ಪಟ ಮಳೆ ಹನಿ

ಹನಿ ಹನಿ ಹನಿ ಹನಿ ತುಂತುರು ಮಳೆ ಹನಿ

ಗುಡುಗುಡು ಗುಡುಗುಡು ಗುಡುಗೋ ಗುಡುಗಿನ

ಫಳಫಳ ಮಿನ್ಛುವ ಸಿಡಿಯುವ ಸಿಡಿಲಿನ

ಧರಣಿ ತಣಿಸುವ ಭರಣಿ ಮಳೆ ಮಳೆ

ಹಸ್ತ ಚಿತ್ತ ಸ್ವಾತಿ ಮಳೆ ಮಳೆ

ಸಿಡಿಯುವ ಭೂಮಿಗೆ ಗಂಗಾವಾಹಿನಿ

ಉರಿಯುವ ಪ್ರೇಮಕೆ ಅಮ್ರುತವರ್ಶಿನಿ

ವಸಂತ ಮಾಸದಲಿ ಪ್ರೇಮವು..ವಯ್ಯಾರಿಯಾಗಿ ಕುಣಿವೆ

ನದಿಗಳು ಝರಿಗಳು ಗಿಡಗಳು ಪೊದೆಗಳು..ಗಾಯನ ಮಾಡಿದವು

ಋತುಗಳ ಚಕ್ರವು ತಿರುಗುತ ಇರಲು

ಕ್ಶಣಿಕವೆ ಕೋಗಿಲೆ ಗಾನದ ಹೊನಲು

ಬಿಸಿಲೋ ಮಳೆಯೊ...ಚಿಗುರೋ ಹಿಮವೊ

ಅಳುವೋ ನಗುವೋ..ಸೋಲೋ ಗೆಲುವೋ

ಬದುಕೆ ಪಯಣ...ನಡೆಯೆ ಮುಂದೆ

ಒಲವೆ ನಮಗೆ..ನೆರಳು ಹಿಂದೆ

ದೇವರು ಹೋಸೆದ ಪ್ರೇಮದ ದಾರ

ದಾರದಿ ಬೆಸೆದ ರುತುಗಳ ಧಾರ

ಋತುಗಳ ಜೊತೆಗೆ ಪ್ರೇಮದ ಪಯಣ

ಮುಗಿಯದು ಮುತ್ತಿನ ಹಾರದ ಕವನ

http://www.youtube.com/watch?v=U-OSS42ew1w

ಡಾ. ವಿಷ್ಣುವರ್ದನ್ ಆತ್ಮಕ್ಕೆ ಶಾಂತಿ ಸಿಗಲಿ

ಈ ಹೊಸ ತಂತ್ರಾಂಶದ ಹೆಸರು "ಲೋಹಿತಂತ್ರಾಂಶ"

2009-12-15T01:05:00.005+05:30

ಈ ಹೊಸ ತಂತ್ರಾಂಶದ ಹೆಸರು "ಲೋಹಿತಂತ್ರಾಂಶ".

ಗಣಕದಲ್ಲಿ ಕನ್ನಡವನ್ನ ಬಳಸಲು ಈಗಾಗಲೇ ಬರಹ ಹಾಗೂ ನುಡಿ ತಂತ್ರಾಂಶಗಳು ಸಾಕಷ್ಟು ಜನಪ್ರಿಯವಾಗಿವೆ. ಇದೇ ಸಾಲಿನಲ್ಲಿ ಇನ್ನೊಂದು ಹೊಸ ಸೇರ್ಪಡೆ ಈಲೋಹಿತಂತ್ರಾಂಶ.

ಯಾಕಪ್ಪಾ ಗೌಡ ಇನ್ನೊಂದು ಹೊಸ ತಂತ್ರಾಂಶ? ಎಂದು ಪ್ರಶ್ನಿಸಿದರೆ, ನನ್ನ ಬಳಿ ಹೆಚ್ಚೇನು ಸಮಾಜಾಯಿಷಿ ಸಿದ್ದವಿಲ್ಲ.

ಇದು ಕೇವಲ ಆಸಕ್ತಿಯಿಂದ ಆರಂಭಿಸಿದ project. ಬ್ಲಾಗ್ ಸ್ನೇಹಿತರ ಸಲಹೆ ಹಾಗೂ ಪ್ರೋತ್ಸಾಹದ ಜೊತೆಗೆ ನನ್ನ ಹಲವು ರಾತ್ರಿಗಳ ನಿದ್ದೆ ಹಾಗೂ ಕೆಲವು ವಾರಾತ್ಯಗಳ ಸಂಪೂರ್ಣ ಅರ್ಪಣೆಯಿಂದ ಈ ತಂತ್ರಾಂಶ ಇಷ್ಟರ ಮಟ್ಟಿಗೆ ಸಿದ್ದವಾಗಿದೆ.

ಇದನ್ನು ಉಚಿತ ತಂತ್ರಾಂಶವನ್ನಾಗಿಸಲು ಇಚ್ಚಿಸುತ್ತಿದ್ದೇನೆ.

ಲೋಹಿತಂತ್ರಾಂಶದ ವಿಶೇಷತೆಗಳು

೧. ಒಮ್ಮೆಗೇ ಅನೇಕ ಕಡತಗಳನ್ನ ತೆರೆದು ಕೊಳ್ಳಬಹುದು. ಪ್ರತೀ ಕಡತವೂ ಒಂದು ಹೊಸ Tab ನಲ್ಲಿ ತೆರೆದುಕೊಳ್ಳುತ್ತದೆ.

೨. LINUX ನಲ್ಲಿಯೂ ಈ ತಂತ್ರಾಂಶವನ್ನ ಬಳಸ ಬಹುದು.

೩. ಬರಹ ಹಾಗೂ ನುಡಿ, ಎರ್ಡೂ ಮಾದರಿಯ ಕೀಲಿಮಣೆ ಯಲ್ಲಿ ಬರೆಯ ಬಹುದು.

೪. ಕಡತಗಳನ್ನ PDF ಆಗಿಯೂ ಉಳಿಸಿ ಕೊಳ್ಳ ಬಹುದು

೫. ಪದಪೂರ್ತಿ ಸಹಾಯ (auto - completion) ವಿರುತ್ತೆ.

೬.ಅಕ್ಷರಗಳನ್ನ ಅಲಂಕರಿಸ ಬಹುದು, ಹಾಗೆ ಅಲಂಕರಿಸಿದ ಕಡತಗಳನ್ನ HTML ಆಗಿ ಉಳಿಸಿಕೊಳ್ಳ ಬಹುದು

೭ ಎಲ್ಲಾ ಕಡೆ ಸಂಪೂರ್ಣವಾಗಿ ಕೇವಲ ಯೂನಿಕೋಡ್ (UTF-16) ಮಾತ್ರ ಬಳಸಲಾಗಿದೆ

೮. ANSI ಕನ್ನಡವನ್ನ ಬೆಂಬಲಿಸಲಾಗಿದೆ. (ಅಂದರೆ ಬರಹದ BRH ಕಡತಗಳನ್ನ ತೆರೆಯಬಹುದು)

೯. Table ಗಳನ್ನ, ಚಿತ್ರಗಳನ್ನ ಸೇರಿಸ ಬಹುದು.

ವಿಶೇಷತೆಗಳ ಸಂಕ್ಷಿಪ್ತ ವಿವರಣೆ

LINUX ಬಳಕೆದಾರರು ಸಹ ಈ ತಂತ್ರಾಂಶವನ್ನ ಬಳಸಬಹುದು. ನಿಮ್ಮ LINUX ಗೆ ತಕ್ಕ ಭಿನ್ನ package ನೀಡಲಾಗುವುದು.

ಕೆಲವರು "ಬರಹ" ದ ಮಾದರಿಯನ್ನ, ಮತ್ತೆ ಇನ್ನು ಕೆಲವರು "ನುಡಿ" ಮಾದರಿಯನ್ನ ಅನುಸರಿಸುತ್ತಾರೆ. ಎರ್ಡೂ ಮಾದರಿಯ ಕೀಲಿ ಮಣೆ ಸಾಕಷ್ಟು ಪ್ರಚಾರ ದಲ್ಲಿದೆ. ಆದ್ದರಿಂದಲೇ ಎರ್ಡೂ ಮಾದರಿಯ ಮಣೆಗಳನ್ನ ಅಳವಡಿಸಲಾಗಿದೆ.

ನೀವು ಕೀಲಿಮಣೆ ಮಾದರಿಯನ್ನ switch ಮಾಡಿಕೊಳ್ಳಲು, ಮೇಲೆ ನೀಡಿರುವ "ಕಗಪ" ಅಥವ "ಕ್" ಎಂದಿರುವ ಗುಂಡಿಯನ್ನ ಒತ್ತಿ. ನಡುವೆ ಯಾವುದೇ ಗಳಿಗೆಯಲ್ಲಿ ನಿಮಗೆ ಬೇಕೆನಿಸಿದಾಗ ಬದಲಿಸಿಕೊಳ್ಳ ಬಹುದು.

PDF ಕಡತಗಳು ತುಂಬಾ portable, ಈ ಬಗ್ಗೆ ನಿಮಗೂ ತಿಳಿದಿರುತ್ತೆ, ಈ ರೀತಿಯ PDF ಕಡತಗಳನ್ನ ರಚಿಸಲು, ನೀವು ಮೇಲೆ ನೀಡಿರುವ "PDF" ಗುಂಡಿಯನ್ನ ಒತ್ತಿ. ಅದರಲ್ಲಿ ಹೊಸ ಕಡತದ ಒಂದು ಹೆಸರನ್ನ ಆಯ್ಕೆ ಮಾಡಿ. ನಂತರ "OK" ಒತ್ತಿದರೆ ಸಾಕು ನಿಮ್ಮ PDF ಕಡತ ಸಿದ್ದ.

ಪದಪೂರ್ತಿ ಸಹಾಯ, ಏನಿದು ಅಂತೀರ? ಒಂದು ಉದಾಹರಣೆ ಕೊಡ್ತೀನಿ.

ನೀವು ಈಗ "ಪ್ರದರ್ಶನ" ಎಂದು ಬರೆಯಲು ಇಚ್ಚಿಸುವಿರಿ ಎಂದು ಇಟ್ಟು ಕೊಳ್ಳಿ. ಅದಕ್ಕೆ ನೀವು ಮೊದಲು "ಪ್ರ" ಎಂದು ("pra") ಬರೆಯುತ್ತೀರಿ, ಆಗ, ಕೂಡಲೇ "ಪ್ರ" ಅಕ್ಷರದ ಮುಂದೆ ನಿಮಗೆ ಒಂದು ಸಹಾಯ ಕಿಡಕಿ ತೆರೆಯುತ್ತೆ. ಅದರಲ್ಲಿ "ಪ್ರ" ಅಕ್ಷರದಿಂದ ಆರಂಬವಾಗುವ ಅನೇಕ ಪದಗಳನ್ನ ಪಟ್ಟಿ ಮಾಡಲಾಗಿರುತ್ತೆ. ಆ ಪಟ್ಟಿಯಲ್ಲಿ "ಪ್ರದರ್ಶನ" ಎಂಬ ನಿಮ್ಮ ಆಯ್ಕೆ ಕೂಡಲೇ ಕಂಡು ಬಂದಲ್ಲಿ ಆ ಪದವನ್ನ high light ಮಾಡಿ ಕೊಳ್ಳಿ, Up ಅಥವ Down arrow ಕೀಲಿಯನ್ನ ಒತ್ತಿ.

ನಂತರ Tab ಅಥ್ವ Enter ಕೀಲಿಯನ್ನ ಒತ್ತಿ. ಈಗ "ಪ್ರದರ್ಶನ" ಪದ ಕೂಡಲೇ ಬರುತ್ತೆ. ಪ್ರದರ್ಶನ ಅಲ್ಲದೆ, ಬೇರೆ ಪದಗಳು ಬೇಕು ಅನ್ನಿಸಿದರೆ, ಸುಮ್ಮನೆ ಬರೆಯುತ್ತ ಹೋಗಿ, ಹತ್ತಿರದ ಪದಗಳ ಪಟ್ಟಿ ತಾನಾಗೆ ತೆರೆಯುತ್ತೆ, ಬೇಕೆಂದರೆ ಆಯ್ಕೆ ಮಾಡಿ ಇಲ್ಲ ಅಂದರೆ ನಿಮ್ಮ ಪಾಡಿಗೆ ನೀವು ಬರೆಯುತ್ತಾ ಹೋಗಿ.

ಅಕ್ಷರಗಳನ್ನ ಅಲಂಕರಿಸುವುದರ ಬಗ್ಗೆ ನಿಮಗೇ ತಿಳಿದಿರುತ್ತೆ, ಅಲಂಕರಿಸಿದ ಪಠ್ಯವನ್ನ HTML ಹಾಗಿ ಉಳಿಸಿ ಕೊಳ್ಳಿ. HTML ಹಾಗೂ ಸಂಪೂರ್ಣ ಯೂನಿಕೋಡ್, ಈ ಎರ್ಡು ಗುಣಗಳ ಪ್ರಭಾವದಿಂದ ನಿಮ್ಮ ಕಡತವನ್ನ ಬೇರೆ ಯಾವುದೇ ಕಂಪ್ಯೂಟರ್ನಲ್ಲಿ FIREFOX ಅಥ್ವ INTERNET EXPLORERಅಥ್ವ google chroome ಮುಂತಾದ ಬ್ರೌಸರ್ ಗಳಲ್ಲಿ ಸುಲಭವಾಗಿ ತೆರೆಯ ಬಹುದು.

ಬರಹದಲ್ಲಿ ಬರೆದು ಉಳಿಸಿಕೊಂಡ BRH ಕಡತಗಳನ್ನ ತೆರೆದು, ಕನ್ನಡ ಯೂನಿಕೋಡ್ ಗೆ ತರ್ಜುಮೆ ಮಾಡಬಹುದು.

Table ಅಂದರೆ, ಹೇಗಿರುತ್ತೆ ನೀವೇ ನೋಡಿ

೧	ಕುವೆಂಪು
೨	ಡಿ ವಿ ಜಿ

ಭಾರೀ ಉದಾರವಾಗಿ ಬರೀ ಉದಾರೀಕರಣ

2009-12-10T22:45:00.001+05:30

ಹಣಕಾಸಿನ ಬಗ್ಗೆ, ಒಂದಿಷ್ಟು ಈ ಹಿಂದೆ ಇಲ್ಲಿ ಬರ್ದಿದ್ದೆ. ನೀವು ಕೂಡ ಅದನ್ನ ಓದಿ ಮುಂದಿನ ಭಾಗ ಹಾಕಿ ಅಂತ ಅಂದಿದ್ದ್ರಿ. ಆದ್ರೆ, ಕೆಲವು ಒತ್ತಡಗಳ ಕಾರಣ ಏನನ್ನೂ ಬರೆಯದೇ ಏಕತಾನತೆ ಅನುಭವಿಸಿ, ಕೊನೆಗೆ ಉಸಿರು ಬಿಗಿದಂತಾಯ್ತು, ಅದಕ್ಕೆ ಒಂದಿಷ್ಟು ಬರೀಲೇ ಬೇಕು ಅಂತ ಕೂರ್ಬೇಕು ಅನ್ನಿಸ್ತು. ಆದ್ರೆ ಅದಕ್ಕಿಂತ ಮುಂಚೆ ಈ ಕೆಳಕಂಡ ಬರಹವನ್ನ ಓದಿ. ನಿಮಗೆ ಏನಾದ್ರೂ ಇನ್ನೂ ಹೆಚ್ಚು ಮಾಹಿತಿ ತಿಳಿದಿದ್ರೆ. ಹಂಚಿಕೊಳ್ಳೋದನ್ನ ಮರಿಬೇಡಿ.

~~~~ (*) ~~~~

ಈಗ ಮತ್ತೋಂದು ಸುಲಭ ಉದಾಹಾರಣೆಯನ್ನ ತಗೋಳ್ಳಾಣ. ಸುಮಾರು ೧೯೯೮ ರಲ್ಲಿ ರಷ್ಯದ ಅರ್ಥ ವ್ಯವಸ್ಥೆಯಲ್ಲಿ ಒಂದು ಬಾರೀ ಬಿರುಗಾಳಿಯೇ ಬೀಸಿತ್ತು. ಅದ್ರ ಪರಿಣಾಮವಾಗಿ ರಷ್ಯದಲ್ಲಿ ಎಲ್ಲಾ ಉತ್ಪನ್ನಗಳ ದರ ಇದ್ದಕ್ಕಿದ್ದಂತೆ ಗಗನಕ್ಕೇರಿದ್ವು, ಇದನ್ನ ನನ್ನ ಒಬ್ಬ ಸ್ನೇಹಿತ ತನ್ನ ಮಾತಲ್ಲಿ ಹೀಗೆ ಹೇಳಿದ್ದ ಅಂತ ಇಲ್ಲಿ ಬರ್ದಿದ್ದೀನಿ.

"ನಾನು ಆಗ ಹದಿನಾರು ವರ್ಷದವನಿದ್ದೆ. ನನಗೆ ಕಂಪ್ಯುಟರ್ ಕೊಡ್ಸಿ ಅಂತ ಮನೆಯಲ್ಲಿ ತುಂಬಾ ದಿನದಿಂದ ಹಟ ಮಾಡ್ತಿದ್ದೆ. ನನ್ನ ಹುಟ್ಟುಹಬ್ಬದ ಕೊಡುಗೆಯಾಗಿ ನನಗೆ ಕಂಪ್ಯುಟರ್ ಕೊಡ್ಸಿದ್ರು. ಅದಕ್ಕೆ ಆಗ ಸುಮಾರು ಎಳ್ನೂರು ಅಮೇರಿಕನ್ ಡಾಲರ್ ಬೆಲೆ ಇತ್ತು, ಅಪ್ಪ, ಅಮ್ಮ, ಚಿಕ್ಕಪ್ಪ ಎಲ್ಲ ಸೇರಿ ಕೊಡ್ಸಿದ್ರು. ಇದಾಗಿ ಒಂದೇ ತಿಂಗ್ಳಲ್ಲಿ ನಮ್ಮ ರಬೆಲ್ಸ್ (ರಷ್ಯಾದ ದುಡ್ಡಿನ ಹೆಸರು)
ಬೆಲೆ ನೆಲ ಕಚ್ತು. ಎಳ್ಣೂರು ಅಮೇರಿಕನ್ ಡಾಲರ್ ಕೊಟ್ಟು, ಒಂದು ತಿಂಗ್ಳ ಹಿಂದೆ ಖರೀದಿಸಿದ್ದ ನನ್ನ ಕಂಪ್ಯುಟರ ಬೆಲೆ ಒಂದು ತಿಂಗ್ಳ ಅಂತರದಲ್ಲಿ ಹತ್ತು ಪಟ್ಟು ಹೆಚ್ಚಾಗಿತ್ತು. ಆ ದಿನ ನಾನು ಹಟ ಮಾಡ್ದೆ ಇದ್ದಿದ್ರೆ, ನನ್ನ ಕಂಪ್ಯುಟರ್ ತೊಗೊಳ್ಳೊಕ್ಕೆ ಮುಂದೆ ಇನ್ನೂ ಐದು ವರ್ಷನಾದ್ರೂ ಕಾಯ್ಬೇಕಿತ್ತು ಅನ್ಸುತ್ತೆ."

ಇದೊಂದು ಉದಾಹರಣೆಯಷ್ಟೇ. ಈಗ ನನ್ನ ಸ್ನೇಹಿತನ ಜಾಗ್ದಲ್ಲಿ ನೀವಿದ್ದಿದ್ರೆ? ಊಹಿಸಿಕೊಳ್ಳಿ ನಿಮಗೇನೇ ಎಲ್ಲಾ ಅರ್ಥ ಆಗುತ್ತೆ... http://en.wikipedia.org/wiki/1998_Russian_financial_crisis

ರಷ್ಯಾದ "ರಬೆಲ್ಸ್" ತರ ನಮ್ಮ "ರುಪಾಯಿ" ಮೌಲ್ಯನೂ ರಾತ್ರಿ ಕಳ್ದು ಬೆಳ್ಕಾಗೋದ್ರಲ್ಲಿ ಈ ರೀತಿ ಏನಾದ್ರೂ ಠುಸ್ಸೆಂದಿದ್ರೆ ನಮ್ಗೆ ಆಗ ಅದ್ರ (ದುಷ್)ಪರಿಣಾಮ ಏನು ಅಂತ ಸರ್ಯಾಗಿ ಮನವರ್ಕೆ ಆಗ್ತಿತ್ತು. ಅದು ಕ್ರಮೇಣವಾಗಿ ಹಂತ ಹಂತವಾಗಿ ಪಲ್ಟಿ ಹೋಡಿತಿರ‍ೋದ್ರಿಂದ ನಮ್ಗೆ ಅದಕ್ಕೆ ತಕ್ಕಂತೆ ಹೊಂದಿ ಕೊಂಡು ಹೋಗೋ ಗುಣನೂ ಬೆಳಿತಾ ಇದೆ ಅನ್ಸುತ್ತೆ. ಇಲ್ದೇ ಹೋಗಿದ್ರೆ ರುಪಾಯಿ ಮೌಲ್ಯವನ್ನ ಹೇಗೆ ಕಾಪಾಡ್ಕೋ ಬೇಕು ಅಂತ ಜ್ಞಾನನಾದ್ರೂ ಬೆಳೆಸ್ಕೋಳ್ತಿದ್ವಿ ಅಲ್ವ?.

ಹಣದುಬ್ಬರ ಅಂದ್ರೆ ಸಾಮಾನ್ಯ ಮನುಷ್ಯನಿಗೆ ಏನರ್ಥ? ಅಂತೇಳಿ ತಿಳಿಯಾಗಿ ತಿಳ್ದಿದೀವಿ. ಈಗ ಅದೇ ಜಾಗತಿಕ ಮಟ್ಟದಲ್ಲಿ ಇದರ ಅರ್ಥ ಏನು ಅಂತ ತಿಳ್ಕೋಳ್ಳೊಣ.

ಹಣದುಬ್ಬರ ಹೆಚ್ಚಾದ್ರೆ, ನಮ್ಮ ದೈನಂದಿನ ಅವಶ್ಯಕತೆಗಳಾದ ಅಕ್ಕಿ, ಬೇಳೆ, ಹಾಲು ಹೀಗೇ ಎಲ್ಲಾದರ ಬೆಲೆಯೂ ಗಗನೆಕ್ಕೇರಿ ಬಿಟ್ತಾವೆ. ಅದಕ್ಕೆ ತಕ್ಕಂತೆ ಇದ್ದಕ್ಕಿದ್ದಂತೆ ನಮ್ಮ ಆದಾಯವೇನೂ ಹೆಚ್ಚಾಗೋಲ್ಲ. ಆದ್ರೆ ಖರ್ಚು ಮಾತ್ರ ಬೆಳಿತಾನೇ ಇರ್ತದೆ. ಇಂತಹ ಪರಿಸ್ಥಿತಿ ಒಂದು ಮದ್ಯಮ ವರ್ಗದ ಕುಟುಂಬಕ್ಕೆ ಎದುರಾದ್ರೆ ಹೇಗಿರುತ್ತೆ ಅಂತ ಊಹೆ ಮಾಡ್ಕೋಬಹುದು. ಮಾಡ್ಕೋಂತೀರ ತಾನೆ?

ಇಂತಹ ಪರಿಸ್ಥಿತಿ ಒಂದು ದೇಶಕ್ಕೇನೆ ಎದುರಾದ್ರೆ ಹೇಗಿರುತ್ತೆ ಯೋಚ್ನೆ ಮಾಡಿ ಈಗ?
ಹೌದು, ನಾನು ಹಿಂದಿನ ಬರಹದಲ್ಲಿ ತಿಳ್ಸಿದಿನಲ್ಲ? ಇಂದಿರಮ್ಮನ ಹಸಿರು ಕ್ರಾಂತಿ ಬಗ್ಗೆ! ಅದರ ಹಿಂದಿನ ಕಥೆಯೇ ಹಾಗಿತ್ತು. ಸುಮ್ಮನೆ ಹಸಿರು ಕ್ರಾಂತಿಗೆ ಕೈ ಹಾಕಿದ್ದಲ್ಲ. ಜನ ಹೊಟ್ಟೆಗೆ ಹಿಟ್ಟು ಸಹ ಇಲ್ದೇ ಸಾಯ್ತಾ ಇದ್ದಂತ ಪರಿಸ್ಥಿತಿ ಇತ್ತು ಹಾಗ.

ಮೊದ್ಲೇ ನಮ್ಮನ್ನ ಕೊಳ್ಳೇ ಹೊಡ್ದಿದ್ದಾ ಬ್ರಿಟೀಷರ ಮುಷ್ಠಿಯಿಂದ ಆಗ್ತಾನೆ ಬಿಡಿಸಿ ಕೊಂಡು ಹೊರಗೆ ಬಂದಿದ್ದಾ, ಸ್ವಾತಂತ್ರ ಭಾರತಕ್ಕೆ, ಎದುರಾದ ಅತೀ ಗಂಭೀರ ಸಮಸ್ಯೆಗಳು ಅನೇಕ, ಅದ್ರಲ್ಲಿ ಅತೀ ಮುಖ್ಯವಾದವು ಅಂದ್ರೆ
* ಪಾಕಿಸ್ಥಾನದ ಜೊತೆಗೆ ಪದೆ ಪದೆ ಗಡಿ ಸಮಸ್ಯೆಯ ಯುದ್ದ,
* ಚೀನಾದ ಜೊತೆಗೆ ಯುದ್ದ,
* ಇವೆರ್ಡು ಸಾಲ್ದಕ್ಕೆ ಬುಲೆಟ್ ವೇಗದಲ್ಲಿ ಬೆಳಿತಿದ್ದಾ ಜನಸಂಖ್ಯೆ,
* ಜೊತೆಗೆ ನಮ್ಮ ಉನ್ನತ ರಾಜಕಾರಣಿಗಳ ಕೆಲ್ವು ತಪ್ಪು ತಪ್ಪು ನಿರ್ದಾರಗಳು
* ಅನಕ್ಷರತೆ, ಬಡತನ, ನಿರುದ್ಯೋಗ,
ಹೀಗೇ ಎಲ್ಲಾ ಸೇರಿ ಸಮಾಜದ ಸಮತೋಲನವೇ ತಪ್ಪಿ ಹೋಗಿತ್ತು. ನಮ್ಮ ಅರ್ಥ ವ್ಯವಸ್ಥೆಯೇ ಕೊಚ್ಚಿ ಹೋಗಿತ್ತು.

ಇಂತಿಪ್ಪ ನಮ್ಮ ಕೇಂದ್ರ ಸರ್ಕಾರದಲ್ಲಿ ಕ್ರಮೇಣ ಬಾರೀ ಬೆಳ್ವಣಿಗೆಗಳು ಶುರುವಾದ್ವು. ಕೇವ್ಲ ಸರ್ಕಾರದಿಂದ ಎಲ್ಲ ಅಗತ್ಯಗಳನ್ನೂ ಪೂರೈಸೋದು ಕಷ್ಟ ಸಾದ್ಯ ಅಂತ ಮನವರಿಕೆ ಆಯ್ತು. ಹೀಗಾಗಿ ಕೆಲ್ವು ಉದ್ಯಿಮೆಗಳಲ್ಲಿ ಸಾಕಷ್ಟು ಸೇವೆಗಳನ್ನ ಉದಾರೀಕರಣದ ಗಾಳಿ ಬೀಸ್ತು.
* ದೂರಸಂಪರ್ಕಸೇವೆಗಳಲ್ಲಿ ಉದಾರೀಕರಣ
* ದೂರದರ್ಶನ ಸೇವೆಯಲ್ಲಿ ಸಾಧನೆ
* ಬ್ಯಾಂಕ್ ಸೇವೆಗಳಲ್ಲಿ ಉದಾರೀಕರಣ
ಖಾಸಗಿಯವ್ರಿಗೂ ಸಾಮಾಜಿಕ ಜವಬ್ದಾರಿಗಳಲ್ಲಿ ಪಾಲ್ಗೋಳ್ಳೋ ಅವ್ಕಾಶ ಕೊಡೋ ವ್ಯವಸ್ಥೆಗೆ ಸಾಕಷ್ಟು ಪ್ರೋತ್ಸಾಹನೂ ಸಿಕ್ತು. ಇದೆಲ್ಲಾ ಹೆಚ್ಚಾಗಿ ನಡ್ದದ್ದು ಇಂದಿರಮ್ಮನ ಕಾಲ್ದಲ್ಲಿ.

ಇದೇ ದಿಶೆಯಲ್ಲಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ, ೧೯೯೧ ರಲ್ಲಿ ನಮ್ಮ ಪ್ರಧಾನಮಂತ್ರಿಗಳಾಗಿದ್ದ ಪಿ.ವಿ ನರಸಿಂಹರಾವ್ ಹಾಗೂ ಆಗ ಇವ್ರ ಸಂಪುಟದಲ್ಲಿ ಕೇಂದ್ರ ಹಣಕಾಸು ಸಚಿವರಾಗಿದ್ದ ಈಗಿನ ಪ್ರಧಾನಮಂತ್ರಿಗಳಾದ ಮನ ಮೋಹನ ಸಿಂಗ್ ಇವ್ರೆಲ್ಲಾ ಸೇರಿ ಮತ್ತೋಂದು ಹೊಸ ಹೆಜ್ಜೆ ಇಟ್ರು. ಏನಪ್ಪಾ ಅದು ಅಂದ್ರೆ, ನಮ್ಮ ದೇಶದ ಮಾರುಕಟ್ಟೆಯನ್ನ ಹೊರದೇಶದವ್ರಿಗೂ ಮುಕ್ತಗೊಳಿಸಿದ್ರು. ಅಂದ್ರೆ, ಇತರೇ ದೇಶದವ್ರು ಸಹ ನಮ್ಮಲ್ಲಿ ಹಣವನ್ನ ಹೂಡಿಕೆ ಮಾಡ್ಬೌದು ಅಂತೇಳಿ ಅವ್ಕಾಶ ಮಾಡಿ ಕೊಟ್ರು.

~~~(*)~~~

ಸಶೇಷ...

ನಮ್ಮ ಬೀದಿ ತುಂಬಾ ವರ್ಲ್ಡ್ ಫೇಮಸ್

2009-11-23T22:47:00.000+05:30

ಕಣದ ಮನೆಯಲ್ಲಿ ಕಣಗಲ ಗಿಡವನ್ನ ಬೆಳೆಸಿದ್ದರ ಕಥೆಯ ಎರಡನೇ ಕಂತು ಇವತ್ತು ಹಾಕಿದ್ದೇನೆ...ಮೊದಲ ಕಂತನ್ನ ಈಗಾಗಲೇ ಓದಿಲ್ಲದಿದ್ದರೆ ಇಲ್ಲಿ ಓದಿ.

~~~

ಮೂರ್ತ್ಯಪ್ಪ ಇವತ್ತಿಗೆ ನಾಲ್ಕು ದಿನ ಆತು, ಆದ್ರೆ ಇನ್ನೂ ಚಿಗುರು ಕಾಣಿಸ್ತಿಲ್ಲ. ನಾನು ಸ್ವಲ್ಪ ಸರ್ಕಾರಿ ಗೊಬ್ರ ಹಾಕ್ತೀನಿ.

ಅಯ್ಯೋ! ಅದಕ್ಕೆ ಗೊಬ್ರ ಬೇಡ ಸಾವ್ಕಾರಾ, ಅದೆಲ್ಲ ಚಿಗುರೋಡೆಯುತ್ತೆ. ನಿಂಗೆ ಗೊತ್ತಾಗಲ್ಲ. ಈಗ್ಲೇ ಸರ್ಕಾರಿ ಗೊಬ್ರ ಹಾಕಿದ್ರೆ ಅದ್ರ ಎಳೆ ಬೇರು ಸುಟ್ಟು ಹೋಗುತ್ತೆ ಅಷ್ಟೇ. ಅದ್ರ ಪಾಡಿಗೆ ಅದನ್ನ ಬಿಟ್ಟು ನಿಮ್ಮ ಪಾಡಿಗೆ ನೀವು ಸ್ವಲ್ಪ ಇರ್ಬಾರ್ದೆ.

ಮೂರ್ತ್ಯಪ್ಪನ ಮಾತು ಲೆಕ್ಕಕ್ಕೆ ತೆಗಳ್ದೆ, ಪರೀಕ್ಷೆ ಮಾಡಣ ಅಂತ ಯೋಚ್ಸಿ, ಒಂದು ಬೊಗಸೆ ಪೂರ್ತಿ ಸರ್ಕಾರಿ ಗೊಬ್ರಾನೂ ತಗಮ್ಬಂದೆ. ಆದ್ರೆ ಎಲ್ಲಾ ಗುಣಿಗೂ ಸಮವಾಗಿ ಹಾಕ್ಲಿಲ್ಲ. ಒಂದು ಗುಣಿಗೆ ಜಾಸ್ತಿ ಹಾಕಿ, ಇನ್ನೊಂದಕ್ಕೆ ಸ್ವಲ್ಪವೆ ಸ್ವಲ್ಪ ಹಾಕಿದ್ದೆ. ಕರಿಬೇವಿನ ಗಿಡಕ್ಕೂ ಸ್ವಲ್ಪ ಹಾಕಿದೆ.

ಮತ್ತೊಂದೆರಡು ದಿನ ಬಿಟ್ಟು ಬಂದೆ, ಕಡ್ಡಿ ನೆಟ್ಟಿದ್ದ ಗುಂಡಿ ಮುಂದೆ ಕುಂತೆ, ಮೂರ್ತ್ಯಪ್ಪನೂ ನನ್ನಿಂದೆ ಇದ್ದ. ಕಡ್ಡಿಯಲ್ಲಿ ಇನ್ನೂ ಚಿಗುರಿಲೇನೇ ಕಾಣಿಸ್ತಿಲ್ಲ. ಕರಿಬೇವಿನ ಗಿಡದಲ್ಲಿ ಕೆಳಗಿನ ಎಲೆಗಳು ಒಣಗ್ತಾ ಬರ್ತಿದ್ವು.ನಾನು ಬೇಸರದಿಂದ ಮೂರ್ತ್ಯಪ್ಪನ ಕಡೆ ನೋಡ್ದೆ.

ನೋಡು ಮೂರ್ತ್ಯಪ್ಪ, ಸಾಕಷ್ಟು ನೀರಾಕಿದ್ದೀನಿ, ಬೇರೆ ಬೇರೆ ಮಣ್ಣು ಹಾಕಿದ್ದೀನಿ, ತಿಪ್ಪೆ ಗೊಬ್ರಾನೂ ಹಾಕಿದ್ದೀನಿ, ಕೊನೆಗೆ ಇರ್ಲಿ ಅಂತ ಸ್ವಲ್ಪ ಸರ್ಕಾರಿ ಗೊಬ್ರಾನೂ ಹಾಕಿದ್ದೀನಿ. ಆದ್ರೆ ಇನ್ನೂ ಚಿಗುರೇ ಕಾಣಿಸ್ತಿಲ್ಲ. ನೀನು ಹೇಳಿದ್ದೆ ಒಂದು ವಾರ ಆದ್ಮೇಲೆ ಚಿಗುರು ಬರುತ್ತೆ ಅಂತ, ಈಗ ನೋಡು ಒಂದ್ವಾರ ಆತು, ಇನ್ನೂ ಕಡ್ಡಿ, ಕಡ್ಡಿನೇ ಇದೆ, ಸಸಿನೇ ಹಾಗಿಲ್ಲಾ. ಕರಿಬೇವಿನ ಎಲೆಗಳು ಕೂಡ ಒಣಗ್ತಾ ಇವೆ. ಸ್ವಲ್ಪ ಔಷಧಿ ತಂದು ಈ ಕರಿಬೇವಿನ ಗಿಡಕ್ಕೆ ಸ್ಪ್ರೇ ಮಾಡ್ತೀನಿ.

ಸಾವ್ಕಾರಾ, ನಾನಾಗಲೇ ಹೇಳ್ದೆ ನಿಮ್ಗೆ, ಅದಿನ್ನೂ ಮೊದ್ಲು ಬೇರು ಬಿಡ್ಬೇಕು ಆಮೇಲೆ ಚಿಗುರು ಬರುತ್ತೆ ಅಂತ, ನೀವು ನನ್ನ ಮಾತು ಲೆಕ್ಕಕ್ಕೆ ತಗಳ್ದೇನೆ ಸರ್ಕಾರಿ ಗೊಬ್ರ ಹಾಕಿದ್ರಿ, ಈಗ ಇದ್ರ ಬೇರು ಕೂಡ ಸುಟ್ಟು ಹೋಗಿದೆ ಅನ್ಸುತ್ತೆ. ಆದ್ರೂ ಏನೂ ತಲೆ ಕೆಡಿಸ್ಕೂ ಬೇಡ್ರಿ, ಇನ್ನೂ ಸ್ವಲ್ಪ ದಿನ ಟೈಮ್ ಕೊಡಿ, ಈ ಮಣ್ಣಲ್ಲಿ ಸರ್ಕಾರಿ ಗೊಬ್ಬರದ ಶಕ್ತಿ ಕಡ್ಮೆ ಆದ್ಮೇಲೆ, ಬೇರು ಬಂದೇ ಬರುತ್ತೆ. ಆಮೇಲೆ ಚಿಗುರೆಲೆನೂ ಬರುತ್ತೆ. ಕರಿಬೇವಿನ ಗಿಡದಲ್ಲಿ ಈಗಿರೋ ಎಲ್ಲಾ ಎಲೆಗಳು ಉದ್ರುತಾವೆ. ಆಮೇಲೆನೇ ಜೊತೆಗೆ ಒಂದೊಂದೇ ಹೊಸ ಎಲೆ ಬರೋದು.

ಆದ್ರೂ ಮನಸ್ಸಿಗೆ ಸಮಾಧಾನ ಇರ್ಲಿಲ್ಲ. ಶೇಂಗ ಗಿಡಕ್ಕೆ ಹಾಕ್ತಿದ್ದನ್ನ ಗಮನಿಸಿದ್ದ ನಾನು, ಸುಣ್ಣವನ್ನೇ ಔಷಧಿ ಅಂತೇಳಿ ಊಹಿಸಿ, ಎಲ್ಲಾ ಗಿಡ್ಗಗಳಿಗೂ ಸುತ್ಲೂ ಸುಣ್ಣ ಹಾಕಿದೆ. ಮತ್ತೆ ಎಲೆನೆಲ್ಲ ಹಸಿ ಹಸಿ ಮಾಡಿ, ಎಲೆಗೂ ಸ್ವಲ್ಪ ಸುಣ್ಣ ಮೆತ್ತಿದೆ. ಯಾಕಂದ್ರೆ ರೋಗದ ಕೀಟಗಳು ಅಲ್ಲಿದ್ರೆ ಅವೂ ಸತ್ತು ಹೋಗ್ಲಿ ಅನ್ನೋ ಭಾವ್ನೆಯಾಗಿತ್ತು ನಂದು. :)

ಇಷ್ಟು ಮಾಡಿದ್ದು, ನೋಡಿದ ಮೂರ್ತ್ಯಪ್ಪ, ತುಂಬಾ ತಲೆ ಬಿಸಿ ಮಾಡ್ಕಂದಿದ್ದ. ಅದುಕ್ಕೆ ಗೊಬ್ರ, ಔಷಧಿ ಏನೂ ಬೇಡ ಅಂತ ಹೇಳಿದ್ನೆಲ್ಲಾ ಸಾವ್ಕಾರಾ. ಮತ್ಯಾಕೆ ಇದೆಲ್ಲ ಅಂತ ಕೇಳಿದ.

ಇಷ್ಟೆಲ್ಲಾ ಮಾಡಿದ್ರೂ ಹೊಸ ಚಿಗುರು ಬರ್ದೇ ಇದ್ದದ್ದನ್ನ ಗಮನಿಸಿ, ನನಿಗೆ ಕೆಟ್ಟ ಮೇಲೆ ಬುದ್ದಿ ಬಂತು ಅನ್ನೋ ಹಾಗಾಯ್ತು ಮತ್ತೆ ಅಂಗಾದ್ರೆ ಮೂರ್ತ್ಯಪ್ಪ, ಈ ಗುಣಿಲಿರೋ ಮಣ್ಣನ್ನೆಲ್ಲ ಬದಲ್ಸಿ ಇವತ್ತಿಂದ ಮತ್ತೆ ಬೇರೆ ಹೊಸ ಮಣ್ಣು ತಂದಾಕ್ಲ?

ಬೇಡ ಸಾವ್ಕಾರಾ, ನೀವು ಸ್ವಲ್ಪ ಅದಕ್ಕೆ ಟೈಮ್ ಕೊಡಿ ಸಾಕು.

ಮತ್ತೆ ಒಂದೆರ್ಡು ದಿನ ಕಾದೆ, ಆದ್ರೆ ಇನ್ನೂ ಚಿಗುರೆಲೇನೆ ಕಾಣಿಸ್ತಿಲ್ಲ, ಮೂರ್ತ್ಯಪ್ಪ ಇಲ್ದೆ ಇದ್ದಾಗ ಆಯಪ್ಪ ಹೇಳಿದ್ದೂ ನಿಜವ? ಈ ಕಡ್ಡಿಲಿ ನಿಜಕ್ಕೂ ಬೇರು ಬಂದಿರುತ್ತಾ? ಅಂತ ಪರೀಕ್ಷೆ ಮಾಡ್ಬೇಕು ಅಂತೇಳಿ, ಸ್ವಲ್ಪವೆ ಸರ್ಕಾರಿ ಗೊಬ್ರ ಹಾಕಿದ್ದ, ಗುಣಿಯಿಂದ ಒಂದು ಕಡ್ಡಿನ ಕಿತ್ತು ತಗ್ದು ನೋಡಿದರಾಯ್ತು ಅಂತ ಯೋಚ್ಸಿದೆ. ಹಾಗೇ ಮಾಡ್ದೆ. ಕಡ್ಡಿ ಕಿತ್ತು ಗಮನಿಸಿದೆ. ಅದ್ರಲ್ಲಿ ನಿಜಕ್ಕೂ ಬೇರು ಬರ್ತಾ ಇದ್ವು. ಅಜ್ಜಿಯ ನೆರೆ ಕೂದಲಿನ ಹಾಗೆ ಸಣ್ಣನೆಯ ಬಿಳಿ ಎಳೆಗಳು ಬರ್ತಿದ್ವು. ನೋಡಿ ಖುಷಿ ಆಯ್ತು, ಮತ್ತೆ ಆ ಕಡ್ಡಿನ ವಾಪಾಸ್ ನೆಟ್ಟೆ.

ಮುಂದಿನ ದಿನ ಮೂರ್ತ್ಯಪ್ಪನ ಹತ್ರ ಹೇಳ್ದೆ. ಮೂರ್ತ್ಯಪ್ಪ ನಿನ್ನೆ ನಾನು ಕಡ್ಡಿ ಕಿತ್ತು ನೋಡ್ದೆ, ನೀನೆಳ್ದಂಗೆ ಬೇರು ಬರ್ತಾ ಇವೆ. ಅಂದ್ರೆ ಇನ್ನು ಸ್ವಲ್ಪ ದಿನದ ಮೇಲೆ ಚಿಗುರೆಲೆ ಬರುತ್ತೆ ಅಲ್ವ?

ಬರುತ್ತೆ ಸಾವ್ಕಾರಾ, ಆದ್ರೆ ಈಗ ಮತ್ತೆ ತಿಪ್ಪೆ ಗೊಬ್ರ, ಸರ್ಕಾರಿ ಗೊಬ್ರ, ಸರ್ಕಾರಿ ಔಷಧಿ ಅಂತೆಲ್ಲ ತಂದು ಹಾಕ್ಬೇಡಿ. ಸ್ವಲ್ಪ ಚಿಗುರೆಲೆ ಬಂದ್ಮೇಲೆ ಏನಾದರೂ ಹಾಕಿ. ಉಪಯೋಗನೂ ಹಾಗುತ್ತೆ.

ಅಲ್ಲಿಂದ ಒಂದು ವಾರ - ಹದಿನೈದು ದಿನ, ಗಿಡಗಳ ಬಗ್ಗೆ ಹೆಚ್ಚು ತಲೆ ಕೇದಿಲ್ಕೊಳ್ಳಿಲ್ಲಾ.

ಅಷ್ಟೊತ್ತಿಗೆ ಒಂದಿನ ಅಮ್ಮ ಚಿಗುರೆಲೆ ಕಾಣಿಸಿ ಕೊಳ್ತಾ ಇರೋದನ್ನ ಗಮನಿಸಿದ್ರು, ಗಿಡಗಳಲ್ಲಿ ಹೊಸ ಚಿಗುರೆಲೆ ಬಂದಿದೆ ಅಂತ ಅವ್ರೇ ಬಂದು ನಂಗೆ ಹೇಳಿದ್ರು, ನಾನು ಹೋಗಿ ನೋಡ್ದೆ. ಸಣ್ಣ ಸಣ್ಣ ಚಿಗುರು ಸೂಕ್ಷ್ಮವಾಗಿ ಕಾಣಿಸ್ತಾ ಇದ್ವು. ಆವತ್ತೇ ಮೂರೂ ಗಿಡಗಳಿಗೆ ಸುತ್ತಲೂ ಬಿದಿರಿನ ಒಣ ಕಡ್ಡಿ ತಂದು ನೆಟ್ಟೆ, ಅದಕ್ಕೆ ತಂತಿ ಸುತ್ತಿ. ಬಿಗಿ ಭದ್ರತೆ ಮಾಡ್ಬಿಟ್ಟೆ. ಗಿಡನ ಮುಟ್ಬೇಕು ಅಂದ್ರೆ ಅಂದಕ್ಕೆ ಅಂತಾನೆ ಒಂದು ಚಿಕ್ಕ ಕಿಟಕಿ ಮಾಡಿದೆ.

ಅಲ್ಲಿಂದ ನಾನು ಇನ್ನೂ ಇಬ್ರನ್ನ ನನ್ನ ಜೊತೆ ಸೇರಿಸ್ಕಂದೆ. ಗೋಡೆಯ ಮಟ್ಟ ನೋಡೋಕ್ಕೆ ಅಂತ ತರಗಾರರು ಒಂದು ಸಣ್ಣ ಗಾತ್ರದ ಪೈಪನ್ನ ಉಪಯೋಗಿಸ್ತಾ ಇದ್ರು. ಅಂತ ಒಂದು ಹಳೇ ಪೈಪ್ ಉಪ್ಯೂಗಕ್ಕೆ ಬರಲ್ಲ ಅಂತ ಬಿಸಾಡಿದ್ರು. ಗಿಡಕ್ಕೆ ನೀರಾಕ್ಕೊಕ್ಕೆ ಅಂತ ಒಂದು ಲೀಟರಿನ ಡಬ್ಬದ ಕೆಳಗೆ ಒಂದು ರಂದ್ರ ಮಾಡಿ, ಈ ಪೈಪ್ನ ಒಂದೆರ್ಡು ಅಡಿ ಉದ್ದ ಕತ್ತರಿಸಿ ತಂದು ಸಿಗ್ಸಿದೆ. ಪಕ್ಕದ ತೊಟ್ಟಿಯಿಂದ ಡಬ್ಬದಲ್ಲಿ ನೀರ್ತಂದು, ಆ ಪೈಪ್ ಮೂಲ್ಕ ಗಿಡಕ್ಕೆ ಬಿದಿರಿನ ಕಡ್ಡಿ ಸಂದಿಯಿಂದ ನೀರಾಕೊದೇ ಒಂದು ಕುತೂಹಲವಾಗ್ಬಿಡ್ತು. ನಮ್ಗೆ ಆವತ್ತು ಇದೆ ಒಂದು ದೊಡ್ಡ ಇಂಜಿನೀರಿಂಗ್ ಅನ್ನಿಸಿತ್ತು.

~~~~ (*) ~~~~

ಮುಂದೆ ಕನಗಲ ಹೂವು ನಮ್ಮ ಮನೆಗೆ ಅಷ್ಟೇ ಅಲ್ಲಾ, ನಮ್ಮೂರಿನ ದೇವಸ್ಥಾನಗಳ ಪೂಜಾರಿಗಳ ಮನಗೆ ಮತ್ತೆ ನಮ್ಮೂರಿನ ದೇವಸ್ಥಾನಗಳಿಗೂ ಹೋಗಿ ಮುಟ್ಟಿತ್ತು. ದೇವಸ್ಥಾನದ ಪೂಜಾರಿಗಳೇ ದಿನ ಬಂದು ಹೂವು ಕಿತ್ಗಂಡು ಹೋಗ್ತಿದ್ರು. ಆದ್ರೆ ಕರಿಬೇವಿನ ಗಿಡ ಹೆಚ್ಚು ಎತ್ತರ ಬೆಳಿಲೆ ಇಲ್ಲಾ. ಎರಡ್ಮೂರು ವರ್ಷ ಆದ್ಮೇಲೆ ಸತ್ತು ಹೋತು. ಕನಗಲ ಗಿಡ ತುಂಬಾ ದೊಡ್ದಾಗಿತ್ತು. ಮತ್ತೆ ಅದ್ರ ಪಕ್ಕದಲ್ಲೇ ಇದ್ದ ಕೊಳವೆ ಬಾವಿಯ ಪಂಪ್ ಕೂಡ ಹಾಗಿನ್ದಾಗೆ ಕೆಟ್ಟು ನಿಲ್ತಿತ್ತು. ಇದರ ರಿಪೇರಿ ಮಾಡೋ ಸಂದರ್ಬದಲ್ಲಿ ಪಕ್ಕದಲ್ಲಿದ್ದ ಗಿಡ ತುಂಬಾ ಅಡ್ಡಿ ಮಾಡುತ್ತೆ ಅಂತಾ, ಗಿಡನ ಅಲ್ಲಿಂದ ಎತ್ತಂಗಡಿ ಮಾಡಿದ್ದಾರೆ. ಆದ್ರೆ ಅಮ್ಮ ಈಗ್ಲೂ ಮತ್ತೊಂದು ಕನಗಲ ಗಿಡನ ಅಲ್ಲೇ ಹತ್ರದಲ್ಲೇ ಬೆಳ್ಸಿದ್ದಾರೆ. ಈಗ ಅದೂ ನಮ್ಮ ಬೀದಿ ತುಂಬಾ ವರ್ಲ್ಡ್ ಫೇಮಸ್.

ಕಡ್ಡಿ, ಕಡ್ಡಿನೇ ಇದೆ, ಹೊಸ ಚಿಗುರೇ ಬಂದಿಲ್ಲಾ?

2009-11-18T12:23:00.004+05:30

ಹವ್ಯಾಸಕ್ಕೆ ಇರ್ಲಿ ಅಂತ ಇನ್ನೊಂದು ಕೂತೂಹಲವಾದ ಕಾರ್ಯದಲ್ಲಿ ನನ್ನನ್ನ ನಾನು ತೊಡಗಿಸ್ಕೋಡ್ಡಿದ್ದೀನಿ. ಆದು ಏನೂ ಅಂತ ನಿಮ್ಗೆಲ್ಲ ಇಷ್ಟರಲ್ಲೇ ತಿಳಿಸ್ತೀನಿ. ಈ ನಡುವೆ ಹೊಸ ಬರಹವನ್ನ ಬರಿಯೊಕ್ಕಾಗ್ಲಿ ಅಥ್ವ ನಿಮ್ಮಗಳ ಬರಹಗಳನ್ನ ಓದೋದಕ್ಕಾಗ್ಲಿ ನನಗೆ ಪುರುಸೊತ್ತಾಗ್ತಾ ಇಲ್ಲ. ಆದ್ರೆ ಬಿಡುವು ಮಾಡ್ಕೋಂಡು ಮುಂದಿನ ಹದಿನೈದು ದಿನಗಳಲ್ಲಿ ಬ್ಲಾಗ್ನಲ್ಲಿ ಯಥಾ ಪ್ರಕಾರ ಕಾಣಿಸ್ಲೋಳ್ತೀನಿ. ಇಷ್ಟು ಮಾತ್ರ ಹೇಳಿ ಹೋದ್ರೆ ಹೇಗೆ? ಅದಕ್ಕೇಂತ ಈಗಾಗ್ಲೇ ಇಂತಹ ಒತ್ತಡದ ಸಂದರ್ಭಗಳಿಗೆ ಇರ್ಲಿ ಅಂತ ಬರೆದಿಟ್ಟಿದ್ದ ಬರಹವೊಂದನ್ನ ಇಲ್ಲಿ ಇವತ್ತು ಹಾಕಿರ್ತೀನಿ. ಅಮ್ಮ ಅಪ್ಪನ ನಡುವೆಯ ಸಂಭಾಷಣೆಯೊಂದಿಗೆ ಬರಹ ಆರಂಬವಾಗುತ್ತೆ.

~~~~ (*) ~~~~

ಮನೆ ಹಳೆದಾಯ್ತು, ಬೇಗ ಹೊಸ್ಮನೆ ಕಟ್ಸೋ ವ್ಯವಸ್ಥೆ ಮಾಡಿ.

ಆಯ್ತು, ಮುಂದಿನ ವರ್ಷದಿಂದ ಮನೆ ಕಟ್ಸಾಣ, ಈ ವರ್ಷನೇ ಬೇಡ!

ಮನೆ ಕಟ್ಸಿದ್ರೆ, ಇಲ್ಲಿ ಕಟ್ಸೋದು ಬೇಡ ಮತ್ತೆ. ಕಣದಲ್ಲಿ ಕಟ್ಸಣ, ಇಲ್ಲಿ ಜಾಗ ಸಾಕಾಗಲ್ಲ.

ಆಯ್ತು, ಹೊಸ್ಕಣದಲ್ಲಿ ನಮ್ಮ ಜಾಗ ಅಳತೆ ಮಾಡ್ಸಿ ಕಟ್ಸಿದ್ರಾಯ್ತು.

ಹೀಗೇ ಕಾಲ ಕಳ್ದು, ಒಂದು ಶುಭದಿನ ಮನೆ ಕಟ್ಸೋಕ್ಕೆ ಕೆಲಸ ಶುರು ಮಾಡಿದ್ರು. ಅಪ್ಪನಿಗೆ ಹಣದ ಬಗ್ಗೆ ಸ್ವಲ್ಪ ಆತಂಕ ಇದ್ರೂನೂ ಉತ್ಸಾಹದಿಂದಲೇ ಮನೆ ಕಟ್ಸೋದಕ್ಕೆ ತಕ್ಷಣಕ್ಕೆ ಬೇಕಿದ್ದ ಇಟ್ಟಿಗೆ, ಕಲ್ಲು, ಸಿಮೆಂಟು ಒಂದೊಂದೇ ವ್ಯವಸ್ಠೆ ಮಾಡೋದಕ್ಕೆ ಓಡಾಡ್ತಾ ಇದ್ರು.

ಆಗ ನನ್ನ ಜವಾಬ್ದಾರಿ ಏನಪ್ಪಾ ಅಂದ್ರೆ, ಊಟದ ಸಮಯ ಒಂದ್ಬಿಟ್ಟು, ಉಳ್ದಾ ದಿನ ಪೂರ್ತಿ ಕಣದಲ್ಲೇ ಇರ್ಬೆಕಿತ್ತು. ಎನಾದ್ರೂ ಕಳ್ಳತನ ಹಾಗುತ್ತೆ ಅನ್ನೋ ಯೋಚ್ನೆ ಇದ್ದಿದ್ದರಿಂದ, ಈ ರೀತಿ ಮಾಡ್ಬೇಕಾಗಿತ್ತು. ಆದ್ರೆ ರಾತ್ರಿ ನಾನು ಮನೇಲೇ ಇರ್ತಿದ್ದೆ, ಕಣದಲ್ಲಿ ಯಾರಾದ್ರು ಬೇರೆಯವರನ್ನ ಮಲಗಿಲಿಕ್ಕೆ ವ್ಯವಸ್ಠೆ ಮಾಡಿದ್ರು. ಬೇಸಿಗೆ ರಜಾ ಪೂರ್ತಿ ನಾನು ಕಣದಲ್ಲೇ ಕಳ್ದೆ.

ಈ ರೀತಿ ಇರ್ಬೇಕಾದ್ರೆ, ಒಂದಿನ ನಮ್ಮ ಹಳೇ ಮನೆ ಇತ್ತಲಲ್ಲಿ ಇದ್ದ ಕನಗಲ ಹೂವಿನ ಗಿಡವನ್ನ ನಾನು ನಮ್ಮ ಹೊಸ್ಮನೆ ಹತ್ರಾನು ಬೆಳಸ್ಬೇಕು ಅಂತ ಯೋಚ್ನೆ ಬಂತು. ಯಾಕಂದ್ರೆ ಹೊಸಮನೆಗೆ ಹೋದ್ಮೇಲೆ ಪೂಜೆಗೆ ಹೂವು ಅಂತ ಮತ್ತೆ ಹಳೇ ಮನೆಗೆ ಬರೋದು ಬೇಡ ಅಂತ.

ಅಮ್ಮ, ಕನಗಲ ಗಿಡನ ಹೊಸ್ಮನೆ ಹತ್ರನೂ ಬೆಳಿಸ್ಬೇಕು, ಹೊಸ್ಮನೆಗೆ ಹೋದ್ಮೇಲೆ ನಮಿಗೆ ಹೂವಿನ ಚಿಂತೆ ಇರಲ್ಲ.

ಹ್ಞೂ, ಅದಕ್ಕೇನಂತೆ ಈಗ ಇತ್ತಲಲ್ಲಿ ಇದೆಯಲ್ಲ ಅದೇ ಗಿಡದ ಒಂದೆರ್ಡು ರಮ್ಬೇಗಳನ್ನ ಕತ್ರಿಸ್ಕೊಂದು ಹೋಗಿ ಅಲ್ಲಿ ಹೊಸ್ಮನೆ ಕಣದಲ್ಲಿ ನೆಡು.

ಅಮ್ಮಾ , ಬರೀ ಕಡ್ಡಿ ನೆಟ್ರೆ ಸಾಕ? ಅದುನ್ನ ಪ್ಯಾಕೆಟ್ ಮಾಡಿ ನೆಡೋದಲ್ವ? ಬೇರು, ಬೀಜ ಏನೂ ಬೇಡ್ವ?

ಹೇ, ಇದನ್ನೆಲ್ಲಾ ಪ್ಯಾಕೆಟ್ ಯಾಕ್ಮಾಡ್ತೀಯ? ಕಡ್ಡಿನೇ ಸಾಕು, ಸ್ವಲ್ಪ ನೀರಾಕ್ತಾ ಇರು ಸಾಕು.

ಆಯ್ತು ಸರಿ ಇವತ್ತೇ ಗಿಡ ನೆಡ್ತೀನಿ.

ಇತ್ತಲಲ್ಲಿ ಒಂದೆರ್ಡು ತೆಳ್ಳನೆಯ ಉದ್ದನೆಯ ಕನಗಲ ರಮ್ಬೇಗಳನ್ನ ಕತ್ತರಿಸ್ಕಂದೆ, ತಗಂಡು ಹೊಸ್ಮನೆ ಕಣಕ್ಕೆ ಬಂದೆ. ಈಗ ಇದನ್ನ ಹೇಗೆ ನೆಡೋದು?

ನಮ್ಮನೆ ಕೆಲ್ಸಕ್ಕೆ ಒಬ್ಬ ಹೆಣ್ಮಗ್ಳು ಬರ್ತಿದ್ರು. ಅವ್ರ ಗಂಡನಿಗೆ ಒಂದು ಆಪರೇಷನ್ ಹಾಗಿತ್ತು. ಹಾಗಾಗಿ ಆಯಪ್ಪ ಏನೂ ಕೆಲಸ ಮಾಡ್ತಿರ್ಲಿಲ್ಲ. ಬರೀ ಅವ್ರಿವ್ರ ಮನೆ ಮುಂದೆ ಟೈಮ್ ಪಾಸ್ ಮಾಡ್ತಿದ್ದ. ಈಗ ಅವ್ನ ಹೆಂಡ್ತಿ ನಮ್ಮ ಹೊಸ್ಮನೆ ಕೆಲ್ಸಕ್ಕೆ ಬರ್ತಿದ್ರಿಂದ ಯಾವಾಗ್ಳೂ ಅಲ್ಲೇ ಕಣದಲ್ಲಿ ಇರ್ತಿದ್ದ. ಯಾರದ್ರೂ ಮಾತಾಡಕ್ಕೆ ಸಿಕ್ಕೇ ಸಿಕ್ತಾರೆ ಅಂತ. ನನಿಗೆ ಆಯಪ್ಪ ಯಾವಾಗ್ಲು "ಸಾವ್ಕಾರ" ಅಂತ ಕರೀತಿದ್ದು. ಆಯಪ್ಪನ ಹೆಸ್ರು "ಮೂರ್ತ್ಯಪ್ಪ". ನಾನು "ಮೂರ್ತ್ಯಪ್ಪ" ಅಂತಾನೆ ಕರೀತಿದ್ದೆ.

ಮೂರ್ತ್ಯಪ್ಪ, ನಮ್ಮ ಹಳೇ ಮನೆ ಇತ್ಲಲ್ಲಿ ಇರೋ ಕನಗ್ಲ ಗಿಡದ ಕಡ್ಡಿ ಇವು. ಈ ಕಡ್ಡಿಗಳು ಚಿಗುರೋಡ್ದು, ಗಿಡ ಹಾಗ್ತಾವಂತೆ, ಇಲ್ಲಿ ನೀರೂ ಹತ್ರದಲ್ಲೇ ಇದೆ, ಅದಕ್ಕೆ ಇಲ್ಲೇ ನೆಡ್ತೀನಿ. ಹಾಗೇ ಇದು ಕರಿಬೇವಿನ ಗಿಡ, ಇದನ್ನು ಇಲ್ಲೇ ನೆಡ್ತೀನಿ.

ಅಲ್ಲಾ ಸಾವ್ಕಾರಾ, ಒಂದು ಕಡಿ ನೆಡು ಸಾಕು, ನಿಮ್ದೊಂದು ಮನೆಗೆಲ್ಲ ಎಷ್ಟು ಗಿಡ ಬೇಕು? ಎಷ್ಟು ಹೂವು ಬೇಕು? ಮತ್ತೆ ಹೂವಿನ ಗಿಡ, ಕರಿಬೇವಿನ ಗಿಡದ ನಡ್ವೆ ಸ್ವಲ್ಪ ಜಾಗ ಬಿಡಿ. ಅವು ಬೆಳ್ದು ದೊಡ್ದವಾದ್ಮೇಲೆ ಅವಕ್ಕೆ ಇನ್ನೂ ಜಾಗ ಬೇಕಾಗುತ್ತೆ. ನಿಮ್ಮ ಹಳೇ ಮನೆ ಹಿಂದೆ ಇರೋ ಗಿಡನೆ ನೋಡಿ, ಈಗ ಎಷ್ಟು ದೊಡ್ಡದಾಗಿದೆ ಅಂತ.

ಆತು ಮೊರ್ತ್ಯಪ್ಪ ಸ್ವಲ್ಪ ಜಾಗ ಬಿಡ್ತೀನಿ. ಈ ಕಡ್ಡಿಗಳು, ಚಿಗುರೋಡಿಯೋದೆ ನಂಗೆ ಡೌಟು, ಅದಿಕ್ಕೆ ಈ ಎರಡು ಕಡ್ಡಿಗಳನ್ನ ನಾಲ್ಕು ಚಿಕ್ಕ ಚಿಕ್ಕ ಕಡ್ಡಿ ಮಾಡಿ, ಒಂದೊಂದತ್ರ ಎರಡೆರಡು ಕಡ್ಡಿ ನೆಡ್ತೀನಿ.

ಅಯ್ಯೋ ಬೇಡ ಸಾವ್ಕಾರಾ, ಒಂದೇ ಕಡ್ಡಿ ನೆಡಿ ಸಾಕು. ಅದಕ್ಕಿಂತ ಚಿಕ್ಕದಾಗಿ ಕತ್ತರಿಸ್ಬೇಡಿ. ಅದು ಉಪ್ಯೊಗಕ್ಕೆ ಬರಲ್ಲ.

ನಾನು ಮೂರ್ತ್ಯಪ್ಪನ ಮಾತನ್ನ ಲೆಕ್ಕಕ್ಕೆ ಇಟ್ಕಲ್ದೆ, ಎರಡನ್ನು ಕತ್ತರ್ಸಿ ನಾಕು ತುಂಡು ಮಾಡ್ದೆ. ಒಂದಡಿ ಆಳದ ಮೂರು ಗುಂಡಿ ತಗ್ದೆ, ಅದ್ರಲ್ಲಿ ಒಂದಿಷ್ಟು ಕಪ್ಪು ಮಣ್ಣು, ಕೆಂಪು ಮಣ್ಣು, ಒಂದಿಷ್ಟು ತಿಪ್ಪೆ ಗೊಬ್ರ ಹಾಕಿ ರಾಡಿ ಮಾಡ್ದೆ. ಒಂದು ಗುಣಿಗೆ ಎರಡು ಕಡ್ಡಿ, ಅಂದ್ರಂತೆ ಮೂರು ಗುಣಿಲಿ ನಾಲ್ಕು ಕಡ್ಡಿ ಮತ್ತೆ ಒಂದು ಕರಿಬೇವಿನ ಗಿಡ ಅಂತ ನನ್ನ ಪ್ಲ್ಯಾನ್ ಇತ್ತು.

ಗುಣಿಯ ಮದ್ಯೆದಲ್ಲಿ ಹೂವಿನ ಗಿಡದ ಎರಡೆರಡು ಕಡ್ಡಿ ಇಟ್ಟು, ಮುಚ್ಚಿದೆ. ಸಪೋರ್ಟಿಗೆ ಇರ್ಲಿ ಅಂತೇಳಿ ಇನ್ನೊಂದು ಬೇರೆ ಜಾತಿಯ ಒಣ ಕಂಡಿನೂ ಅದ್ರ ಜೊತೆ ನೆಟ್ಟಿದ್ದೆ. ಇದೆ ರೀತಿ ಕರಿಬೇವಿನ ಗಿಡಕ್ಕೂ ಮಾಡಿದ್ದೆ.

ಅಲ್ಲಾ ಸಾವ್ಕಾರಾ. ಅದಿನ್ನೂ ಬೇರಿಲ್ಲದ, ಎಲೆಯಿಲ್ಲದ ಕಡ್ಡಿ ಅಷ್ಟೇ. ಅದಕ್ಕೆ ಬೇರ್ಬೇರೆ ಮಣ್ಣು, ತಿಪ್ಪೆ ಗೊಬ್ರ ಎಲ್ಲಾ ಯಾಕೇ? ಸುಮ್ನೆ ಸ್ವಲ್ಪ ನೆಲ ಹಸಿ ಮಾಡಿ ಕಡ್ಡಿ ಸಿಗ್ಸಿ ಸಾಕು. ಕರಿಬೇವಿನ ಗಿಡಕ್ಕೂ ಅಷ್ಟೇ, ಅದು ಇನ್ನೂ ಹೊಸ ಬೇರು ಬರ್ಬೇಕು. ಅಲ್ಲಿತಂಕಾ ಅದಕ್ಕೆ ನೀರು ಮತ್ತೆ ಸ್ವಲ್ಪ ಮಣ್ಣು ಸಾಕು,

ಎರಡು ದಿನ ಬಿಟ್ಟು ಬಂದೆ, ಆದ್ರೆ ಇನ್ನೂ ಚಿಗುರೇ ಕಾಣಿಸ್ತಿಲ್ಲ. ಅಯ್ಯೋ ಕಡ್ಡಿ ಒಣಗಿ ಹೋಗಿದೆ ಅನ್ಸುತ್ತೆ. ಮೂರ್ತ್ಯಪ್ಪ ನೀನೆಳಿದ್ದು ಸರಿ, ನಾನು ಕಡ್ಡಿನ ಅಷ್ಟು ಚಿಕ್ಕದಾಗಿ ತುಂಡು ಮಾಡ್ಬಾರ್ದಾಗಿತ್ತು ಅನ್ಸುತ್ತೆ. ನಾನು ಮತ್ತೆ ಬೇರೆ ಕಡ್ಡಿ ತಂದು ನೆಡ್ತೀನಿ.

ಅಯ್ಯೋ ಸಾವ್ಕಾರಾ, ಅದಕ್ಕಿನ್ನೂ ಎರಡೇ ಎರಡು ದಿನ ಹಾಗಿದೆ, ಈಗ್ಲೇ ಹೇಗೆ ಚಿಗುರು ಬರುತ್ತೆ? ಒಂದು ವಾರನಾದ್ರೂ ಟೈಮ್ ಕೊಡ್ರಿ ಅದುಕ್ಕೆ. ಅದು ಮೊದ್ಲು ನೆಲದ ಒಳ್ಗೆನೇ ಸಣ್ಣ ಸಣ್ಣ ಬೇರು ಬರುತ್ತೆ. ಆ ಬೇರು ಬಂದಾದ ಮೇಲೆ ಸಣ್ಣ ಚಿಗುರೆಲೆ ಕಾಣ್ಸುತ್ತೆ. ಆ ಗಣ್ಣು ಇದ್ದಾವಲ್ಲ? ಅಲ್ಲೇ ಚೂರು ಹಸುರು ಬಣ್ಣದ ಚಿಗುರು ಬರುತ್ತೆ ನೋಡ್ತಿರಿ.

ಅನ್ಗಂತೀಯ ಮೂರ್ತ್ಯಪ್ಪ, ಯಾವ್ದುಕ್ಕು ಕಡ್ಡಿ ಒಣಗ್ದಂಗೆ ಅದರ ತುದಿಗೆ ಆಕ್ಳ ಸಗಣಿ ತಂದು ಅಂಟಿಸ್ತೀನಿ.

ಆ ಕೆಲಸ ಬೇಕಾದ್ರೆ ಮಾಡು ಸಾವ್ಕಾರಾ.

ಬೇರೆಯವರ ಮನೆ ಮುಂದಿನ ಹೊಸ ಗಿಡಗಳಿಗೆ ಈ ರೀತಿ ಮಾಡಿದ್ದು ಗಮನಿಸಿದ್ದ ನಾನು, ಸಗಣಿನ ತಂದು ಅದೇ ರೀತಿ ಕಡ್ಡಿ ತುದಿಗೆ ಮೆತ್ತಿದೆ.

ಮತ್ತೆ ಎರಡು ದಿನ ಬಿಟ್ಟು ಬಂದು ಗಮನ್ಸಿದೆ. ಆದ್ರೆ ಇನ್ನೂ ಚಿಗುರು ಕಾಣಿಸ್ತಿಲ್ಲ.ಅಷ್ಟೊತ್ತಿಗೆ ಮೂರ್ತ್ಯಪ್ಪ ನನ್ನ ಹಿಂದೆ ಬಂದು ನಿಂತು ನನ್ನನ್ನೇ ನೋಡ್ತಿದ್ದ.

~~~~ (*) ~~~~

ತುಂಬ ಉದ್ದ ಆಯ್ತು, ಅದಕ್ಕೆ ಇವತ್ತಿಗೆ ಇಲ್ಲಿಗೆ ನಿಲ್ಲಿಸಿ, ಮತ್ತೆ ಮುಂದಿನ ಭಾಗವನ್ನ ಇನ್ನೊಂದಿನ ಹಾಕ್ತೇನಿ